Item de voirs(creven) her arnt he(re) van y(m)mersele es comen voir scepen(en)/ van loven(en) ende heeft bekent en(de) verlijdt openbairlic dat jonch(e)r/ jan van wittham he(re) te boutershem die joffr(ouwe) lijsbette(n) van y(m)mersele/ sijnre docht(er) hadde hem volcomelic en(de) al vernueght voldaen en(de)/ volvuert heeft alsulken ov(er)drach als bijden goeden steden loeven(en)/ bruessel en(de) antwerpen gemaect was int jair ons he(re)n dusent/ vierhond(er)t vijfthiene xv dage in aprille van alsulken scepen(en)/ brieven van loven(en) beyde scoutbrief en(de) beleitbrief dair mede dat/ de selve jonch(e)r jan van witham tot den goeden des voirs(creven) h(e)r(e)n arnts/ en(de) vrouwe lijsbette(n) wilen van kets sijnre wittig(er) gesellynne(n) sweer/ ende sweger des voirs(creven) jonch(e)r jans beleidt was ende anders [gelijc] gelijt/ tselve verdrach dat inhadde Ende heeft de selve h(er) arnt den/ voirs(creven) jonch(e)r janne van witham vande(n) voirscr(even) ov(er)drage geheelic/a en(de) al volcomelic gequiteert en(de) quijtgescouden Consente(re)nde/ bege(re)nde en(de) versuekende aen ons scepen(en) van loven(en) voirg(enoemd) dat/ dat te nyeute gedaen worde en(de) van nu voirtaen van gheenre/ weerde(n) en sij gelijt oft noeit gemaect en hadde geweest calstr(is)/ha boys septembr(is) xxii/