Cond zij allen lieden dat katlijne weduwe jans wile(n)/ de ridde(re) in p(rese)ncia heeft gegeve(n) en(de) bekint dat zij gegeve(n)/ heeft symoen(en) vand(en) hove de goede hier nae bescr(even) die/ der selver ka(tlij)[ne(n)] met rechte geleidt zijn uut crachte/ va(n) eene(n) scep(enen) br(iev)[en] van loev(en) vand(er) daten xiiii[c] [vacat]/ voir acht mudd(en) corens erfspachts Inden yerste(n) drie/ vierdel lants gelege(n) te boutershe(m) neve(n) de grebbe tussce(n)/ de goede willems de bresse(re) en(de) laureys bollarts It(em) noch/ i dach(mael) en(de) xii roede(n) lants gelege(n) int rodeke(n) tussche(n)/ de goede willems der kinde(re)n en(de) arnts brants It(em) xl/ roede(n) lants gelege(n) int steenke(n) tussche(n) de goede arnts/ vand(en) hove en(de) willems de bresse(re) voirs(creven) It(em) (½) boend(er) en(de)/ iii roede(n) lants gelege(n) int velt geheete(n) tgasthuys velt/ tussche(n) de goede geheete(n) ysermans lant en(de) de goede des/ voirs(creven) arnts vand(en) hove It(em) i dach(mael) en(de) xxxvi roede(n) lants/ gelege(n) opt eycvelt tussche(n) de goede jans de hane en(de)/ jans de bresse(re) It(em) lxi roede(n) lants gelege(n) int voirs(creven) velt/ tussche(n) de goede aelbrecht de smet in beide(n) zijde(n)/ It(em) (½) dach(mael) lants gelege(n) opt binne(n)velt tussche(n) de/ goede jans de hane voirs(creven) en(de) de strate ald(aer) It(em) (½)/ boend(er) beemps gelege(n) int vertrijcbroec tussche(n) de/ goede jans vand(en) kerchove en(de) henr(ix) vissenake It(em) een/ bloc lants geheete(n) keyserrijc houden(de) x dach(mael) tussche(n)/ den lange(n) wouwe(r) shee(re)n van bout(er)shem en(de) de goede/ henr(ix) van gorssem en(de) wout(er)s de brieve(re) It(em) i dach(mael)/ en(de) lxxx roeden lants gelege(n) neve(n) de plaetse geheete(n)/ cappuynberch tussche(n) de goede arnts vand(en) hove/ voirs(creven) in beiden zijde(n) It(em) (½) boend(er) en(de) xxv roede(n) lants/ tussche(n) dbosch der tafle(n) sheyl(ichs)gheests van loeven(en)
//
en(de) de goede sgasthuys va(n) loev(en) welcke goede toe te behoe(re)n/ plage(n) arnde wile(n) va(n) gobbelsrode dieme(n) hiet vand(en)/ hove Te houde(n) te hebben ende te wynnen van halfm(er)te/ lestlede(n) eene(n) t(er)mijn va(n) vi jae(re)n lang vervolgen(de) elcx/ jaers d(aer)enbinne(n) elc boend(er) om en(de) voe(r) twee sacke(n) corens/ d(er) mate(n) va(n) thiene(n) goet en(de) payabel met wa(n)ne en(de) met/ vede(re)n wel bereyt alle jae(re) s(in)[t] jo andr(iesmiss)[e] ap(oste)ls te/ betale(n) en(de) te loeven(en) te leve(re)n den voirs(creven) t(er)mijn due(re)nde/ q(u)[o]l(ibet) asse(cutu)[m] It(em) sal de voirs(creven) wynne de chijse en(de) rinten/ uute(n) voirs(creven) goede(n) jaerlijcx gaen(de) betale(n) in afslage/ van des voirscr(even) steet alsoe in tijts datter gheen scade/ af en come It(em) sal de voirs(creven) wynne de voirs(creven) lande/ zijne(n) voirs(creven) t(er)mijn due(re)nde wynne(n) werve(n) en(de) mesten/ wel en(de) loflijc gelijc reengenote(n) bove(n) en(de) beneden/ en(de) die laten tsijne(n) afscheiden gelijc [hij] die tsijnen/ ae(n)veerde(n) vandt It(em) sal de voirs(creven) wynne de straten/ grechte(n) en(de) wat(er)leyden in oft aen de voirs(creven) goede liggen(de)/ zijne(n) t(er)mijn due(re)nde houde(n) vege(n) en(de) ruyme(n) alsoe/ datter gheen scade af en come En(de) oft nae duytgae(n)/ de voirs(creven) wed(uwe) de voirs(creven) goede voirt uutgeve(n) wilt soe/ sal symoen moege(n) de naeste zijn soe verre inder/ voldoeni(n)gen gheen gebrec en valt cor(am) meldert/ couck(eroul) junii xvii