Cond sij allen lieden dat matheeus kympe wonen(de) te libbeke es comen/ in jeg(enwoirdicheit) der scepen(en) van loven(en) en(de) heeft genomen en(de) bekent dat hi genomen/ heeft van henricke vanden borchove(n) de woenynge des selfs henrix met/ huysen bog(ar)den twelfdalf boende(re)n lants en(de) met omtrent v(½) boende(re)n weyde(n)/ beemde luttel min of meer met ene(n) stuxken beemts geheten den stort steert/ vande(n) wuwe(re) en(de) (½) boend(er) eeusels dat aliten van bout(er)shem was Te houden/ te hebben en(de) te wy(n)nen van halfm(er)te naest comen(de) ene(n) t(er)mijn van vi/ jae(re)n lang deen nae dand(er) sond(er) middel volgen(de) Dats te weten de voirs(creven)/ lande alle jae(re) dae(re)nby(n)ne(n) o(m)me seventhien mudde rogs goet en(de) payabel/ der maten van lov(en) met wa(n)ne en(de) met vede(re)n wel bereidt te s(ent) andr(ies) misse/ apost(els) te bet(alen) en(de) te loven(en) te leve(re)n alle jae(re) den voirs(creven) t(er)mijn due(re)nde en(de) telken/ t(er)mine als vervolghde schout It(em) sal hebben de voirs(creven) wy(n)ne de voirs(creven) v(½) boend(er)/ beemde met den sterte en(de) met den halve(n) boend(er) eeusels alle jae(re) o(m)me xxii/ hollan(tsche) guld(en) te s(ent) m(er)tens misse inden wynt(er) te bet(alen) telken t(er)mine als v(er)volgde/ schout It(em) sal de voirs(creven) wy(n)ne de voirs(creven) lande wel en(de) loflic wy(n)ne(n) en(de) mesten/ gelijc sinen reengenoten It(em) sal de voirs(creven) henric hebben half doeft dat inden/ bogart ald(aer) wassen sal en(de) dat selen henric en(de) sijn wy(n)ne gelijc lesen en(de) de/ wy(n)ne sal henricke sijn helcht te loven b(re)ngen It(em) sal de voirs(creven) wy(n)ne alle jae(re)/ leve(re)n iii[c] walme de huysingen aldaer mede te houden en(de) als men die daer/ verdect sal de voirs(creven) henric de dachue(re)n bet(alen) en(de) de wy(n)ne den wercliede(n) den/ cost gheve(n) Ende waert dat daer yet te plecken viele daer af soude henric/ oec de dachue(re)n bet(alen) en(de) de wy(n)ne den cost gheven It(em) sal de voirs(creven) wy(n)ne den/ voirs(creven) henric alle jae(re) een halst(er) lijnzaets saeyen en(de) henric sal daer toe den/ zaet leve(re)n It(em) sal de selve wy(n)ne den voirs(creven) henric twe werve(n) tsjaers te loven(en)/ vae(re)n met sine(n) waghen en(de) oec als henric vischt op sine(n) wuw(er) aldaer soe/ sal de wy(n)ne hem sijn vyssche tot in sijn hof aldaer vue(re)n Ende es oec/ vorwerde dat de voirs(creven) wy(n)ne in sine(n) lesten jae(re) gheen lant en sal moghen/ hoervruchten Voert heeft geloeft de voirs(creven) wy(n)ne de selve lande te laten ten/ eynde vande(n) voirs(creven) t(er)mine gelijc dat hise vant in sine(n) incomen [wel en(de) loflic gewo(n)ne(n) met sine(n) tidegen voe(re)n gelijc reengenote(n)] It(em) sal de/ voirs(creven) wy(n)ne alle tstroe en(de) voesteringhe dat vande(n) voirs(creven) goed(en) comen sal/ int voirs(creven) hof b(re)ngen en(de) dat ald(aer) sliten en(de) dmest daer af op tvoirs(creven) lant/ vue(re)n slants meesten p(ro)fite It(em) sal de voirs(creven) wy(n)ne den voirs(creven) henric jaerlix/ een verken houde(n) en(de) huede(n) als hi dat daer seyndt en(de) dat verken sal henric/ mogen verande(re)n als hi wilt h(ier) af sijn borghen wille(m) kympe vad(er) des voirs(creven)/ wy(n)ne(n) en(de) vranc vande(n) bossche van kerken Et p(ri)m[(us)] cor(am) eisd(em)