It(em) wout(er) jan en(de) pet(er) vand(er) couthe(re)n gehete(n) p(a)pe jans sone(n) p(ri)[(us)] ema(ncipa)[ti]/ hebbe(n) gelooft ind(ivisim) te v(er)vane en(de) te henw(er)t te neme(n) alle de ghene(n) die/ van huerre zijde(n) gequetst zijn geweest inde(n) gevichte tussce(n) hen/ ende dien van bout(er)shem en(de) de(n) meest(er) cyrurgijn d(air) af te v(er)nuege(n)/ sond(er) cost en(de) last va(n) dien van bout(er)she(m) Tot de(n) welke(n) de voirs(creven)/ jan de vad(er) volcomel(ijc) quijtgescouwen heeft die va(n) bout(er)she(m) voirs(creven)/ van dat zij des selfs jans wijff mesdaen moege(n) hebbe(n) in dien dat/ zijse geslagen hadden en(de) allet des d(air) aen cleeft en(de) dair [af] gelooft/ ne(m)m(er)meer yeman(de) te vexere(n) te moeyen noch e(n)nige aen sp(ra)ke te/ doene bij he(m) selve(n) noch bij yeman(de) and(er)s in gheene(n) rechte gheestelijc/ noch weerlijc s(ed) war(andizare) Insgelijcx heeft gelooft jonch(e)r henr(ic) va(n)/ wittha(m) he(r) te bout(er)shem (et)c(etera) te v(er)vane ja(n)ne va(n) mele woenende te/ cumptich ende symoen(e) de cock inde(n) voirs(creven) gevichte gequetst zijnde/ die nu afhendich ende absent zijn en(de) in dien te hebbe(n) dat zij binne(n)/ eenre maent naestcomen(de) sele(n) come(n) voir scepen(en) va(n) loeven(en) ende/ ald(air) quite scelde(n) allet des hen mesd(aen) mach zijn geweest inde(n) gevichte/ voirs(creven) P(ro)mitt(ens) null(atenus) alloq(ui) zande langrode maii iiii[ta]