Item jan vander leck sone wijlen jans vander leck na(tuer)lic van geymhuyse(n)/ in p(rese)ncia heeft gekint gewillecoirt en(de) gelijt voir hem sijne(n) erve(n) ende/ nacomelinge(n) dat jouffrouwe cornelie vander leck zijn suster die wijf/ is meester adriaens vander ee raid en(de) meest(er) vander came(re)n vander/ rekeni(n)gen ons gened(ichs) he(re)n tshertoge(n) en(de) huer erfgename(n) nae doot van/ jouffr(ouwe) beatricen van berghen huer(er) beyder moeder deylen sal met/ he(m) hoedegelijc in allen den goeden beruerlic en(de) onberuerlic hoedanich/ die sijn die wile(n) wa(r)en des voirs(creven) jans en(de) die nae doot der voirscr(even)/ jouffr(ouwe) beat(ri)cen blive(n) sulle(n) behalve(n) dat den selve(n) janne voire uut/ desen niet yegenstaen(de) zijne leengoede volge(n) selen en(de) oic soe vele/ als de voirs(creven) jouffr(ouwe) cornelie sijn suster metten vors(creven) meester adriane/ voe(r) heeft gehadt Gelovende den selve(n) sijne(n) zwag(er) en(de) suster/ altijt hier af genoech te doene en(de) recht warant te blive(n) oft/ hij hen ergent te nauwe gedaen hadde alsoe dat den selven/ gehuysschen hue(re)n erve(n) ende naecomelingen altijt vast ende zeker/ sal moeghen wesen cor(am) abs(oloens) sampson febr(uarii) xi