Vander questien die geweest es voir den raide vand(er) stat tussce(n) janne/ van bollar en(de) sijne(n) p(ar)tie(n) ter eenre en(de) willem(me) van daelhe(m) sijne(n) swag(er)/ ter ande(re) zijden om tvercoepe(n) der haeflik(er) goede die v(er)cocht sijn/ geweest biden vors(creven) wille(m)me opde vry merct van thiene(n) om dair/ mede te betalen de sculden dair voe(r) de vors(creven) willem and(er)wilen/ borghe bleve(n) was ende gesproken hadde aen arnde meys gedrag(ende)/ ter so(m)men van xl lichte guld(en) dair toe hij op hede(n) dach hadde/ Seggen(de) voort dat hij de voirs(creven) haeflike goede gelooft hadde uut/ handen jans demeyn tafel houden(de) te thiene(n) die dair gesedt/ wae(re)n dair voe(r) hij betaelt hadde xv rinsch gul(den) hopen(de) mits/ dien met deser sijnder bewijsseniss(en) te gestaen Dair tegen de/ vors(creven) jan zeyde datmen ne(m)mermeer bevinde(n) en soude dat de/ vors(creven) goede bijde(n) vors(creven) willem(me) deughdelic vercocht en(de) ver/ handelt waren geweest en(de) dat hij hem int bewint vand(en) vors(creven)/ have(n) en(de) int schatten van dien grotelic gheabuseert hadde Dair/ om hij hoopte dat hij sculdig(er) wae(re) na alle recht naird(er) claernisse/ en(de) bewijs te doene Want oft de vors(creven) willem sijns v(er)meets/ gelijc vors(creven) steet volquame zoe en wae(re) hij luttel oft niet gescape(n)/ te hebben vand(en) vors(creven) goeden Item als vand(en) xv rinsch guld(en)/ die de vors(creven) willem seecht betaelt te hebben aenden lombairt/ van thiene(n) sustineerde en(de) seide de selve jan dat die niet hog(er)/ en liepen dan xii rinsch gul(den) It(em) alse vand(en) x rinsch guld(en)/ aen arnde meys kynde de vors(creven) jan die alsoe betaelt te sijne/ ende vand(en) neghen r(insch) guld(en) en(de) xi(½) stuv(er)s die de vors(creven) wille(m)/ seecht dat hij noch soude mote(n) betalen mits dat hij voir he(m)/ gesprok(en) soude hebben seide de vors(creven) jan dat die niet voord(er)/ en gedroeg(en) dan ter so(m)men van zeve(n) rinsche gul(den) en(de) d(aer) af/ hadde hij den vors(creven) arnde te vreden gestelt Es get(er)mineert/ ende uutgesproken voir recht dat de vors(creven) willem metten/ so(m)men van tweentwintich rinsch guld(en) die hij vanden/ voirs(creven) haeflik(er) goede(n) gehadt heeft gestaen sal Ende als/ vand(en) lossinge(n) vand(en) selve(n) goeden die gesciet es vander/ selver haven te lombarde(n) vors(creven) is get(er)mineert dat hem/ die so(m)me vand(en) vors(creven) xv rinsch gul(den) passe(re)n sal Ite(m) desgelix/ sulle(n) den vors(creven) willem(me) oic passe(re)n de thien rinsch gul(den) betaelt aen/ arnde meys mits den verkynne(n) des vors(creven) jans van bollar ende/ alse vand(en) ix r(insche) gul(den) xi(½) st(uvers) es uutgesproke(n) dat soe v(er)re de
//
voirs(creven) jan den voirg(enoemde) willem(me) ontsleet aende(n) vors(creven) arnde/ meys dat dan duytgeve(n) vand(en) voirs(creven) ix r(insch) g(ulden) xi(½) st(uvers) niet/ passe(re)n en sal Mair soe v(er)re de selve jan des niet en dade/ dat dan de vors(creven) ix r(insch) gul(den) en(de) xi(½) st(uvers) den voirs(creven) willem(me)/ passe(re)n sulle(n) Actu(m) in pleno (con)silio julii iiii[ta]