Wij jan rogge en(de) giel(ijs) de rike scepen(en) va(n) loeven(en) doen cont en(de) kenl(ec) alle(n)/ lieden dat voe(r) ons come(n) sijn in hoe(re)n p(ro)pe(re)n p(er)sone(n) h(er) henr(ic) va(n)d(er) leck/ he(re) va(n) hezewijc in deen side en(de) h(er) henr(ic) van diest he(re) vand(er) ryviere(n)/ in dande(re) en(de) hebben bekendt en(de) verlijt openbaerlec dat sij va(n)de(n)/ viii[c] rinschen gulde(ne)n die h(er) henr(ic) vand(er) leck vors(creven) hadde tot sine(n)/ live van vrouwe alite(n) wege(n) wile(n) vrouwe vand(er) ryviere(n) sijnre/ wetteg(er) gesellinne(n) op de goede vand(er) ryviere(n) met de(n) toebehoerte(n)/ die h(er) henr(ic) va(n) diest nu houde(n)de es met malc ande(re)n v(er)drage(n) en(de)/ ov(er)come(n) sijn ind(er) voege(n) en(de) maniere(n) h(ier) nae volg(ende) Dats te wete(n)/ inde(n) yerste(n) dat h(er) henr(ic) va(n) dyest en(de) sijn goede vand(er) ryvieren/ vande(n) vors(creven) viii[c] rinschen gul(den) die h(er) henr(ic) vand(er) leck hadde/ en(de) houd(ende) was tot sine(n) live aen de vors(creven) goede va(n) nu voert aen/ quijte en(de) onghehoude(n) sijn selen in alsulk(er) voege(n) d(aer) h dat/ h(er) henr(ic) van diest d(aer) voe(r) den vors(creven) h(ere)n henr(icke) vand(er) leck gheven/ en(de) betale(n) sal vande(n) vors(creven) goede(n) vand(er) ryvie(re)n iii[c] rinsch(er) gul(den)/ erflek(er) rente(n) die vallen en(de) v(er)schine(n) selen tallen k(er)ssvonde en(de)/ bi(n)nen acht dage(n) d(aer) nae ombeg(re)pen te betale(n) en(de) vergoude(n) [te] sine/ en(de) de yerste betalinge d(aer) af in te gaene te k(er)ssavonde naest come(n)de/ met alsulk(er) vorwerde(n) en(de) conditien dat h(er) henr(ic) va(n) dyest vors(creven)/ h(ere)n henr(icke) vand(er) leck die iii[c] rinsch gul(den) erflek(er) rente(n) afquite(n)/ en(de) lossen mach bi(n)ne(n) iiii jae(re)n naest come(n)de elken rinschen gul(den)/ erfleke o(m)me xx rinsche gul(den) die come(n) op de so(m)me va(n) vi[m]/ rinschen gul(den) en(de) die tot eenre so(m)men te betale(n) te gade(r) met/ eenre jaergulden d(er) selv(er) jaer rente(n) ende soe waer h(er) henr(ic) va(n)/ dyest de vors(creven) lossinge en(de) afquitinge vande(n) vors(creven) iii[c] rinschen/ gul(den) niet en dade noch af en quijtte bi(n)nen de(n) vors(creven) iiii jae(re)n/ Soe es vorw(er)de dat hi van dan vortaen h(ere)n henr(icke) vand(er) leck van/ sinen vors(creven) goede(n) vand(er) ryvieren voe(r) de vors(creven) iii[c] rinsch gul(den)/ erflek(er) rente(n) jaerlex gheve(n) en(de) betalen sal iiii[c] rinsch gul(den)/ erflek(er) rente(n) die oec jaerlex te kerss(avonde) vallen en(de) v(er)schine(n) sele(n)/ betaelt te w(er)den en(de) altoes bi(n)nen viii dage(n) nae de(n) selve(n) t(er)mijn/ ombeg(re)pen te sine Op alsulke(n) voege en(de) conditie dat h(er) henr(ic)
//
