Item will(el)mus hollants diemen heet zomer natuerlic sone h(ere)nhenrix willen/ hollant priesters es come(n) in jegewordicheiden der scepen(en) van loven(en) en(de) heeft/ genome(n) ende bekendt dat hi genome(n) heeft van henr(ic) vande(n) borchove(n) sijn woeni(n)ge/ gelegen te vertrike daer jan coulart in woent mette(n) wynne(n)den lande dat/ de voirs(creven) henr(ic) te vertrike houdende es uutgescheiden alsulc land als jan de mu(n)te(re)/ jan vynke en(de) henr(ic) van gorssam vanden voirs(creven) henr(icken) wynne(n)de sijn te houden/ te hebben en(de) te wynne(n) van halfm(er)te naestcomende ene(n) t(er)mijn van vi jae(re)n/ lang deen nae dand(er) daer nae staphans volgende elx jaers dae(re)nbynnen/ tvoirs(creven) wy(n)nende land om achtentachtentich mudde rox goed en(de) payabel alsulx/ als te vertrike gemeynlic wassende es met wa(n)ne en(de) met veede(re)n wel/ bereydt d(er) maten van thiene(n) dats te weten vi halster der selv(er) maten voer/ een mudde gerekent te s(ent) andries misse te betale(n) en(de) te lov(en) te leve(re)n alle jaer/ den voirs(creven) t(er)mijn due(re)nde ende telke(n) t(er)mine als vervolghde schout Item sal/ de voirs(creven) wynne hebben en(de) houde(n) vande(n) voirs(creven) henr(icken) den voirs(creven) t(er)mijn due(re)nde/ twee boend(er) eeusels dieme(n) heet den vonder beemt Ite(m) ond(er)half boend(er)/eeusels beemts dieme(n) heed de bosbeemde Item noch een boend(er)/ beemts d(aer) neve(n) gelege(n) op de side ten nuwe(n) wege w(er)t Ite(m) een dach(mael)/ beemts datme(n) heet den bruel alle jaer om xx gulde(n) hollan(tsch) van/ goude goet en(de) gheve of de werde daer af te s(ent) m(er)tens misse inden/ wynt(er) te betale(n) Item sal de voirs(creven) wynne hebben en(de) behoude(n) de weyde/ vande(n) drie bogarden die de voirs(creven) henr(ic) te vertrike houdende es Item/ sal de voirs(creven) wynne hebben half doeft vande(n) bog(ar)de(n) ald(aer) aldaer en(de) / de voirs(creven) henric dand(er) helcht uutgescheide(n) doeft vande(n) bog(ar)de gelegen/ neve(n) thof vande(n) borchove(n) dwelc de voirs(creven) henric alleene hebbe(n) sal Ende/ de voirs(creven) wynne sal henr(icken) alle sijn oeft te loven(en) leve(re)n het en wae(re) dat hijt v(er)cochte
//
dat hijt dan niet sculdich en sal sijn te leve(re)n Item sal de voirs(creven) wynne/ hebben den voirs(creven) t(er)mijn due(re)nde een half schuere staende inde woeni(n)ghe/ dieme(n) heet den borchof Item sal de voirs(creven) wynne den voirs(creven) henr(icken) den/ voirs(creven) t(er)mijn due(re)nde gheve(n) vii[c] walme(re) om de huyse aldaer mede te decke(n)/ en(de) als de voirs(creven) henr(ic) aldaer decke(n) of plecke(n) doet sal de wynne de wercliede(n)/ den cost gheve(n) en(de) henr(ic) de dachue(re)n betale(n) Item sal de voirs(creven) wynne den/ voirs(creven) henr(ic) alle jaer hie(re)n bynne(n) vier halster raepsaets en(de) twee halster/ erweten te s(ent) andries misse te betale(n) Item sal de voirs(creven) wynne den voirs(creven)/ henr(icken) alle jaer den voirs(creven) t(er)mijn due(re)nde een halster lijnzaets zaeye(n) tot/ henr(ix) behoef en(de) daer toe sal henr(ic) tsaet leve(re)n Item sal de voirs(creven) wy(n)ne/ den voirs(creven) henr(icken) ov(er)tijt twee verken houde(n) den voirs(creven) t(er)mijn due(re)nde/ gelijc sine(n) lijfverkene(n) Item de wynne den voirs(creven) henr(ic) alle jaer den/ voirs(creven) t(er)mijn due(re)nde iiii sal sacke tarwe(n) voe(r) iiii sacke rox gheve(n) Item/ sal de voirs(creven) wynne henr(icken) den voirs(creven) wynne beyden xx sacke corens/ tot sine(n) besten lesten jae(re) toe Item sal de voirs(creven) wynne mogen hoer/ vruchten in sine(n) lesten jae(re) twee boend(er) lants en(de) niet meer Item/ sal de wynne in sijn leste jaer den art besaeyt late(n) gelijc dat hiten/ vynde(n) sal en(de) alle dand(er) land sal hi laten on[o(m)me]gestort en(de) o(m)megedaen/ uutgesch(eiden) twee boend(er) Ite(m) mach de voirs(creven) wynne besaeye(n) een dach(mael)/ lants met rapen inde(n) lesten jae(re) Ite(m) sal de voirs(creven) wynne houde(n)/ vijf dach(mael) helchtlants en(de) van elke(n) dach(mael) gheve(n) een halst(er) rox/ alle jaer den voirs(creven) t(er)mijn due(re)nde Ite(m) sal de voirs(creven) wynne den/ voirs(creven) henr(ic) jairlix van sine(n) wijne als hi te vertrike gewassen/ sal sijn een boend(er) te loven(en) leve(re)n en(de) sijn stake(n) den voirs(creven) henr(icken)/ van d(aer) hijse make(n) sal of coepe(n) voe(r) sine(n) wijng(ar)t leve(re)n Item sal/ de voirs(creven) wy(n)ne den voirs(creven) henr(icken) jaerlix houde(n) van kerss(misse) tot pinxtr(en)/ vi capuyn Ite(m) es vorw(er)de dat de voirs(creven) wynne alle stroe vanden/ voirs(creven) goede(n) comende vuere(n) sal int voirs(creven) hof en(de) dat ald(aer) v(er)teere(n)/ met sine(n) beesten en(de) te meste make(n) en(de) dat vuere(n) op tvoirs(creven) lant/ slants meesten p(ro)fijte sond(er) yet daer af te v(er)coepe(n) of uut te vuere(n)/ Ende alle dese voirs(creven) vorw(er)den en(de) geloften hebbe(n) geloeft de voirs(creven)/ henr(ic) in deen side en(de) wille(m) in dand(er) side malcande(re)n vaste en(de) gestede/ te houde(n) en(de) te voldoen talle(n) tide(n) en(de) t(er)mine(n) als sij valle(n) en(de) v(er)schine(n)/ selen en(de) telke(n) t(er)mine als v(er)volghde schout H(ier) af sijn borge(n) des voirs(creven)/ willems als p(ri)nc(ipael) sculde(re)n ongesund(er)t en(de) ongesch(eiden) (et)c(etera) henr(ic) de tryte(n)/ van libbeke jacop de tryte(n) sijn brued(er) vranke alboem van bout(er)shem en(de)/ jan guylart et p(ri)m(us) opp(endorp) opp(endorp) aug(usti) xxvi anno xx[a]