It(em) jonch(e)r(e) henric van wittham sone wile(n) jonche(re) jans he(re) te bout(er)shem etc(etera) in/ p(rese)ncia heeft gelooft den wettigen kinde(re)n thomaes wilen de briede(re) van huldenberge/ want de selve wettige kinde(re) hue(re)n afcoop tegen hem hebben gemaict en(de) hem/ v(er)nuecht van sulken rechte en(de) heerlicheid als hij meynde dat hem als he(re) va(n)/ huldenberge v(er)scheene(n) was en(de) verstorve(n) vand(en) doot jans wilen van oest/ natuerlic in allen den goeden beruerlic en(de) omberuerlic des selfs wile(n) jans/ van oest dat hij hen mette(n) selve(n) afcoepe aen sijn jouffr(ouwe) moeder en(de) alle/ ande(re) dient aengaen mochte quite en(de) los houden sal en(de) d(air) af recht wara(n)t/ wesen yegen eene(n) yegeliken als van sh(eer)scaps wegen alsoe dat zij d(air) o(m)me/ naemaels last hynder noch schade van tsh(eer)scaps wegen hebben en selen in/ gheend(er) manie(re)n en(de) hen hier af altijt als hijs versocht w(er)t oic hant en(de)/ mont leene(n) alsoe dat den vors(creven) kinde(re)n tot eeuwegen dagen yegen/ tvoirs(creven) heerscap vast en(de) zeker sal moegen wesen absoloens couker(oul) maii x