Wij lodewijc vanden meersberghe ende peter vand(er) hoeven/ scepen(en) te loven(en) doen cont en(de) te weten(e) allen den/ ghenen die dese l(ette)ren zullen sien oft horen lesen dat/ voir ons comen zijn ende gestaen hebben in p(ro)pe(re)n p(er)sone/ arnt van pede zone her arnts wilen van pede ridders/ ter eender zijden jan en(de) reyne(r) van wijtvliet gebruede(re)/ ter ande(re) die tracterende en(de) underlinghe sprake hebben(de)/ bij middele ende tusschenspreken van hue(re)n heren magen/ en(de) vrienden te beiden zijden eensworden zijn en(de) met malcande(re)n/ overcomen van en(de) opden toecomen(de) heylijck die ter eeren/ gods oft godwilt gestaen sal ende metter heyliger kercken/ worden volbracht tusschen den vors(creven) arnde van pede toecomen(de)/ bruygoem ter eend(er) zijden en(de) jouffr(ouwe) margriete(n) va(n) wijtvliet/ dochter des vors(creven) jans van wijtvliet en(de) nychte des voirs(creven)/ reyners toecomende bruyt ter ande(re) der pointen clausulen/ en(de) condicien hier na verclaert die zij deen den ande(re)n opde/ manie(re) als hier na bescreven staet gelooft hebben tot behoef/ van eenen yegeliken dient nu oft hier namaels zoude/ mogen aengaen volcomentlijc tonderhouden te voldoene en(de)/ tachtervolghen Yerst heeft de voirs(creven) arnt in onderstan(de)/ vanden vors(creven) heylicke innebracht voir zijn prop(er) goede/ ter stont metter voirs(creven) zijnder toecomende bruyt taenverde(n)/ de goede pachte ende renten hier na verclaert Te/ weten(e) yerst een wijnhoff dair af de wynne jairlix/ gheeft drieen(de)twintich mudden rox elc mudde gerekent/ voir xxxiii stuv(er)s Item vii(½) boend(er) beemps gelden(de) jairlix/ viii blau cronen deen der dand(er) en(de) zomtijts x oft xii/ blau cronen deen myn dand(er) meer Item twee umers/ die een geheten jan foncke woenen(de) te bruessel houden(de)/ is en(de) ghelt jairlix xix blau cronen Item een ca(m)me/ gelegen te wat(er)male opde [plaese plaetse] gelden(de) jairlix xii blau cronen Item/ gheeft henric de clerc jairlix den vors(creven) arnde in chijse/ drie oude chijs mottoene voir elcken mottoen xxxiiii pl(a)c(ken)/ en(de) iii cap(uyne) Item noch div(er)se ande(re) chijse die jairlix loope(n)/ xi(½) blau crone dat zijn de erfgoede Item uut allen/ desen goeden vors(creven) gaet jairlix xlvi st(uvers) aen div(er)se p(er)sone
//
Dit zijn de erfgoede die de vors(creven) arnt heeft inde prochie van/ beersele Te weten(e) inden yersten een wijnhof gelden(de) jairlix/ xxv mudden corens Item zeke(r) beempde die de wynne/ hout jairlix om xxi blau cronen Item eenen viver van/ vi dach(mael) gelden(de) jairlix x pet(er)s Item zeke(r) houwe van/ bossche gelden(de) jairlix xviii pet(er)s Item diversen cleynen/ chijs gedragen(de) ii r(yns) guld(en) en(de) uut desen goeden ghaen niet/ meer dan ii r(yns) guld(en) aenden abt van dieleghem Item/ heeft de vors(creven) arnt bynnen d(er) stat van bruessel en(de) dair/ omtrent te weten(e) thuys op cantersteen en(de) noch vijf/ huysen bynne(n) d(er) selv(er) stat staende geestimeert voir/ vijftich r(yns) guld(en) tsjaers boven alle(n) co(m)mer en(de) last dair/ voir uutgaen(de) Item eene(n) beempt gelegen tanderlecht/ gelden(de) jairlix iii r(yns) guld(en) Item vi rijders tsjaers op diverse/ onderpande jans happarts Item vi