Allen den ghenen (et)c(etera) doen cont en(de) te weten dat op heden datu(m) van desen/ voir ons comen es in p(ro)pe(re)n p(er)soene bartelmeeus de vos becke(r) die met/ gevo(n)nisten scepen(en) brieve(n) van loven(en) bekint opten xv[ten] dach februarii/ anno lxxiii bij jannese robbijns als p(ri)ncipael en(de) seke(r) sijn borghen/ heffen(de) es drie rinsche guld(en) erfliker rinte(n) staen(de) te quite(n) met liiii/ geliken rinsche gul(den) en(de) met vollen rinte(n) ende met brieve(n) vander/ stat gescreven aenden meye(r) van cu(m)ptich oft sijne(n) stedehoudere/ alle de goede des selfs wilen jannes robbijns voir de voldoeni(n)ge/ en(de) bewijssenisse vand(er) vors(creven) erfrinte(n) in rastemente heeft doen doen/ Ende heeft geconstitueert gesedt volcomen macht p(ro)curacie ende/ auctoriteit gegeve(n) arnde roecx wonen(de) te bout(er)she(m) lodewijken de/ mu(n)te(re) te vertrike en(de) janne de mu(n)tere te velpe aut alteri latori/ p(rese)ntiu(m) die rastemente(n) opde vors(creven) goede voirt te (con)tinueren/ te vervolge(n) te vorde(re)n die goede voirs(creven) voir de voirs(creven) voldoeni(n)ge/ en(de) bewijssenisse metten selven rastemente(n) uut te wynne(n) te/ vervolgen de vo(n)niss(en) d(aer) op behoiren(de) te v(er)eysschen die selve goede/ als die vo(n)niss(en) d(aer) op geslage(n) sijn te v(er)coepe(n) te pe(n)neweerden/ ten hoochste(n) te bringe(n) in betalinge(n) der vors(creven) scult ende alle/ saken questien en(de) gescille(n) die dair uut spruyte(n) mochte(n) met/ rechte te beleiden te v(er)volge(n) te vorde(re)n te v(er)antweerde(n) te/ bescudde(n) te bedinge(n) te wynne(n) en(de) te v(er)liesen ende allet gene/ dair inne en(de) des dien aencleeft te doene en(de) te vorde(re)n dat/ hij selve dair inne vord(ere)n soude moige(n) wairt dat hij telk(er) tijt en(de)/ plaets(en) selve p(rese)nt en(de) voir ooge(n) ware et q(uod) un(us) incep(er)it p(ro)mitt(ens)/ rat(um) salvo iusto calculo Ende dat de (con)stituent des(er) p(ro)curacien/ niet tegenstaen(de) blijft ongep(re)judicieert in sijne(n) scepen(en) brieve(n) voirs(creven)/ tot aen d(er)re tijt toe dat hij d(aer) af geheelic sal sijn voldaen cor(am)/ roelofs burg(imagistro) couck(eroul) reth(eman) maii vi