Item johannes zoeten zone wilen theeus woenen(de) te boutershem/ in p(rese)ncia heeft gekint en(de) gelijdt dat hij wettelijc vercocht heeft janne/ vanden hove natuerlijc sone arnts vanden hove alle en(de) yegewelke/ zijn haeflike goede zoe wair die beleghen zijn oft hoe die genoempt/ moegen wesen voir een so(m)me van x rijd(er)s eens te xxv st(uvers) tstuc en(de)/ heeft bekint de pe(n)ningen d(aer) afgehaven en(de) ontfangen te hebben behoud(elic)/ dat de vors(creven) jan zoeten de vors(creven) have lossen en(de) quijten mach met alsulke(n)/ pe(n)ningen als vors(creven) staen tusschen dit en(de) iii weken na lynt(er) kermesse/ naestcomen(de) en(de) oft hijse dae(re)nbynnen niet en quijt zoe heeft de/ vors(creven) jan zoeten den vors(creven) janne vand(en) hove geconsentert dat/ hij zijne(n) wille dair mede doen mach zonder argelist cor(am)/ colonia mersb(er)ge ja(nuarii) iiii