guld(en) pet(er)s tsjaers/ aen en(de) op jans vand(en) kerckove goede Item zijn den vors(creven)/ arnde afgequijt xx r(yns) gul(den) dair af dat de pe(n)ningen inden/ wissel d(er) stat van bruessel staen om weder om erfrente(n)/ te copen Item heeft de vors(creven) arnt van pede opgaen(de)/ hout staen(de) te boutershem [boutsvort] en(de) te beerse dat beter/ is dan vijfhond(er)t pet(er)s [Item vort heeft de selve arnt in onderstande als boven verclaert en(de) toegeseeght dat hem na doot zijnder vruwe moed(er) weduwe des vors(creven) wilen heren arnts eyntelijc alleene toecomen en(de) verschine(n) zullen de goede renten en(de) pachten hier na v(er)claert in sulker maten als die [voir] gespecificeert staen et nominent(ur) hic incip(iens) a tale signo usq(ue)] Item xl chijs guld(en) opde stat/ van thienen erflijc voir elcken d(er) selv(er) guld(en) x st(uvers) en(de)/ i bruesschelsche pl(a)c Item een wyn hoff te wynde dat/ jairlix ghelt xxxiiii mudden rox en(de) ix mudden terwen/ It(em) noch aldair xl guld(en) te x st(uvers) tstuc op tpanhuys en(de)/ zeke(r) beempden metten bogarden aldair te wynde vors(creven)/ en(de) met div(er)se chijse die de wynne des vors(creven) arnt/ hout Item xii ganse en(de) xii cap(uyne) [en(de) vi eyeren] erflic aen en(de) op/ div(er)se pande te wynde vors(creven) gelegen div(er)se p(er)sone/ toebehoe(re)nde It(em) noch xvii lichte gul(den) te x st(uvers) tstuc/ in diverse chijse te wolmershem en(de) te godsenhoven/ Item ix mudden spelten en(de) xxxvi lichte guld(en) bynne(n)/ der stat van luydicke op div(er)se goede en(de) onderpande/ It(em) noch xii mudden rox en(de) xii r(yns) gul(den) erflic op zeke(r)/ ander goede gelegen
//
Ite(m) vort heeft (et)c(etera) Vort heeft de selve arnt geclaert en(de) toegeseeght/ in sterckenesse en(de) augmentacien vanden vors(creven) toecomen(de) heylijk/ dat hem na doot jouffr(ouwe) johannen van pede zijnd(er) moyen/ woenen(de) te bruessel noch volgen sal van hue(re)n goeden lxxii pet(er)s/ tsjaers erfliker renten Dair af al ter manissen vanden/ vrienden d(er) vors(creven) toecomend(er) bruyt goede loflike vesticheit/ gescien zal dair en(de) bijde(n) ghene dairt behoert navolgen(de)/ deser condicien en(de) vorweerden Item vand(er) zijden der/ vors(creven) toecomend(er) bruyt heeft de vors(creven) jan van wijtvliet/ metter vors(creven) zijnder dochter in onderpande vanden voirs(creven)/ toecomen(de) heylijck overgegeven verclaert en(de) bijbracht/ de goede chijse pachten en(de) renten hier na verclaert ende/ gespecificeert alse zijn eygen(en) en(de) prop(er) goede en(de) gelooft dat/ na hem en(de) zijn doot die der voirs(creven) zijnd(er) docht(er) der/ toecomend(er) bruyt toebehoe(re)n en(de) na zijn doot sculdich sullen/ sijn te volgen op sulke laste(n) en(de) co(m)mere als hier na en(de)/ achter de selve goede geclaert en(de) gespecificeert staen Te/ weten(e) inden yersten thof met zijnder toebehorten gelegen/ te herent ghelden(de) jairlix lxxiiii mudden rox Item xiiii boend(er)/ en(de) een dachmale onder beempde en(de) eeuselen die de/ wynne vand(en) vors(creven) hove en(de) meer ande(r) p(er)sone houden(de)/ zijn gelden(de) jairlix tsamen liiii r(yns) guld(en) Item een blochuys/ aldair gelegen metten wate(r) eenen beempde en(de) eenen/ huyse dair aen gelegen