Vander questien ende ghescille(n) die uuytgestae(n) hebbe(n)/ tusschen cornelijs van berghen in deen zijde als geleyt/ naeden rechte der stad van loven(en) tot den goeden beyde/ have en(de) erve henr(ix) ende arnts de mu(n)te(re) ghebruede(re)n/ wonen(de) te mille inde p(ro)chie va(n) deurne voir zijn wettich/ gebreck dat de selve cornelijs heeft aende voirs(creven) gebruede(re)n/ uuyt saken d(er) pechtinge(n) vande(n) hove va(n) hazenberge/ dat de voirscr(even) henr(ic) yege(n) den selve(n) cornelise in/ pechtinge(n) genome(n) heeft d(aer)af de voirs(creven) airt borghe/ es gelijck scepen(en) br(ieve) van loven(en) dat volcomelijck/ inhoude(n) en(de) beg(ri)pen d(aer)voe(r) de selve gebruede(re)n hue(r)/ goede have en(de) erve hoven(de) eensdeels inden hof jans/ van beert ald(aer) gelegen te pande en(de) in m(er)der sek(er)nisse(n)/ gesedt hebbe(n) gelijck de brieve d(aer)af gemaect dat/ inhebbe(n) en(de) den voirs(creven) janne va(n) beert die ynsgelijcx/ zeke(r) gebreck heeft aende(n) voirs(creven) arnde de mu(n)te(re) oick/ uuyt sake(n) van pechtinge(n) van zeke(re)n lande(n) die de/ selve airt vande(n) voirscr(even) janne houden(de) es geweest/ oick nae inhoudt van scepen(en) brieve(n) van loeven(en) in/ dande(re) Sijn de voirscr(even) p(ar)tien eenswoirde(n) ende/ mynlijck ov(er)come(n) dat de voirscr(even) cornelijs de goede/ des voirscr(even) henr(ix) sal van heden over acht dage(n)/ naestcomen(de) doen gebieden inder kerken van doirne/ voirscr(even) om ten hoochsten te bringhe(n) die te v(er)cope(n)/ en(de) zijn gebreck d(aer)aen te v(er)hale(n) op dat die/ goetgenoech zijn met coste(n) ende co(m)me(r) dairop/ lopen(de) Ende soe wes hem dan voirt gebrect dat/ hij de goede des voirscr(even) arnts die alsnu inder/ hachte(n) es te loven(en) ten versueke des voirs(creven) jans bij/ gebreke va(n) betalinge(n) des voirg(enoemde) jans bynnen/ xiiii nachte(n) d(aer)nae desgelijx sal doen gebieden ind(er)/ voirscr(even) kerken en(de) oick die exeque(re)n ten yersten
//
ende naesten dat hij sal conne(n) ende moege(n) en(de)/ oft dan die gheexecuteert dair yet overde soe/ sal dat volgen den voirs(creven) janne va(n) beert tsij(n)re/ schout behoeff Ende hier mede sal de voirs(creven)/ jan van beert doen aff ende te nyeute doen/ alsulken v(er)volch als lijsbeth die wijf es des/ voirs(creven) arnts gheimpetreert mach hebbe(n) in (contra)rien/ des voirscr(even) cornelijs en(de) zijne(n) v(er)volgen met des/ d(aer)aen cleeft dewelke lijsbeth de voirscr(even) jan van/ beert om dat te geschien(e) h(ier)inne geloeft heeft te/ v(er)vane cor(am) abs(oloens) couk(eroul) febr(uarii) xi