Item es in erfvorweerden ondersproken tusscen de vors(creven) vier kinde(re)n/ dat want alnoch tusscen de selve buyten deylinghe sijn bleve(n) staen(de)/ diverse p(er)ceelen van pachte hier na volgen(de) te weten een mudde/ corens op seke(re) goede diversen p(er)sonen toebehoiren(de) geleg(en) te/ varenzijp inde p(ro)chie van pelleberch It(em) een half mudde corens/ op zeke(re) goede katlijnen wijlen noytens nu gor(ijs) van sinte/ pet(er)s geleg(en) te pellenberch vors(creven) Item een half mudden corens/ op zeke(re) goede jans de smet oec te pelleberch geleg(en) Item/ de helicht van iiii(½) mol(evate) cor(ens) dair af de vors(creven) willem de/ becke(re) deser kinde(re)n oem de wederhelicht heeft op zeke(re) goede/ stas vand(en) poele al(ia)s stessens geleg(en) te loeven(e) loeve(n)goel/ dat zij die jairlix in vier p(er)ceelen te gelijke deylen sele(n) ende/ hebben voorts malcande(re)n gelooft alle chijse en(de) pachte(n) uute(n)/ vors(creven) goede(n) gaen(de) uutgenome(n) den vors(creven) geleghe te gelike/ te draghen en(de) jairlix te betalen Ende oft yemant van hen/ bij gebreke van betalingen des anders e(n)nigen cost schade oft/ last hadde oft lede dat de gebreckelijke dien cost en(de) last den ghene(n)/ sal mote(n) oplegge(n) en(de) betalen alsoe wel coste(n) van rechte(n) als/ ande(re) cor(am) eisd(em)