Allen den ghenen die dese l(ette)ren sullen sien oft horen lesen/ burgermeeste(re)n scepen(en) en(de) raide der stat van loven(en) saluyt/ Doen cont en(de) te weten(e) dat opden dach datu(m) van desen/ voir ons comen en(de) gestaen is de edele her henric van/ wittham hee(r) te boutershem en(de) te huldenberghe riddere (et)c(etera)/ Ende heeft geconstitueert gesedt volcomen macht/ procuracie en(de) auctoriteit ghegeven janne robbijns alle/ en(de) yegelike sijn saken questien en(de) gescillen als de selve/ her henric nu uutstaende heeft oft namaels hebben/ sal mogen tegen wat p(er)sonen dat dat zij het zij/ int gheestelike oft weerlike gerichten [te v(er)volghen te wynne(n) (et)c(etera)] Alle hue(r) jairgulden/ opcomingen vervallen renten chijse(n) erfpachte en(de) sculden/ als men den vors(creven) he(re)n henricke sculdich oft belanc mach/ wesen in e(n)niger manie(re)n te manen teysschen opteboe(re)n/ en(de) tontfanghen den sculd(er)s te quite(re)n en(de) volcomen quijta(n)cie/ te gheven En(de) vortaen generalic en(de) specialic allet ghene/ d(aer) inne te doen en(de) te vorde(re)n des de vors(creven) her henric/ selve in p(er)sone soude mogen doen telcker tijt oft hij/ tegenwordich en(de) voir ogen wae(r) et f(ac)iet ult(imum) in meliori/ forma p(ro)mitt(ens) rat(um) salvo iusto calculo aug(usti) xvii