van diest vors(creven) die selve iiii[c] rinsche gul(den) erflek(er) rente(n) h(ere)n/ henr(icke) vand(er) leck afquijtte(n) en(de) lossen mach binnen iiii jae(re)n d(aer)/ naest volgende Dats te wete(n) elke(n) rinschen gul(den) erfleke o(m)me/ xvi rinsche gul(den) die come(n) op ci[m] en(de) iiii[c] rinsche gul(den) en(de)/ die tot eenre so(m)men te betalen tegade(r) met eenre jaergulde(n)/ van iiii[c] rinschen gul(den) Ende ghevielt alsoe dat h(er) henr(ic) va(n)/ dyest dese vors(creven) lossinge en(de) afquitinge va(n)de(n) vors(creven) iiii[c] rinsche(n)/ gulden(en) erflek(er) rente(n) niet en dade bi(n)nen den tide voergh(eruert)/ Soe es vorw(er)de dat h(er) henr(ic) vand(er) leck vors(creven) dan aen de vors(creven)/ goede vand(er) ryviere(n) met hoe(re)n toebehoerte(n) de vors(creven) iiii[c] rinsche/ gul(den) erflek hebbe(n) en(de) behoude(n) sal alle jae(re) te k(er)ssavonde valle(n)de/ en(de) v(er)schinende en(de) bi(n)nen viii dage(n) d(aer) nae ombegrepe(n) te betale(n)/ en(de) v(er)goude(n)te sine en(de) sond(er) enege lossinge ocht quitinge meer/ d(aer) aen te hebbe(n) ocht te behoude(n) en(de) telken t(er)mine als v(er)volghde/ schout Ende dese vors(creven) vorw(er)de(n) en(de) v(er)drach hebbe(n) geloeft her/ henr(ic) vand(er) leck in deen side en(de) h(er) henr(ic) van dyest in dande(re)/ voe(r) hen en(de) voe(r) hoe(r) erfgename(n) malc ande(re)n vaste en(de) gestedich/ en(de) onv(er)brekelec te houde(n) en(de) te voldoene in alle d(er) voeghen en(de)/ manieren dat sij bove(n) bescr(even) sijn en(de) v(er)cleert hen en(de) hoe(r) goede d(aer)/ voe(r) volcomelec v(er)oblige(re)nde en(de) v(er)bindende Voert heeft geloeft/ h(er) henr(ic) van dyest h(ere)n henr(icke) vand(er) leck va(n) desen vors(creven) vorw(er)de(n)/ en(de) v(er)drage te voldoene en(de) vast te sette(n) op den goede vand(er) ryviere(n)/ met hoe(re)n toebehoerte(n) voe(r) den he(re) va(n) arschot d(aer) sij te leene/ af ruere(n) en(de) voe(r) sijn ma(n)ne en(de) d(aer) toe alsoe vele te doene soe/ wa(n)neer dat de he(re) va(n) arschot bi(n)nen lants come(n) sal sijn/ dat den vors(creven) h(ere)n henr(icke) vand(er) leck en(de) sine(n) erfgename(n) vaste en(de)/ sek(er) sijn sal Ende dat gedaen en(de) gheschiet Soe es vorw(er)de/ tusschen de(n) selve(n) p(ar)tien dat h(er) henr(ic) vand(er) leck h(ere)n henr(ic) van/ dyest volcomel(ec) ov(er)gheve(n) sal alle breve brieve en(de) vorw(er)de(n) die/ hi heeft op de goede va(n)d(er) ryviere(n) vand(er) vorscr(even) lijftocht die hi/ va(n) vrouwe alite(n) wege(n) wilen sijnre gesellinne(n) vors(creven) d(aer) [daer] aen/ hadde(n) Allen argelist in desen vors(creven) saken uutghescheide(n) In orconde
//
van welken dinge(n) vorscr(even) wij scepen(en) va(n) loeven(en) voergh(enoemt) onse/ segele aen dese l(ette)ren hebbe(n) gehange(n) Gheg(even) int jaer ons/ he(re)n dusent iiii[c] en(de) vii xxv dage inde maent va(n) meye