It(em) willem keye in p(rese)ncia heeft genome(n) en(de) bekint dat hij genome(n)/ heeft van cornelise van berghen den wouwere des selfs cornel(ijs)/ gelege(n) beneden thoff van hazenberghe te mille inde p(ro)ch(ie) va(n)/ doirne neve(n) de vroente van doirne Te houden ende te hebben/ van halfm(er)te dat was anno lv lestleden eene(n) t(er)mijn van xii jare(n)/ lang vervolgende elcx jaers darenbinnen om xvi guld(en) clincarde(n)/ te xiiii st(uvers) stuc te beloken(en) paesschen te betalen alle jare de(n) voirs(creven)/ t(er)mijn lang dueren(de) q(uo)l(ibet) ass(ecutu)[m] Ende is vorwerde dat de voirscr(even)/ willem den voirs(creven) wouwere wel ende loflijc boorden veeghen/ ruymen ende reynigen sal binne(n) zijnen dijcken van alle(n) motten/ cruyde ryete ende andere(n) [on]reynicheyden vanden gronde opweerts/ dieme(n) dair inne vynde(n) mochte ende den selven wouwe(re) alsoo/ geboord geveecht ende geruymt late(n) met schoone(n) wate(r) op/ behoirlike dyepte de(n) voirs(creven) t(er)mijn lang dueren(de) en(de) ten ynde/ vande(n) selve(n) t(er)mijne alsoe laten ten prijse van goede(n) mannen/ die hen des verstaen sonder argelist En(de) alle dese vorwerde(n)/ roelants blancart jul(ii) xxiiii