Item jan vander leck naetuerlic sone he(re)n jans wilen vander leck/ hee(r) van breda ridders in deen zijde ende meester adrian vand(er)/ eede meester vander rekencame(re)n ons gened(ichs) he(re)n tsh(er)togen/ van bourg(oig)[ne(n)] en(de) van brabant (et)c(etera) voir hem en(de) inden name/ van jouffr(ouwe) cornelien vand(er) leck zijnen wijve dochter des/ vors(creven) jans ter ander Sijn met malcande(re)n overcomen en(de)/ eens wordden vanden pointen en(de) articlen hier nae verclaert/ dair af [zij] zeke(r) gescille onderlinghen hadden de welcke/ zij malcande(re)n geloeft hebben tonderhouden en(de) te voldoene/ als verreicte schout blivende nochtan altijts de/ houwelike vorweerde gemaect tusschen den vors(creven) meest(er)/ adriane en(de) jouffr(ouwe) cornielie man en(de) wijf bij maghen/ en(de) vrienden van beyden zijden in hue(re)r macht Ende/ yerst als vanden driehondert guld(en) saluyten te xxiiii(½)/ stuv(er)s tstuc die de vors(creven) jan vander lec den vors(creven)/ gehuysschen sculdich was uut zaken vand(er) vorscr(even)/ huweliker vorweerden en(de) die den selven meester/ adriane dair o(m)me vanden vors(creven) janne verschene(n)/ te kersmesse int jair xiiii[c] xlix die heeft de vors(creven)/ jan den vors(creven) meest(ere)n adriane geloeft te betalen/ tusschen dit en(de) onser liev(er) vrouwen dage lichtmesse/ naestcomen(de) oft ten lanxsten bynnen vi weken dair/ nae ombegrepen bij also dat de vors(creven) jan den vors(creven)/ meest(er) adriane in myndernissen en(de) voldoeninghen vand(er)/ selver so(m)men bynnen xiiii nachten ov(er)geven sal oft/ ten huysse vand(en) vors(creven) meest(er) adriane te bruessel/ en(de) in zijne(n) handen aldair oft in handen zijns wijfs oft/ de selve meest(er) adriaen absent wae(re) [sende(n)] alsulken
//
brieff sprekende vander so(m)men van twee hondert en(de)/ vijftich clinckarde te xiiii stuv(er)s tstuc als de selve/ jan vand(er) leck sprekende heeft op henricken va(n)/ berghen natuerlijc zijne(n) sweer en(de) de vors(creven) jan sal/ den selven meest(er) adriane ter stont kynnesse/ geven en(de) quijtancie dat hij metter betaly(n)ge(n) die/ de vors(creven) henr(ic) van berghen den vors(creven) meest(er)/ adriane vanden vors(creven) ii[c] en(de) l clinckarts doen sal/ sal staen te vreden [ende] soe langhe dat [als] de selve meest(er)/ adriaen vanden surplus der drie hondert guld(en)/ salute(n) vors(creven) boven de vors(creven) ii[c] en(de) l clinckarde betaelt/ sal wezen sal de selve meest(er) adriaen bliven/ volcomentlijc inde macht van zijne(n) vo(n)nissen die/ hij ov(er) de goede des vors(creven) jans te wouwe voir zijn/ gebrec der vors(creven) iii[c] salute(n) heeft gecreghen o(m)me/ hem dair mede tot zijne(n) gebreke der selver/ driehond(er)t guld(en) salute(n) te behulpen oft(s) hijs/ te doen hadde en(de) hem vande(n) selven voldaen/ sal hij vand(en) selven vo(n)nissen en(de) alre alre/ execucie(n) die voir hem dair uut moeghen/ zijn gevolght volcomentlijc en(de) behoerlijc tot/ behoef des vors(creven) jans renu(n)cie(re)n en(de) alse vand(en)/ rinten verschenen vand(en) goeden die den vorscr(even)/ meest(er) adriane naeden lantrechte te wouwe/ aengeschiert zijn tot zijnd(er) so(m)me(n) van drie/ hondert saluten vors(creven) gevallen ts(in)[t] jans messe/ baptisten lestleden en(de) dair te voe(re)n vander tijt/ dat den selven meest(er) adriane de vors(creven) goede/ wae(re)n toegewijst sal de vors(creven) meest(er) adriaen te hemwert
//
