Het zijn come(n) te rechte inde banc voir meye(r) en(de) scepen(en) van loeven(en)/ gord machiels en(de) peter moens als heyligheestmeesters van libbeke ter eend(er)/ zijden en(de) jaspar van overwynghe ter ande(re) uut saken van seke(re)n goede(n) en(de)/ vruchte(n) gecome(n) van eene(n) stuck lants houden(de) een boender gelege(n) ter moelen/ inde prochie van libbeke die van wege(n) svoirs(creven) heylige(n) gheest beco(m)mert zijnde/ de voirs(creven) jaspar meynde hem toebehoeren(de) en(de) hij als porte(r) met deser stat brieve(n)/ hadde doen uutscrive(n) Welke vruchte(n) de voirs(creven) mo(m)boirs aenspraken seggen(de)/ dat dat boender lants dair die af come(n) wae(re)n gelege(n) wae(r) onder onsen/ gened(ichen) he(r) den h(er)toge en(de) dat henric va(n) pulle voir sijne(n) chijs dien hij dair op/ hadde bego(n)nen hadde des omtrint twee jair geleden Was dair op te/ daige(n) met sijne(n) meye(r) en(de) scepen(en) van libbeke en(de) dat den voirs(creven) heylige(n)/ gheest dat scutten(de) en(de) hem sijne(n) chijs mest met coste en(de) co(m)me(r) opleggen(de)/ Want hij dair op jonge(re)n chijs hadde voir den selve(n) verleechde(n) chijs en(de) cost/ en(de) co(m)mer en(de) oic voir sijne(n) jonge(re)n chijs die goede metter banc recht va(n) libbeke/ uutgedaecht hadde en(de) was dair toe de behoirlike wete gedaen den ghene(n)/ die inden brieve vand(en) selve(n) uutdaige(n) wae(re)n begrepen en(de) oick onder de clocke/ voir de ghene die buyte(n) sdorps woenden en(de) hadde den selve(n) heylige(n) gheest/ die goede voirt uut gegeve(n) ten erfpachte gorde de gheest den welken den/ heylige(n) gheest voirs(creven) dair af sculdich was inne te staen(e) en(de) was in voirleden/ tijden op derve een gequetst geweest dair af mijn he(r) va(n) boutershem meynde/ dat onder zijn herlich(eit) was en(de) dat hem dair af de kue(re)n toebehoirde(n) en(de) dat/ uut(er)lijc mijn he(r) van boutershem volcomelijc onderwijs hebben(de) vand(en) co(n)trarien/ dair af cesseerde en(de) afliet en(de) wert de co(m)posicie en(de) beternisse dair af gedaen/ onder onsen gened(ichen) he(r) aenden meye(r) van libbeke Dese en(de) meer ande(r) pointe(n)
//
p(rese)nteerde(n) de voirs(creven) heyligheestmeesters te thoenen(e) en(de) mette(n) mynste(n)/ hopen(de) waer zijt gethoene(n) conste(n) dat hen inde(n) name als voe(r) oft den voirs(creven)/ gorde van gheest dactie dair af hebben(de) de voirs(creven) vruchte(n) volge(n) souden en(de)/ sculdich wae(re)n te volgen(e) hem des gestroesten(de) totte(n) rechte Dair tege(n) de voirs(creven)/ jaspar sustine(re)nde de co(n)trarie boot te bewijsen(e) dat mijn he(r) van boutershem/ voir seke(r) actie die hij opde voirs(creven) goede hadde op dese goede gevolcht heeft/ metter banc recht va(n) boutershem zoe verre [dat] hem dese goede met eene(n) hootvo(n)nisse/ te thiene(n) gehaelt aengewijst zijn en(de) dat mijn he(r) van boutershem hem voirt/ dese goede overgegoedt hadde en(de) hadde die alsoe doen bevruchte(n) wynne(n)/ en(de) werve(n) en(de) was dair af in possessien geweest dit leste jair Dese en(de) meer/ ande(r) pointe(n) p(rese)nteerde hij te thoene(n) hopen(de) waer hijse gethoene(n) conste dat den/ voirs(creven) heylige(n)gheest sculdich soude sijn af te late(n) en(de) hem de voirs(creven) goede te late(n)/ volgen hem des getroesten(de) totte(n) rechte op dwelck partien tot hue(re)n thonisse/ gewijst zijnde en(de) elc zijn v(er)met genoech getoent hebben(de) scepen(en) gemaent/ gewijst g hebbe(n) dat zij de questie vand(en) heerlich(eit) en(de) properteyt sette(n) ter plaetsen/ dair die behoirde en(de) alse vand(en) vruchte(n) dat die soude(n) blive(n) in sequestre/ in gewariger hand totte(n) ynde vand(en) beslichte van dien Act(um) in sca(m)pno cor(am)/ o(m)nibus dempt(o) roelants oct(obris) xxi