Item acht(er)volgende den v(er)bonde(n) en(de) submissien in tweerande maniere(n)/ voir scepen(en) va(n) loeven(en) den xxvii[te(n)] dach d(er) maent van julio/ lestleden gesciet te wete(n) yerst tussce(n) jouffr(ouwe) magriete(n) weduwe/ jonch(e)r willems wile(n) va(n) montenaken in deen zijde en(de) godfroit/ va(n) montenake(n) in da hare(n) sone in dande(re) alse va(n) alle tgene des/ zij met malkande(re)n uutstaende mochte(n) hebben in wat manie(re)n/ dat was tot de(n) dage toe voirs(creven) en(de) d(air) na tussce(n) d(er) voirs(creven) jouff(rouwe)/ magriete(n) en(de) godfroit t(er) eenre zijde(n) en(de) coenrarde de keyser/ meye(re) va(n) ca(m)penhout voir he(m) en(de) als mo(m)boir zijns wijfs ter/ ande(re) va(n) alle tgene des insgelijcx tussce(n) hen in dissencie(n)/ uutgestaen heeft oft in geschille hange(n) mach tot de(n) selve(n)/ dage vand(er) submissie(n) voirs(creven) van alle(n) de(n) welke(n) tot alle(n) zijde(n)/ hen de voirs(creven) p(ar)tie(n) gekeert en(de) gegeve(n) hadde(n) tot der eendrechtig(er)/ uutsprake(n) va(n) hare(n) maghe(n) en(de) vriende(n) hier na genoemt/ te wete(n) va(n) jonch(e)r ja(n)ne va(n) witha(m) hee(re) te bout(er)she(m) en(de)/ te hulde(n)berge jonch(e)r liebrechte hee(re) te meld(er)t en(de) te buedinge(n)/ jacoppe uute(n) lyemi(n)ge(n) hee(re) te wange en(de) wout(er)e va(n) laethem/ geloven(de) des bij hen hier af uutgesproke(n) en(de) gep(ro)nu(n)ciert soude/ worde(n) binne(n) de(n) seke(re)n tijde d(air) toe gesedt voir hen hare(n) erve(n)/ en(de) nacomel(ingen) soe v(er)re dat behoeve(n) mochte goet vast ende/ gestedich te houde(n) so hebben de voirs(creven) iiii segge(re)n binne(n)/ de(n) tijde vand(er) voirs(creven) submissien hue(re) uutsprake en(de) eendrechtige/ arbitrael diffinitie op alle de voirs(creven) geschillen te voe(re)n/ goede infor(ma)cie genome(n) also dat behoirde gedaen ende/ uutgesproke(n) ind(er) maniere(n) hier na v(er)claert inde(n) yerste(n)/ segge(n) zij dat de voirs(creven) jouffr(ouwe) magriete hebbe(n) behoude(n) en(de)
//
gebruycken sal alle en(de) yegewelke goede het zijn leene chijse oft/ eyghene tot wat plaetsen die inde(n) lande va(n) braba(n)t va(n) loon/ oft elswaer gelege(n) zijn come(n) zijnde vander zijde(n) d(er) voirs(creven) jouffr(ouwe)/ oft va(n) hare(n) vordere(n) also wale de ghene die de voirs(creven) godfroit/ bij huweliker vorwerde(n) oft tractate(n) tot noch toe in hande(n) mach/ hebbe(n) gehadt als dande(re) also lange alse de voirs(creven) jouffr(ouwe) leve(n)/ sal en(de) niet langhe(re) en(de) dat na hue(re) doot de selve goede blive(n)/ en(de) toecome(n) selen de(n) voirs(creven) godfr(oitte) bij also oft hij e(n)nig gheene/ wettige geboirte acht(er) en liete dat dan de selve goede na/ sijne doot blivende selen gaen ter zijde(n) va(n) dair die come(n)/ zijn behoudelijc dien dat de selve jouff(rouwe) de selve goede/ van rep(ar)acie(n) houde(n) sal in goede(n) redelike(n) state alse een tochte(re)/ oft tochtersse sculdich es te doene na de(n) rechte(n) vander plaetse(n)/ dair die goede gelege(n) zijn en(de) dat alsulke(n) v(er)coepe(n) als gesciet/ es va(n) seven schiltsche guld(en) erflijc op zeke(re) goede te steyvorde/ gelege(n) insgelijcx