Wij henricus vander calste(re)n en(de) denijs boys scepen(en) van loven(en) doen/ cond en(de) kenlic allen lieden dat voir ons come(n) es jonch(e)r jan van/ wittham hee(re) te bout(er)shem en(de) heeft openbairlic en(de) volcomelic gequi/ teert en(de) quijtgescouden alsulken beleidt als hem gedaen was/ midts macht van scepen(en) brieve(n) van loven(en) tot den goeden hier/ nae bescreve(n) en(de) genoempt h(e)r(e)n arnts he(re) van y(m)mersele ridders/ en(de) vrouwe lijsbette(n) wilen van kets sijnre wittig(er) gesellynne(n) sweer en(de)/ sweg(er) des voirs(creven) jonch(e)r jans van witham Te weten inden yersten tot/ allen alsulken erfleken ende leengoeden als den selve(n) h(e)r(e)n arnde van/ sijne(n) voirvorde(re)n ouders ende vrienden bleve(n) verstorve(n) en(de) aencome(n)/ sijn tot wat plaetsen die gelegen sijn oft hoe die genoempt sijn/ Item tot den hove ende goeden van y(m)mersele met der heerlich(eit) van/ wo(m)melghem in hoeghen en(de) in nede(re)n in naten en(de) in droegen met/ der thienden volghgelrien visscherien wijntmoelen watermoelen ende/ slachmoelen met den weeghelde tsijse rente(n) lande aerde bossche beemde/ en(de) allen ande(re)n hoe(re)n toebehoirten Item tot ene(n) beemde geheten moelen/ broec houdende drie boender oft dair omtrent gelege(n) te wo(m)melgem/ Item tot den goeden van brecht met den tsijse thienden renten heer/ scap ma(n)nen van leene en(de) allen ande(re)n hoe(re)n toebehoirte(n) Item tot d(er)/ helcht vande(n) tsijse en(de) bossche met den toebehoirten gelege(n) op steyl/ ende dair omtrent van welken tsijse en(de) bossce gelege(n) op steyl de/ voirs(creven) jonch(e)r jan van witham midts macht van sijnen voirs(creven) beleyde/ dand(er) helcht behoudende es gelijc de selve h(er) arnt en(de) vrouwe lijsbeth/ wilen van kets sijn medegesellynne de voirs(creven) goede te same(n) te hebben/ en(de) te besitte(n) plaghen Also dat de selve h(er) arnt en(de) sijn nacomeli(n)ge alle/ de voirscr(even) goede hebben en(de) besitte(n) sellen tot eeuwelike(n) dage(n) sond(er) yema(n)ts/ wederseggen Ende heeft bekent de voirs(creven) jonch(e)r jan van witham dat/ hij met sijne(n) voirs(creven) beleyde voirtaen gheen recht hebben en sal inde goede/ voirscr(even) allen argelist h(ier) inne uutgesceiden in orkonscap van welke(n) dinge(n)/ wij scep(enen) van lov(en) voirg(enoemd) etc(etera) sept(embris) xxii/