Cont zij allen lieden dat katline van boutershem weduwe gielijs wilen/ van he(re)ndale es come(n) in jegewordich(eit) der scepen(en) van loven(en) en(de) heeft/ genome(n) en(de) bekent dat zij genome(n) heeft jege(n) vrouwe(n) anne(n) kersmakers/ p(ri)orynne des cloest(er)s vanden witte(n)vrouwe(n) te loven(en) van des voirs(creven) cloest(er)s wege(n)/ thoff des selfs cloest(er)s gehete(n) ter hoeve(n) mette(n) huyse(n) hove(n) wynne(n)den/ landen beemde(n) euselen en(de) alle zijne(n) toebehoirte(n) gelege(n) inde p(ro)chie van/ pellenb(er)ge gelijco(n)kerwijs als zij dat selve hoff in vortijde(n) ter helcht/ wynni(n)gen gehoude(n) heeft uutgenome(n) ene(n) elsbosch gehete(n) den nieuwe(n)/ bosch en(de) noch ene(n) elsenbosch gelege(n) acht(er) de goede katline(n) sgreve(n) ende/ oic ene(n) bosch gehete(n) den rijsbosch te houde(n) te hebbe(n) en(de) te wynne(n) van half/ m(er)te naestcomen(de) ene(n) t(er)mijn van viii jae(re)n lange deen nae dande(re) sonder middel/ volgen(de) elx jairs dae(re)n bynne(n) om en(de) voir te wete(n) de voirs(creven) wynne(n)de/ lande(n) voir xiiii mudden rox d(er) mate(n) van love(n) wael bereyt met/ wanne en(de) met vede(re)n tsinte andries misse apostels te betale(n) en(de) int/ voirs(creven) cloest(er) te leve(re)n alle jae(re) de(n) voirs(creven) t(er)mijn due(re)nde quol(ibet) ass(ecutu)[m] En(de)/ de voirs(creven) beemde(n) en(de) eusele(n) voir x hollan(sche) guld(en) goet en(de) geve tsinte/ m(er)tenmisse inde(n) wynt(er) te betalen int tvoirs(creven) choest(er) te beta leve(re)n alle(n)/ jae(re) etc(etera) quol(ibet) ass(ecutu)[m] ende ene(n) driesch die acht(er) de schue(re) gelege(n) es [daer af sij eens bynne(n) haren t(er)mine(n) scaerhout houden sal moghe(n)] voir en(de)/ om (½) mudde rox en(de) i mudde evene(n) elcs goed en(de) payabel der mate(n)/ voirs(creven) tsinte andries misse appostelen te betale(n) en(de) int voirs(creven) cloester te leve(re)n/ alle jae(re) den voirs(creven) t(er)mijn due(re)nde quol(ibet) ass(ecutu)[m][Ende een beemdeke(n) gehete(n) de kellerse(n) beemdeken voir en(de) om xli xiii pet(er)s brabants payme(n)ts ten voirs(creven) tijde te betalen en(de) te love(n) int voirs(creven) cloest(er) te leve(re)n alle den voirs(creven) t(er)mijn due(re)nde quol(ibet) ass(ecutu)[m]] Ite(m) es vorwerde dat/ de voirs(creven) katline hue(re) beeste(n) niet en sal moege(n) driven op de spruyte(n)/ der bossche(n) voirs(creven) het en zij dat die iii jair out sijn Ende es vorwerde/ dat de voirs(creven) katline de voirs(creven) lande wel wynne(n) en(de) werve(n) sal gelijc/ en(de) mesten wael en(de) loflijc gelijc hue(e)n reengenoete(n) bove(n) en(de) beneden[met den meste vande(n) voirs(creven) goede(n) comen(de)] Item/ es vorwerde dat de voirs(creven) katline alle tstroe dat op de voirs(creven) lande wassen/ sal te meste sal moete(n) maken en(de) alle dat mest op de voirs(creven) lande vuere(n)
//