alsulke(n) versette(n) alse gesciet es va(n) de(n) chijse/ inde(n) hove va(n) juect te steyvorde gelege(n) aende(n) grote(n) arde de(n)/ bastart va(n) steyvorde te lossen staende met hond(er)t ph(ilip)s guld(en)/ clincarde ende oec alsulke(n) v(er)coepe(n) alse gesciet es va(n) eene(n)/ driessche gelege(n) te steyvorde die raes vand(er) printhage(n) houden(de)/ es stad selen g(ri)pe(n) en(de) blive(n) te(n) laste d(er) voirs(creven) jouffr(ouwe) sond(er) de(n)/ voirs(creven) godfroit d(air) om e(n)nichssins gepraemt te wesen voirt/ es hue(re) uutsprake dat de voirs(creven) godfroit ter stont hebbe(n)/ aenverde(n) ende behoude(n) sal alle en(de) yegewelke goede het/ zijn leene chijse oft eygen(en) gecome(n) vander zijde(n) des voirs(creven)/ wilen jonch(e)r willems zijns vad(er)s te [wat] plaetse(n) die gelege(n) zijn/ inde(n) lande(n) va(n) braba(n)t va(n) vlaende(re)n va(n) loon oft elswair sond(er)/ der voirs(creven) jouffr(ouwe) sijnre moed(er) dair inne e(n)nichssins getocht/ te wese(n) op alsulken laste(n) en(de) co(m)mere(n) als jaerlijcx d(air) uut/ gaen oft dair mede die belast zijn behoudelijc dat de/ voirs(creven) jouffr(ouwe) voir hae(re) duwarie vande(n) selve(n) goede(n) hebben/ sal soe v(er)re zij tot ev(er)sberge zijn gelege(n) des hier na volcht/ jaerlijcx soe lange als zij leeft te weten xii ame(n) wijns/ tsjaers d(er) mate(n) va(n) loeven(en) vande(n) beste(n) die op de wijng(ar)de des/ voirs(creven) godfroits tot ev(er)sberge wasse(n) sele(n) also v(er)re d(air) op jaerlijcx
//
wassen xxiiii ame(n) wijns oft d(air) bove(n) en(de) oft d ofter min op wiesse(n)/ sal de selve jouffr(ouwe) van dien gewasse onder de xxiiii amen wijns gedra/ gende hebben deen helicht bij alsoe oec dat de selve jouffr(ouwe) jaerlijcx als/ de wijne gevaedt zijn ende geresen dair seynden sal om de selve wijne/ te kiesen en(de) tot eversberge taenveerde(n) desgelijcx sal de selve jouff(rouwe)/ hebbe(n) jaerlijcx een boender boschs ter plaetsen dair de houwe tot/ eversberge liggen selen noch vande(n) besten noch vande(n) archsten om/ tscaerhout d(air) af te moege(n) v(er)coepen doen maken oft anderssins/ na huerre gelieften te bekeere(n) Item de helicht vande(n) vissche(n)/ op de watere(n) tot ev(er)sberge wassende welke wate(re) de selve godfroit/ sal moete(n) jaerlijcx spisen ende inde stad van dien vuetsel om te/ spisen behouden welke vissche de voirs(creven) jouffr(ouwe) aenveerde(n) sal tot ev(er)sb(er)ge/ ten gewoenlike(n) tijde(n) en(de) d(air) mede doen dat hoir gelieft Item sal zij/ noch hebben xxxii cap(uynen) te kersavonde uut de(n) chijse des voirs(creven) godfroits/ tot ev(er)sberghe Item noch sal zij hebbe(n) jaerlijcx drie voeder hoys vand(en)/ bemden aldair welk hoy sij na dat godfroit sal hebbe(n) doen maeyen en(de)/ hoeyen halen sal op hare(n) last hier inne claerlijc ondersproken oft de/ voirs(creven) godfroit storve voir der voirs(creven) jouffr(ouwe) dat zij dan staen/ sal ende bliven staende op trecht van huerre duwarie(n) oft lantrechte/ gelijc oft dese jege(n)wordige uutsprake niet gemaect en ware voirt/ es hue(re) seggen alse vande(n) vliegenden erve dat de voirs(creven) jouffr(ouwe)/ noch onderheeft en(de) dat ten tijde als hue(re) man