It(em) want jan vander hofstad sone wilen henr(ix) voir meye(r) en(de) scepen(en)/ van loeven(en) gevonnist heeft zeke(re) scepen(en) brieve van loeven(en) voir gebrec/ van chijse die hij heeft op de goede [een stuc beemts] aelbrechts van guetenrode ind(er)/ p(ro)chien van bout(er)shem ter plaetsen geheten v(er)trijcbroec tussce(n) de goede/ der tafele(n) des heilichs gheests te loeven(en) en(de) de strate aldair Ende/ tvo(n)nisse der scepen(en) van loeven(en) gewesen heeft dat de voirg(enoemde) jan/ trecken soude tot sijne(n) pande en(de) vonde hij d(aer) te pande(n) dat hij pande(n)/ soude en(de) en vonde hij niet te pande(n) dat hij voirt vare(n) soude mette(n)/ rechte Soe es de selve jan achtervolgen(de) den vo(n)nisse met meye(r)/ en(de) scepen(en) van loeven(en) getoge(n) tot sijne(n) pande d(aer) hij niet te pande(n)/ en vant mids den welken de selve pande de(n) voirg(enoemde) janne voir/ gebrec van sijne(n) chijse en(de) cost en(de) co(m)mer die d(aer) met rechte op/ gegaen sijn behoirlijc met rechte in hande(n) gelevert sijn h(iis)/ int(er)f(uerunt) roel(ants) lyntre iunior f(er)ia sexta p(ost) quasi mo(do) videlicet/ xiii aprilis
//