Want stoet en(de) gescille opv(er)staen sijn tusscen henricken henrix van gobb(er)tingen/ meye(r) van meylhem inden name van jonch(e)r baudewijn he(re) van fontainez en(de)/ van meylhem sijns he(re)n in deen zijde ja(n)ne ha(n)narde dieme(n) heet rosseal den/ jongen sone jans ha(n)narde van aildebroec h(en)rion soen henrix van rous ja(n)ne/ gilchon van chamont en(de) janne catthon inden name van hen en(de) van/ diedericken van halle sone dierix van halle wout(ere)n van halle bastart sone/ gheerts wilen van halle en(de) pete(re)n cop(er)man sone jans cop(er)mans hoe(re)n/ hulpe(re)n in dande(re) Van alsulken broeken als de voirs(creven) vii p(er)sone oft e(n)nige van/ hen inden voirs(creven) lande van meylhem gebroect en(de) misdaen moege(n) hebben/ dair inne dat de voirs(creven) jan ha(n)nart de jonge mede ov(er)ghegheve(n) heeft/ en(de) gestelt inden seggen vanden segge(re)n hier nae genoemt alsulken/ misdaet als de selve jan ha(n)narde meyndt dat hem misdaen hebben/ lambert sone henrix douwe jan soen willems del scr screye engelb(er)t/ gerarts coelhardealz sone en(de) robbeert jaquemijns ty(m)mermans sone in/ dien dat sij doet geslage(n) hebben ene(n) geheten mattelet en(de) meyndden den/ voirs(creven) ja(n)ne ha(n)narde den jonge(re) hebben gehadt alsoe de selve jan seeght/ inden welken oec de voirs(creven) iiii p(er)sone inden name van hen en(de) den ande(re)n/ drien hoe(re)n hulpe(re)n voirs(creven) hen oec ov(er)ghegeve(n) hebben [en(de) gekeert] inden selve(n) segge(re)n/ van dien dat merten douwe en(de) jaq(ue)mijn de ty(m)merma(n) hen opseggen dat/ sij hoir huyse ontwee geslage(n) soude(n) hebben dat gericht te hebben nae/ datment met d(er) wairheit bevijnden sal Soe sijn beyde de voirs(creven) p(ar)tien come(n)/ voir scepen(en) van loven(e) en(de) sijn vande(n) voirs(creven) gescille en(de) stoete en(de) van allen/ saken d(air) uut porre(n)de bleve(n) in segge(re)n en(de) vrientlic yffene(re)n te wete(n)/ in m(ijn) hee(re) den meest(er) van chantraine jonl(e)r jonch(e)r henric he(re) van rotsel(air)/ hee(re) ter roest en(de) jonch(e)r ja(n)ne he(re) te bout(er)shem en(de) lodewijc den riken rentm(eeste)r/ van loven(e) in alsulker voege(n) dat de voirscr(even) meyer van meylhem sijnen/ eysch en(de) aenleggen ten voirs(creven) vii p(er)sone(n) wart of tot den e(n)nige(n) van hen/ aenb(ri)nge(n) en(de) ov(er)gheve(n) sal den voirs(creven) iiii segge(re)n of den tween van hen bynne(n)/ iii weken naistcomen(de) dwelc sij b(ri)ngen selen ter ke(n)nissen vande(n) voirscr(even) vii/ p(er)sonen of tot e(n)nigen van hen die hoe(r) verantw(er)den d(air) af doen aenb(ri)ngen/ en(de) ov(er)gegh ov(er)gheve(n) selen den voirs(creven) iiii segge(re)n of den tween van hen bynne(n)/ iii weken dair nae naist volgende De welke iiii segge(re)n of de drie van hen/ beyde d(er) p(ar)tien en(de) besceidt ov(er)gehadt en(de) aengehoirt en(de) oec wairheiden
//
verhoirt op datmens behoeft hoir seggen en(de) uutsprake d(air) af eendrechtichlic/ doen en(de) p(ro)nu(n)cie(re)n selen tusscen dat en(de) palmsondach dair [nae] naest volgende Ende/ hebben geloeft de voirscr(even) meye(r) inden name als boven en(de) de voirgh(enoemde) iiii p(er)sone/ inden name van hen en(de) den drien hoe(r) hulpe(re)n voirs(creven) vast en(de) gestedich te/ houden en(de) te voldoen des de voirs(creven) iiii segge(re)n of de drie van hen een/ eendrechtichlic seggen en(de) uutspreken sellen lye(myng)[en] vynck fe(bruarii) v