aflivich werdt ond(er) tvo(n)nisse/ van loeven(en) was dat de selve jouffr(ouwe) dat op hue(re) besceydenheit v(er)clare(n)/ sal en(de) dat salme(n) bescrive(n) also dat den voirs(creven) godfroit na hue(re)/ doot sal blive(n) en(de) volgen en(de) alse vanden drie croesen die godfroit/ zijnre moeder eysschen(de) es ende die zij van godfroits huwelike ghiften/ aenveerdt heeft es hue(re) uutsprake dat de selve jouffr(ouwe) dair af/ ongelast sal blive(n) mair in verguetsingen van dien ende oec om/ tvoldoen van des de voirs(creven) jouffr(ouwe) in godfroit gehoude(n) mocht/ zijn alse vande(n) co(m)mer van driehondert rijders versedt opde goede/ van libbeke inden lande van vlaende(re)n sal de selve moed(er) godfroit/ betalen drie jaer lang op de(n) dach datu(m) va(n) desen elcx jaers/ xlvi guld(en) rijd(er)s oft de w(er)de d(air) af voirtmeer so v(er)re alst/ aencleeft de(n) voirs(creven) coenrarde den keys(er) en(de) sijne(n) wive es der/ voirs(creven) segge(re)n uutsprake dat de voirs(creven) jouff(rouwe) jaerlijcx betale(n)/ sal [hare(n)] zijne(n) leefdach lang jouff(rouwe) ka(tli)[ne(n)] coenrarts keys(er)s wive/ opde(n) dach datu(m) va(n) desen vijf guld(en) salut(en) oft de w(er)de/ dair af desgelijcx sal de voirs(creven) godfroit des selfs coenrarts
//
wive betale(n) te(n) selve(n) t(er)mijne v salute(n) oec also lange als de selve jouff(rouwe)/ leve(n) sal en(de) na de doot der voirs(creven) jouffr(ouwe) sal de voirs(creven) godfroit des/ selfs coenrarts wive betale(n) xv salute erflijc oft de w(er)de d(air) af bij/ also oft des voirs(creven) conrarts wijf storve sonder wettich oec acht(er) te late(n)/ dat dan de voirs(creven) xv salute(n) selen vervalle(n) de(n) voirs(creven) godfroitte oft/ sijne(n) wettige(n) erfghename(n) en(de) van desen xv salute(n) geheel sal de/ voirs(creven) godfroit de(n) voirs(creven) coenrarde goede vesticheit doen te(n) goetdu(n)cke(n)/ vande(n) segge(re)n binnen twee maende(n) naestcomen(de) en(de) oft de voirs(creven) jouff(rouwe)/ hue(re) voirs(creven) v saluyten jaerlijcx niet en betaelde de(n) voirs(creven) coenrarde/ also dat de voirs(creven) godfroit hue(re) sone d(air) voe(r) oft d(air) af gelast worde/ dat hij dan aen tgene des hij hue(r) jaerlijcx als voir geruert steet va(n)/ ev(er)sberge uutreycken sal also vele als de selve v saluyte(n) drage(n) moege(n)/ sal moege(n) ond(er)houde(n) tot dat hij vande(n) selve(n) v salute(n) onthave(n) sal/ wesen welke rente va(n) xv salute(n) de voirs(creven) godfroit oft zijn nacomelinge(n)/ even v(er)re des voirs(creven) coenrarts wijf sonder wettige geboirte aflivich/ worde sal moege(n) quite(n) altijt alst hem gelieft elke(n) pe(n)ning met xx/ gelike(n) pe(n)ni(n)ge(n) en(de) met volle(n) renten ende alse vande(n) schout ende/ beleytbrieve die de voirs(creven) jonch(e)r willem gemaect hadde jacoppe uute(n)/ lyeminge(n) es hue(re) segge(n) dat die geleeght selen worde(n) ond(er) scepen(en)/ van loeven(en) inder camere(n) arnoldi kyp om die aldair te blive(n) ende/ elken vande(n) voirs(creven) p(ar)tien in sijne(n) goede(n) en(de) segge(n) voir v(er)claert so/ v(er)re het hem dient gehoude(n) en(de) voldaen te werden lynt(re) dor(mae)[le]/ aug(usti) s(ecund)[a]
//