weert zijnde vijf mudde rox Item/ een ca(m)me gelden(de) jairlix x holl(ansche) gul(den) oft vii gelten biers/ alle weken Item drie pet(e)rs erflijc op eene(n) beempt/ die lijsbeth swaefs nu houden(de) is Item raes de rijke de/ meye(r) van herent is jairlix sculdich van [div(er)sen] zijne(n) goeden/ gelege(n) te he(re)nt [ii(½) r(yns) gul(den)] Item noch in cleynen chijse te herent/ te vele plaetchen en(de) op div(er)se pande loopen(de) tsamen ix/ r(yns) gul(den) en(de) xi st(uvers) en(de) oic een mudde rox Dit es den/ co(m)mer uuten vors(creven) goeden gaende te weten(e) inden yersten/ aen mychiele absoloens sesse guld(en) scilde en(de) iii mudde
//
rox erflijc Item aen gorde van caverville vii rijd(er)s erflic Item/ aenden gront chijs gedragen(de) tsamen xvii pl(a)c(ken) Item aend(en)/ heyligengheest van loven(en) iiii mudde rox erflic Dit zijn/ de goede taetrode gelegen Inden yersten thoff houden(de)/ xx boende(re)n lants Item van weideghelde aldair xii rijd(er)s/ Item (½) mudde rox te miskem op div(er)se pande Item jan torrenbol/ iii halst(er) rox op zeke(re)n goede ald(aer) Item wouter van caleys/ v halst(er) rox van zeke(re)n goeden ald(aer) gelegen Item ter nuwer/ capellen jairlix xxviii st(uvers) op zeke(r) goede ald(aer) Item diverse/ cleyn chijse taetrode vors(creven) gedragen(de) jairlix omtrent twee/ r(yns) gul(den) en(de) dair toe behoert die heerlich(eit) van goeden/ en(de) ontgoeden en(de) van pontghelde Item noch een boender/ bosch taetrode Dit es den co(m)mer die uute(n) vorscr(even)/ goeden jairlix gaet Inden [yersten] aenden grontchijs gedragen(de)/ omtrent iii st(uvers) tsjaers Item noch eene(n) sac rox erflic Item/ aen des vors(creven) jans van wijtvliet docht(er) no(n)ne toudreghem/ xii crone(n) lijftochten en(de) noch aende selve zijn docht(er) v r(yns) gul(den)/ erflijc Dit zijn de goede van roesbeke Item inde(n)/ yersten op [van] div(er)se lande ald(aer) gelegen xxv mudden [sacke] rox thienscher/ maten Item een mudde rox aen en(de) op div(er)se goede der vruwe(n)/ van couthem Item xxxii mol(evate) rox aen en(de) opde goede henricx/ van landen(en) Item xii mol(evate) even(en) aen en(de) op de goede jans/ ulers Item drie pertcoren Item xiiii cap(uyne) vii s(cellinge) ii d(eniere) loven(sch)/ in div(er)se cleyne(n) chijse met goeden ontgoeden en(de) pontgelde/ dair toe behoe(re)nde Dit zijn de goede die de vors(creven) jan/ heeft te diest Item inden yersten ii huysen met hue(re)n/ toebehorten gelegen bij ons(er) vruwen kercke gelden(de) jarlix/ viii r(yns) guld(en) Item een huys opde potmerct gelden(de) jairlix/ vi chijs gul(den) Item eenen chijs guld(en) [erflic] aen en(de) op een huys/ dat keven van molle toebehort Item eenen chijs guld(en) erflic/ aen en(de) op ts(in)t jansvelt Item ii vierdelen wijng(ar)ts/ en(de) uute(n) vors(creven) wijngarde gaet jairlix iiii st(uvers) Dit zijn/ de goede die de vors(creven) jan van wijtvliet te bruessel/ heeft Item inden yersten een huys gelegen bij sinte/ goedelen kerchoff gelden(de) jairlix bove(n) den last iiii r(yns) gul(den)
//
