Item jan block die onlanx leden voir den hee(r) en(de) hof tshe(re)n van/ tongerloe tsinte peters vyssenake als tochte(r) zijnder goede met/ diericke en(de) katlijnen zijnen wettigen kynde(re)n vanden vorbedde als/ erfgename der selver zijn gecomen en(de) hebben volcomentlic/ quijtgeschouwen alsulken huys en(de) hof en(de) ande(re) goede gelegen
//
tsinte mertensvissenaken(n) die men houden(de) is vanden godshuyse van/ tongerloe als ydonoye ph(ilip)s weduwe henrix wilen scrijnmake(re) met den/ selven hue(re)n man den vors(creven) janne bloc tande(re)n tijden gesedt ende verond(er)pant/ hadden voir alsulken erfneminge als de selve man en(de) wijf tande(re)n tijden/ gedaen hebben tegen den vors(creven) janne bloc van eender ca(m)men oft/ bruwerien gelegen tsinte peters vissenake die zij tegen den vors(creven) janne/ bloc ten erfpachte genomen hadden voir vier mudden corens erflic/ der maten van thienen boven des dair uutghinc Heeft geloft/ pete(re)n vand(er) stoct woenen(de) tsinte mertens vyssenake(n) onder den/ jonch(e)r van boutershem die de selve ca(m)me tegen den vors(creven) henr(icke)/ en(de) sijnen wijve insgelix genomen hadde ten erfpachte en(de)/ hue(r) dair voir te pande gesedt een boender lants gelegen te/ vissenake(n) vors(creven) dat hij der vors(creven) ydenoyen en(de) hue(r) kynde(re) in dien hebben/ sal en(de) vervaen dat zij den vors(creven) pete(re)n en(de) sijn goede tusschen/ dit en(de) paesschen naestcomen(de) tsijnder manessen volcomentlic quite(re)n/ en(de) quijtscelden sullen van also verre de vors(creven) peter en(de) sijn goede/ te henwert voir de vors(creven) ca(m)me verbonden en(de) verobligert staen/mogen en(de) dat ter plaetsen dair dat sal mogen behoe(re)n Ende/ de vors(creven) jan heeft vort geloft janne zijnen zone absent zijnde/ in dien te hebben en(de) te vervane dat hij te lande comen(de) den vors(creven)/ pete(re)n de selve gelofte sal doen doen ter plaetsen dair dat sal moge(n)/ behoe(re)n en(de) soe verre [also] dat den vors(creven) pete(re)n en(de) sijnen ergename(n)/ tot eeuwegen dagen vast en(de) seker sal mogen wesen col(onia) naus(nijdere)/ febr(uarii) xix