Also voir den rade vander stad come(n) zijn claes de kersmake(re) wout(er) en(de)/ jacop py(n)noc gebruede(re)n en(de) lodewijc roelants in deen zijde ende/ her symon pynnoc ridder in dande(r) Aldair de voirs(creven) claes en(de) zijn/ medegesellen opdeden dat de voirs(creven) her symon en(de) zij en(de) elc besund(er)/ houdende waren e(n)nige vande(n) goeden van bout(er)shem omtrint wiltsele/ gelegen en(de) dat de voirs(creven) her symoen va(n) outs uut zijnen goeden/ altijt navolgen(de) oec zeke(re)n deylinge(n) tussce(n) douders besitters vande(n)/ selve(n) goede(n) gemaect betaelt hadde der cap(it)len van sinte peters/ een voeder hoys en(de) mids dien de selve zijn goede en(de) de goede des/ voirs(creven) claes en(de) zijnre medep(ar)tien ontlast van thienden en(de) want de/ voirs(creven) her symoen des voirs(creven) cap(it)len dair af niet en voldede hadde/ die vand(en) voirs(creven) cap(it)len op e(n)nige goede der voirs(creven) aenleggers/ bego(n)ne(n) voert te varen willende d(air) af thiende hebbe(n) dwelc zij/ versochte(n) aende(n) voirs(creven) her symoen af gedaen te werden Dair/ op de selve her symoen kynnende in een voed(er) hoys gehouden/ te sijne uut zijne(n) goede(n) mair de voirs(creven) cap(it)len also hij seyde/ hadde d(air) af willen hebben een groot voed(er) hoys des hij meynde/ niet sculdich te wesen Es get(er)min(er)t dat de voirs(creven) her symoen/ metgaders de(n) voirs(creven) clase en(de) zijne(n) medep(ar)tie(n) trecke(n) sal bijd(en)/ cap(it)len en(de) met hen mynlijc oft met rechte vand(en) voed(er) hoys/ oft tgelt d(air) voe(r) ov(er)come(n) en(de) dat de voirs(creven) her symoen dair af/ den last sal drage(n) uut zijne(n) goede(n) en(de) alsoe dand(er) goede van/ bout(er)shem zijne(n) wed(er)p(ar)tie(n) toebehoiren(de) d(air) af ontlaste(n) behoudelijc/ oft de voirs(creven) vand(en) cap(it)len vande(n) goede(n) des voirs(creven) claes en(de)/ zijnre p(ar)tie(n) thiende hebbe(n) woude(n) ov(er)midts dat hue(r) goede vande(n)/ goede(n) va(n) bout(er)shem niet zijn en soude(n) dat zij dat sele(n) v(er)antw(er)de(n)/ dair en(de) also dat behoire(n) sal Actu(m) in pleno (con)silio dec(embris) deci(m)a