Item ii(½) cronen erflijc aen en(de) op een huys inde forchier/ strate Dit zijn de goede van we(m)mele Inden yersten/ v boende(re)n lants gelden(de) jairlix vi sacke rox bruesselsche/ Item te humbleghem een half mudde rox xii cap(uyne) xxix s(cellinge)/ payments [erflic] van zeke(re)n goeden en(de) onderpanden ald(aer) gelegen/ Item iiii mol(evate) rox erflic aen en(de) op zeke(r) goede te platte/ borsse gelegen Dit zijn de goede die de vors(creven) jan/ heeft bynne(n) loven(en) en(de) dair omtrent Inden yersten twee/ huyse inden bruel weert zijnde xv pet(er)s Item iii vierdele(n)/ wijngarts opden roeselberch Item ii(½) vierdele wijngarts/ opden keyserberch Item een half vierdel wijngarts opde/ calchove strate Item ii vierdelen wijngarts opden swanen/ berch en(de) hier gaet jairlix uut xii st(uvers) i pl(a)c Item iiii r(yns)/ gul(den) in cleynen chijse bynnen loven(en) en(de) d(aer) omtrent Item/ heeft de vors(creven) jan in hollant noch jairlix tot baertwijc/ xx r(yns) guld(en) en(de) d(aer) gaet uut jairlix aende kercke aldair/ ix st(uvers) erflic Item es vort besproken en(de) bevorwert dat/ de voirs(creven) jan van wijtvliet den selven toecomen(de) gehuyssche(n)/ ter stont overgheven zal tvoirs(creven) heylic volbracht zijnde/ taenverden de vors(creven) goede in hollant gelegen Ende vort/ zullen des selfs jans leedaghe de voirs(creven) toecomende/ gehuyssche op alle dande(r) goede en(de) renten die de selve/ jan als tochtene(r) sijnen leefdach behouden sal heffen/ en(de) boren hondert guld(en) peters te xviii st(uvers) tstuc te twee/ t(er)mijnen te weten(e) deen helicht den yersten dach/ van septembri en(de) dand(er) helicht opden yersten dach van/ april en(de) also vort alle jae(re) soe lange de selve jan leven/ sal en(de) niet langer Ende dair na zullen de vorscr(even)/[toecomen(de)] gehuyssche alle dander goede vors(creven) in brabant gelegen te/ henwert te henwer nemen en(de) als hue(r) proper goede/ aenverden Ende es gevorwert oft de vors(creven) toecomen(de)/ bruyt aflivich worde voir den vors(creven) arnt toecomende/ bruygoem zonder wettighe oir van hue(re)r te laten/ beider live achter te laten oft te bliven in dien gevalle
//
sal de selve arnt de vors(creven) hondert pet(er)s tsjaers ende de/ voirs(creven) goede in hollant gelegen zijn leefdaghe lanc hebben/ en(de) behouden tsijnder tocht en(de) duwarien ingaende dierste/ betalinge ten yersten vanden voirs(creven) ii paymenten nader/ vors(creven) jouffr(ouwe) margrieten doot Ende na zijn doot/ sullen die comen en(de) wederkeren opden vors(creven) janne va(n)/ wijtvliet oft op zijne erfgenamen zijns gebreken(de) oft opde/ ghene die hij die ordine(re)n sal te bliven Ende oft de/ vors(creven) jan van wijtvliet aflivich wae(r) en(de) dair na de/ vors(creven) jouffr(ouw) margriete zijn dochter toecomen(de) bruyt/ storve zonder wettige oir achter te laten in dien/ gevalle zoude de vors(creven) toecomen(de) bruygoem op alle de/ vors(creven) goede in brabant gelegen voir zijn duwarie/ trecken en(de) behouden hondert en(de) vijftich guld(en) peters/ tsjaers inder werden voirs(creven) en(de) ten voirs(creven) t(er)mijnen/ en(de) dair toe de voirs(creven) goede in hollant gelegen Ende/ voir de voirs(creven) hondert guld(en) pet(er)s dat die des vors(creven)/ jans van wijtvliet leefdage lanc den vors(creven) toecomen(de)/ gehuyssche wel en(de) loflijc betaelt zullen worden dair/ voir is borge bleven des selfs jans reyne(r) van/ wijtvliet zijn brueder en(de) de vors(creven) jan geloofde/ dair af