It(em) symoen de cock van bout(er)shem symoen de mu(n)te(re) maetheus/ van gorsshem en(de) jan piecke alle inde p(ro)chie van vertrijke zijn come(n)/ in jegeword(icheyden) der scepen(en) van loven(en) ende [hebben] gehuert ende/ bekent dat zij gehuert hebben tegen lodewijken van opp(endorp) de/ twegedeelte van den [grote(n)] wuwe(re) des voirs(creven) lodewijx gehetten den/ redingen wouwe(re) gelegen in te redinge(n) inde p(ro)chie van/ vertrike It(em) de ullende graven mette(n) saloco(n)e(re) [ene] savoren om [des] tvoirs(creven)/ lodewijx hof liggende ende de struncwillegen staende tussce(n)/ de voirs(creven) savoe(re)n en(de) de beke aldair die zij ten behoirlijken/ tijde struncken selen It(em) tgedeelte des voirs(creven) lodewijx van
//
alleen den willegen staende opden dijck vanden groete(n) wouwe(re)/ aen de moelen van halfmerte lestleden ene(n) t(er)mijn van vi/ jae(re)n lang de(re)en nae dande(re) sonder middel volgende elx/ jairs dae(re)n bynnen o(m)me en(de) voir xvi grijpen xl pl(a)c(ken) voir/ elc gripe gerekent en(de) xx kerp(er)s alsoe men die metten/ sacke vaen sal alle jae(re) te paeschen te betalen den voirs(creven)/ t(er)mijn due(re)nde en(de) telken t(er)mine als vervolghde schout It(em)/ es vorwerde dat de voir p(er)sone [hen gedeelte vanden] des dijcken om den den/ voirs(creven) wuwer liggende alle jae(re) den voirs(creven) t(er)mijn due(re)nde/ watervast houden selen en(de) die ten afsceiden van hue(re)n t(er)mine(n)/ alsoe wat(er)vast laten It(em) es vorwerde dat de voirs(creven) p(er)soene/ hen gedeelte vanden groete(n) wouwe(re) [ende de grave savoe(re)n ende de dijcken] jairlix den t(er)mijn due(re)nde/ ruymen vagen en(de) graven selen en(de) maeyen allet cruyt lesch/ en(de) andersins inden voirs(creven) wuwe(re) wassende en(de) den gront vande(n)/ wouwe(re) alle jae(re) reyn houden en(de) alsoe laten ten eynde/ van hue(re)n voirs(creven) t(er)mijne It(em) es noch vorwerde(n) dat de voirs(creven)/ vier p(er)sonen hue(re) gedeelte vande(n) voirs(creven) [groete] wuwe(re) met wel en(de)/ loflijc spisen selen gelijc hue(re) medegelle zijn gedeelte ende/ ten lesten jae(re) ge van hue(re)n t(er)mijne gespijst laten met vi(½)[c]/ antenoessen nae liggen lingde? der kerve(re)n dair af gemaect/ en(de) met x[c] gruy gruws goet en(de) corsbar sgoets ende die/ twe voers kerp(er)s die zij inde(n) voirs(creven) wuwe(re) vonden ten lesten/ jae(re) van hue(re)n t(er)mine aldair laten It(em) es vorwerde dat de/ selve p(er)sone ten lensten jae(re) vander voirs(creven) t(er)mine op de grave/ vanden voirs(creven) hove laten selen i(½)[c] xii antenoesen en(de) een c/ gruws goet en(de) corsbair sgoets en(de) ii voersen die zij inden selve(n)/ grave vonden oick aldair laten It(em) es vorwerde oft geboirde/ dat de voirs(creven) lodewijc die voirs(creven) goede geheel oft in deel ald(aer)/ vercochte bynne(n) den voirs(creven) tijde dat dan de selve iiii p(er)sone/ ten naesten jae(re) dair nae afsceiden en(de) [hure gedeelte] overgheven selen sonder/ weder seggen cor(am) eisd(em)
//