Nae dien dat bijden raide vand(er) stat get(er)mineert es geweest/ tusschen anthonise de besuts inden name van hem en(de) vanden/ ande(re)n zijnen medepleghe(re)n ter eenre sijden ende meester felix den/ hont raid en(de) meester vander rekencame(re)n mijns gened(ichs) he(re)n mett(er)/ weduwen joes wijlen absoloens zijnder zwegher ter ande(re) dat/ de voirs(creven) p(ar)tien te beyden zijden p(ro)cede(re)n souden met rekeningen opde/ gescillen tusscen hen uutstaende gelijc de selve t(er)minacie/ decembr(is) s(e)c(un)da lestleden inhoudt dair toe beide de vors(creven) p(ar)tien/ dach namen om elck den anderen zijn rekeninghe over/ gegeven te wordden den xix[ten] dach der selver maent/ decembr(i) Tot welken daige de voirs(creven) anthonijs voer/ hem ende inden name als voe(r) compare(re)nde voir den selve(n)/ raide p(rese)nterende aldair sijn voirs(creven) rekeninghe zijnd(er) voirs(creven)/ wederp(ar)tien over te gheven zoe verre die voir ooghen q(ua)men/ en(de) van gelijken daden ende want de voirs(creven) meester felix/ oft weduwe noch nyemant and(er)s hen te dien daighe/ en p(rese)nteerde(n) noch en compareerden zoe accuseerde de voirs(creven)/ anthonijs hue(r) (con)tu(m)acie leggen(de) dat int onthoude vand(en) vors(creven)/ raide Aldair te dier tijt de voirs(creven) meest(er) felix sande een/ missive aen den voirs(creven) borg(er)meest(er) en(de) raid bege(re)nde de vors(creven)/ sake eene(n) redeliken tijt t(er)mijn te weten(e) tot des and(ere)n daichs/ nae liechtdach naistcomen(de) uutgestelt te hebben(e) om seke(r) reden(en)/ wille die hij d(air) toe allig(er)de dwelc de vors(creven) anthonijs niet/(con)sent(ere)n en woude bliven(de) bij sijne vors(creven) (con)tu(m)acie ind(er) manie(re)n vors(creven)/ act(um) in pleno (con)silio decembr(is) xix