It(em) symoen vander hofstad sone wilen willems ende jouff(rouwe)/ katlijne van haller dochter her willems wilen van haller/ ridders in p(rese)ncia hebben gelooft ind(ivisim) willem(me) maes gehete(n)/ van wijtvliet dat zij den voirs(creven) willem(me) ende zijn goede/ te cortbeke ov(er)loe gelegen dair inne de selve wille(m) vande(n)/ voirs(creven) symoene gegoet ende geghicht is na recht binne(n) eene(n)/ zekeren tijde overleden vanden co(m)meren hier na v(er)claert/ dair mede de selve goede belast zijn bove(n) de waerschap/ den selve(n) willem(me) vanden selven goeden bij de(n) voirs(creven) symoen(e)/
//
gedaen [lossen selen] Yerst van [vi] rijnsche gulden(en) lijfpensien te(n) live vander/ werdinnen henricx van lyntre Item van sesse r(ijnsch)g(uldenen) erfijc/ aen gerarde van baussele dair voir enige der voirs(creven) goede/ mede pant zijn Ende van iiii r(ijnsch)gulden(en) erflijc aende capelrye/ voir theylige sacrament inde kerke tsinte pet(er)s te loeven(e) dair/ voir oec enige der voirs(creven) goede des voirs(creven) willems pant zijn/ alsoe dat de selve willem noch zijn voirs(creven) goede dair voe(r)/ voirtmeer niet gelast gepraemt noch bescadicht en sele(n) werde(n)/ Ende wes de voirs(creven) willem zedert zijnre waerscap vanden/ selve(n) co(m)meren oft e(n)nige van dien gegeve(n) heeft of voirtaen/ geven moesten dat hebben de voirs(creven) gehuyssche hen gelooft op/ te leggen ende te betalen als v(er)reycte schout Voirt hebben/ gelooft de selve gehuyssche in(divisim) dat zij bynne(n) eene(n) halve(n)/ jare naestcomende den voirs(creven) willem(me) ende zijn goede voirg(eruert)/ vanden voirs(creven) co(m)meren geheelijc costeloes en(de) scadeloes lossen/ selen oft te huers selfs laste den selve(n) willem(me) in vestich(eit)/ van dien in handen sette(n) met rechte alle de goede die der/ voirs(creven) jouffr(ouwen) katlijne(n) toebehoire(n) oft hue(re) verstorve(n) zijn van/ wilen den voirs(creven) he(re)n willem(me) huere(n) vader in landen bempden/ eeusselen ende andere(n) toebehoirten hoedanich die zijn op allen/ den last ende commer van outs dair uutgaende ende op alsulke(n)/ last als dair vo(r)e die in handen loenijs van udekem pet(er)s vande(n)/ berghe ende huere(n) medegaderingen gedrage(n) zijn sond(er) meer/ co(m)mers Voirt hebben de selve gehuyssche gelooft den voirs(creven) willem(me)/ indivisim dat zij om noch meer zekernissen van des voirs(creven) is/ den voirs(creven) willem(me) te doene zij met des voirs(creven) symoens moed(er)/ ende huerre moeder come(n) sele(n) voir wethoudere(n) der stad va(n)/ arschot en(de) elde(r) dair dat behoeven sal en(de) doen den voirs(creven)/ willem(me) vestich(eit) op alle de goede die de(n) selve(n) symoen staen/ te versterve(n) met zijnre wittevrouwe(n) en(de) moeder doot dat / zijn voirgescr(even) goede vande(n) voirs(creven) co(m)meren dair die buyten/ des selfs symoens waerscap mede belast zijn vande(n) selven/ last ontslage(n) ende gequijt selen werden cor(am) borch heykens/ januarii xxi /

Met des(en) brief al es dien geformeert geweest en(de) ewech salme(n) willem(me) maes behulp doen van rechte/ den brief alhier bliven(de) op ave(n)tu(r)e oftme(n) den geformeerde(n) brief die d(aer) uut gemaict es noch/ vonde w en(de) oic bij wete(n) en(de) overdrage vand(er) stat want wille(m) acht(er)volgen(de) den selve(n) ov(er)drage/ gecleert heeft bij eede dat hij dien brief heeft v(er)lore(n) en(de) en weets niet te vinde(n) wat diligen(tie)/ hij d(aer) toe heeft gedaen oft co(n)nen gedoen en(de) dat hij dit behulp suect sond(er) fraude en(de) argelist/ om te recup(er)e(re)n de schade(n) en(de) (last)? (die)? hij dagelix heeft te drag(en) van e(n)nig(en) vand(en) rinte(n) inde(n) selve(n) br(ieve)
//
begrepe(n) dair af symon en(de) sijn wijf he(m) en(de) sijn goede gelooft hebbe(n) te losse(n) Act(um) cor(am) berghen cav(er)son/ burg(imagistris) et plu(r)ib(us) aliis de (con)s(ili)[o] no(vem)[br(is)] vi[ta] a(nn)[o] lxxix