Van reynuwarde druys/ Tvonnisse tusschen reynuwart druys inden name van meeriken ende heilke(n)s/ sijnen dochte(re)n in deen zijde ende pirarde le beghineal die ov(er)midts vo(n)nis/ van scepen(en) brieve(n) van loven(en) beleidt es tot den goede(n) m(ar)griete(n) die wijf/ was jans wilen ja(n)nor sijnre moeder in dander zijde vanden goeden/ hier nae bescreven Inden yerste(n) een huys en(de) hof gelege(n) te grave(n)/ bijden kerchoff en(de) bijden wech die gaet elh bare It(em) drie vate coe(re)ns/ op een huys en(de) hof gelege(n) neve(n) thuys en(de) thoff voirs(creven) It(em) een half/ boend(er) lands p gelege(n) vers le potreie tussce(n) de lande raes van/ lynte(re) aen beyde den sijde(n) It(em) een dach(mael) lands gelege(n) neve(n) thalf/ boend(er) lands voirs(creven) It(em) noch (½) boend(er) lands dair bij gelegen dat/ was henken delre neve(n) de goede raes van lynte(re) tussce(n) den/ beghine(n) van ferierez en(de) sent jorijs lant van grave(n) It(em) ene(n) hoff/ gelege(n) tussce(n) sh(er)togen lant en(de) den wech die gaet van g(ra)ven/ terkene(n) wart It(em) een dach(mael) lands gelege(n) te fiterbais wart/ dat was jans de chaine neve(n) de goede raes van lynte(re) voirs(creven)/ Was gewijst dat de he(re)n scepen(en) van loven(en) t(er) manisse(n) smeyers/ setten met hoe(re)n vo(n)nisse de p(ar)tien inden hof dair de goede hove(n)/ aldair malc jege(n) ande(re)n recht te gheven en(de) te nemen P(rese)nt(ibus)/ eg(idio) rike will(el)mo lomb(ar)t joh(ann)e de borchove(n) iunio(r)e (et) petro willem(air)/ scabinis lovan(iensibus) maii penultima/