den vors(creven) reyne(re)n scadeloes tontheffen Geloefde/ vort de selve jan den selven reyne(re)n zijnen brueder/ alsulken beleit van scepen(en) brieve(n) van loven(en) als de vors(creven)/ reyne(r) op des vors(creven) jans goede hadde spreken(de) ter manessen/ des selfs reyners onder scepen(en) va(n) loven(en) te setten talsulker/ condicien dat hem dair met de vors(creven) reyne(r) vand(en)/ vors(creven) borchtocht altijt costeloes zoude mogen ontslaen/ Vort geloofde de vors(creven) reyne(r) van wijtvliet in onder/ stande vand(en) vors(creven) toecomen(de) heylick en(de) gaf over dat/ de helicht van allen zijnen omberuerliken goeden va(n)/ zijnd(er) zijden gecomen oft die e(n)nichsins zijnd(er) zijden/ volgen zouden moegen en(de) achter hem zullen bliven/ omvercocht en(de) buyten zijnen ordina(n)cien oft testamente/ dat die der vors(creven) toecomend(er) bruyt deen helicht
//
volghen en(de) toecomen sal en(de) dander helicht zijnder/ suster kynde(re) dair vader af was jan wilen ts(er)arts/ het en wae(re) dat hij wettige geborte van zijne(n) live/ hier na gecrege en(de) altijt behouden zijnd(er) huysvruwe(n)/ hue(re)r vryder tocht in alle de vors(creven) goede Ende/ de vors(creven) arnt toecomen(de) bruygom seide toe geloofde/ en(de) verbant hem en(de) zijn goede dair inne oft/ hij voir d(er) vors(creven) toecomen(de) bruyt aflivich worde/ zonder wettighe oir achter te laten dat in dien/ gevalle de selve toecomen(de) bruyt op alle zijn goede/ voirg(eruert) jairlix behouden zoude en(de) heffen hue(re)n/ leefdach lanc voir hue(r) duwarie onderhalff/ hond(er)t guld(en) pet(er)s tsjaers ten t(er)mijnen vors(creven) in/ sulker maten als dair af voirs(creven) staet Ende was/ gevorweert en(de) bijden vors(creven) arnde toecomen(de) bruygom/ gewillecort oft hij vander vors(creven) jouffr(ouwe) m(ar)grieten/ wettighe geborte gecreghe en(de) hue(r) ov(er)leefde en(de)/ namaels eene ande(r) huysvruwe gecreghe dat/ dier geborten alle de selve [vors(creven)] goede die de vors(creven)/ arnt ter stont metter hant heeft volghen zullen/ niet tegenstaen(de) e(n)nigen rechten oft ordinancien ter con/ trarien wezen(de) Ende dat die goede ende/ renten voirs(creven) die hem toecomen zullen moghen van zijnd(er)/ vruwe moeder en(de) moyen als die verschijnen zullen staen/ opt beloep vanden lantrechte nade natue(r) vand(er) plaetchen/ dair die zijn gelegen Item es gevorweert hadde de vors(creven)/ arnt noet van gevanckenisse van zijnen live dat hij in/ dien gevalle van zijns toecomen(de) wijfs goede also vele/ sal mogen vercoopen als vanden zijnen en(de) niet meer/ Item hebben beide de vors(creven) p(ar)tien malcande(re)n toegeseeght/ en(de) gelooft oft e(n)nich van hen vanden ande(re)n en(de) van/ des hij gelooft heeft e(n)nige meerd(er) oft vord(er) vestich(eit)/ dan vors(creven) steet behoefde dat dat elc den ande(re)n/ vermaent zijnde behoirlic doen sal ten coste vanden
//
ghenen die de selve vestich(eit) begheert Item geloofde de/ vors(creven) arnt toecomen(de) bruygom en(de) seide geloeflic toe/ den he(re)n magen en(de) vrienden van beiden zijden vors(creven)/ dat hij vortaen ny(m)mermeer niemants borghe bliven/ en zoude het en dade zijne(n) magen oft vrienden/ noet van hue(re)n live oft lede cor(am) m(er)sb(er)ghe hoeven/ m(ar)tii xvi