en(de) behoirlijke(n) tijden slants meesten p(ro)fijte Item sal de voirs(creven) wynnersse/ alle jae(re) den voirs(creven) t(er)mijn due(re)nde copen xxx [xxviii] mandelen roggen[half rogge(n) en(de) half even(en)] stroes/ en(de) brenge(n) bynne(n) den voirs(creven) hove en(de) slijten aldair om mest dair af/ te maken En(de) ter helpen van die(n) cope soe sal m(ijn) vrouwe anne/ voirs(creven) der voirs(creven) wynnersse(n) jairlijx den voirs(creven) t(er)mijn due(re)nde gheve(n)/ ii(½) hollan(sche) gulden(en) Ite(m) es vorwerde dat de voirs(creven) katline negheen coeren/ op huers selfs eygen(en) erve wassende en sal moege(n) vue(re)n int voirs(creven)/ hoff om te verhuede(n) den stoot die vande(n) meste en(de) stroe des selfs/ corens tussche(n) der vrouwe(n) a(n)na en(de) katline(n) voirs(creven) come(n) mochte Ite(m)/ es vorwerde dat de voirs(creven) katline een half boend(er) lants vander voirs(creven)/ lande jairlix wel en(de) loflijc ov(er)mergelen sal slants meeste(n) profijte/ en(de) des sal vrouwe a(n)ne p(ri)orynne voirs(creven) den mergel op de kuyle/ te love(n)goel betalen en(de) de voirs(creven) katline de vracht dair af op/ hue(re)r [selfs] cost besorge(n) Item es vorwerde dat de voirs(creven) katline sal uutrode(n)/ bute(n) den beemde(n) euselen en(de) vorrenlen vorlen alle thout dat dair [jare x dage van alsulke(n) houte alsme(n) d(aer) tonproffite wassende bevinden sal waer af mijn vrouwe p(ri)ori(n)ne de ve vire dachue(re)n betale(n) sal en(de) de voirs(creven) m(ijn) ka(tli)[ne] den ghehelen montcost met den ande(re)n vier dachue(re)n]/tonp(ro)fijte des voirs(creven) cloest(er)s nu op steet oft bynne(n) den voirs(creven) t(er)mijn wasse(n)/

dat te wete(n) elx jare daer bynne(n) een dach(mael) uutgescheide(n) dopgaende hout/ dat sal zij late(n) staen En(de) des sal de selve katline hebbe(n) alle thout/ dat sij alsoe uutroden sal Item es vorwerde dat de voirs(creven) katline alleen/ houde(n) sal moege(n) hue(re) berringe(n) aen tstruncke houte dairme(n) huer/ dat van jae(re) te jae(re) bewisen [sal] ter mynsten scaden en(de) nergens elde(re)/ Ite(m) es voirt vorw(er)de dat de voirs(creven) wy(n)nersse alle jae(re) gheve(n) [sal] xxviii/ mandelen walme(re) om de huysinge(n) vanden voirs(creven) hove mede te decken/ It(em) oftme(n) aende voirs(creven) huysinge(n) dede decken oft plecken oft van ande(re)n oude(n)/ wercke vand(er) ondersten rijkele opw(er)t [ned(er)w(er)t] wercken dair af [sal] m(ijn) vrouwe/ den wercliede(n) den mo dachue(re)n betalen en(de) de voirs(creven) kath(er)ine den/ mont cost gheve(n) Ende oft de huysingen vander nedersten ri/ onderste(n) rijkele nederw(er)t gebroeken worde dat sal de voirs(creven) katline/ op hue(re)n cost doen maken Ite(m) sal de voirs(creven) katline de voirs(creven) bosschen/ euselen en(de) beemde(n) die zij etten sal wel en(de) loflijc bevrede(n) Ite(m) sal/ de selve katline de voirs(creven) goede laten te hue(re)n afsceiden gelijc/ zij die vant te hue(re)n aen comen(e) te weten den wynt(er) aere aert/ besaeit met rogge op vier voe(re)n den som(er) aert gestort [en(de)] de brake/ geheel ende alle dese vorw(er)de(n) etc(etera) Ende des sijn borge(n) der voirs(creven)/ wynnersse(n) als p(ri)ncipael sculde(re)n ongesundert en(de) onv(er)scheide(n) en(de) elc
//
voir al jan vander hagen wonen(de) te vae(re)nsijp inde p(ro)chie van pellenberch [henr(ic) bodenvlas] arnt/

wout(er)s ind wonen(de) te libbeke henrix roede goit Et p(ri)ma en(de) oft e(n)nich/ vande(n) voirs(creven) borge(n) bynne(n) den voirs(creven) tijde aflivich worde soe sal katline/ voirs(creven) ene(n) ande(re)n geliken borge(n) inde stat van dien moete(n) sette(n) ter menisse(n)/ der voirs(creven) vrouwe(n) anne(n) p(ri)orynne lyntr(e) pryke(re) nove(m)br(is) xiii
//