trecken en(de) de proffijten die van dien selven verschijne(n) zullen te/ kersmesse naestcomen(de) zullen de vors(creven) jan en(de) meester adriaen/ half en(de) half deylen En(de) alse vanden costen die de vors(creven)/ meest(er) adriaen int vervolghen o(m)me van zijne(n) gebreken/ voldaen te wordden seggh seeght geleden te hebben en(de)/ ter ande(r) zijden vanden costen en(de) lasten die de vors(creven) jan seeght/ bij toedoene des vors(creven) meest(er)s adriaens geleden en(de) gesustineert/ te hebben dair af sullen de vors(creven) p(ar)tien hen submitteren te weten(e)/ elc van hen in twee hue(re)r vrienden die zij dair toe malcande(re)n/ mynlijc sullen noemen en(de) die zullen hen in wederzijde/ van p(ar)tien rechte en(de) bescheide in desen informere(n) en(de) hue(r)/ uutsprake opde selve costen doen op dat zijs eens zijn tusschen/ dit en(de) onser liever vrouwen daghe lichtmesse naestcomen(de)/ En(de) of zijs hen niet en conden vereenighen zo zullen/ zij dbescheit van p(ar)tien bringhen voe(r) den raide vander/ stat van loven(en) o(m)me bijden selven raide dan dair af/ een uutsprake van rechte gedaen te worden Gelooven(de)/ vast en(de) gestentich te houden wes vande(n) selve(n) costen soe/ bijden vors(creven) segge(re)n oft raide vand(er) stat naeden onderscheide/ vors(creven) sal wordden uutgesproken oft get(er)mijneert Item de/ vors(creven) jan vand(er) leck heeft vort geloeft den vors(creven) meest(er)/ adriane inden name van sijnder vors(creven) huysvrouwen in/ voldoeninghen van dien hondert rynscher guld(en) erfliker/ rinten die hij den selven meester adriane met sijnen vors(creven)/ wijve nae doot henr(ix) van berghen natuerlijc sweer des vors(creven)/ jans geloeft hadde tusschen dit en(de) lichtmesse naestcomende/ te comen met zijne(n) wijve te wouwe en(de) tot behoerliker/ plaetsen en(de) voir trecht daert behoert den vors(creven) meester/ adriane en(de) zijne(n) wijve aldair te goeden en(de) te vestighen/ inde goede van moerbeke en(de) van zantberghe soe wel/ inde helicht die den selven janne en(de) zijnen wijve dair af/ nu toebehoert als vand(er) ander helicht die bij doode van den/ vors(creven) henr(icke) van berghen aen he(n) sal comen en(de) versterven in/ sulker voeghen dat de selve meest(er) adriaen en(de) zijn wijf de
//
selve goede van moerbeke ter stont nade doot des selfs henr(ix)/ van berghen in afcortinghen vanden vors(creven) hondert ryns guld(en)/ erflijker rinten sullen wordden geschiert en(de) getaxeert bijden/ ghenen die dat sal behoe(re)n te doene en(de) wes daer aen/ sal gebreken vanden selven hondert r(yns) guld(en) erfliker rinten/ sal genomen wordden vanden vors(creven) goeden van zantberghe/ alsoe dat den selven meest(er) adriane en(de) zijne(n) wijve tot/ hondert r(yns) guld(en) toe tsjaers erfrinten naeden onderscheide/ vors(creven) en(de) hue(re)n nacomelingen achtervolgen(de) d(er) houweliker/ vorweerde(n) dicke voirgeruert [d(aer) af mencie maken(de)] vast en(de) seker sal moege(n) wezen/ Vort heeft geloeft de vors(creven) jan vand(er) leck den vors(creven) meest(er) adriane/ te goeden tsijnd(er) manissen in alsulke(n) goeden als gelege(n) zijn te goerekem/ in hollant die des selfs jans moed(er) toetebehoe(re)n plagen naevolgen(de)/ des de houwelike vorwerde voirg(eruert) van dien begrijpt en(de) talsulker/ condicien als de selve uutwijst en(de) de vors(creven) meest(er) adriaen heeft/ geloeft die vierhondert en(de) lxxxv saluten die hij de vors(creven)/ driehondert guld(en) saluten betaelt zijnde vanden vors(creven) ja(n)ne/ zijnen sweer gehaven sal hebben voir die vi[c] guld(en) saluten die/ hem wae(re)n geloeft nae uutwijsen der houweliker vorweerd(en)/ voirs(creven) te leggen des vors(creven) is voldaen zijnde in seke(re)n rinten/ en(de) goeden die staen souden ter natue(re)n en(de) condicien als de/ selve houwelike vorweerde uutwijst Vort heeft geloeft de/ vors(creven) meest(er) adriaen evenverre jouffrouwe cornielie zijn/ wijf met hue(re)n vrienden koeze met duwarien versien te/ zijne voerder en(de) liever dan op dlantrecht vanden goeden/ des vors(creven) meest(er) adriaens te stane dat hij in dien gevalle/ de selve zijn huysvrouwe duwarien sal van eender/ redeliker duwarien nae goetduncken vand(en) edelen en(de) mogen(de)/ jonch(e)r jan greve te nassouwe hee(r) te leck en(de) te breda (et)c(etera) en(de)/ jonch(e)r jan hee(r) te bergen te glymez en(de) tot opvelpen (et)c(etera) ende/ dair teghen gheen behulp noch geweer te sueken met/ gheenen rechte gheestelijc noch weerlijc bij hem selven/ noch bij nyeman(de) anders in gheend(er) manie(re)n iud(oco) abs(oloens)/ wynge oct(obris) s(e)c(un)da