Tusschen willem(me) van coude(n)berghe va(n) bout(er)shem/ die voe(r) den raide vander stadt ontbode(n) hadde/ henr(icke) van opsceye metse(r) om te weten(e) de reden(en)/ wairom hij hadde doen raste(re)n alhier ind(en)/ stadt zeke(re) sijn haeffelijke goede namelic eene(n)/ vrouwe(n) tabbaert een bedde en(de) een pansier/ wesen(de) inden huyse arnts claes bijde wijngaert/ porte t(er) eenre ende den selve(n) henr(ick) v(er)cleren(de)/ de reden(en) vande(n) selve(n) rastame(n)te dat dat/ was om verlope(n) erfpacht van eene(n) sacke/ corens tsjaers van twee jae(re)n die de selve/ willem hem sculdich was vand(en) leste(n) twee/ jae(re)n van zeke(re)n erve te bout(er)shem gelegen/ dwelc hij hem d(air)op en(de) oick opden voirco(m)mer/ erffelijc uutgegeve(n) hadde en(de) oick voe(r) de r(e)p(ar)acie/ en(de) beteri(n)ge vande(n) ond(er)pande die de selve/ willem soe henr(ick) seyde met afbrekinge(n) vand(en)/ huysinge(n) alsoe geergert hadde dat hij gescape(n)/ wae(r) sijne(n) erfpacht te verliese(n) t(er) ande(r) zijde(n)
//
Es geappointeert genoech bij ov(er)geven(en) ende/ consente van p(ar)tien dat de voirs(creven) wille(m) va(n)d(en)/ twee sacken alleene den voirs(creven) henr(icke) betalen/ en(de) v(er)nuege(n) sal den eene(n) sack op welke(n) eene(n)/ sacke den selve(n) willem(me) in afslage come(n) sal/ thalst(er) corens dat henr(ick) van hem gehave(n) heeft/ ende dande(r) vijf halste(re)n van desen sacke/ sal hij henr(icke) betale(n) tusschen dit en(de) tsinxen(en)/ naistcomen(de) als v(er)volgde schout ende soe/ lange sulle(n) de voirs(creven) gerasteerde goede/ blive(n) ond(er) den rastame(n)te tot dat dese/ vijf halst(er) voldaen zullen sijn Ende aengaen(de)/ den vervallingen en(de) v(er)ergeri(n)gen vande(n) ond(er)/ pande sal de voirs(creven) wille(m) gehoude(n) zijn/ ende heeft aengenome(n) en(de) oick den voirs(creven)/ sack corens erffelijck af te quiten tderdeel d(air)af/ tsint andriesmesse naistcomen(de) als dien valt/ tderdel d(air)af tsint andriesmesse d(air)nae ende/ dleste derdel tsint andriesmesse d(air)nae altijt/ met volle(n) pachte nae gelande va(n) des d(air)op/ ongequete(n) bleve(n) es quolib(e)t ass(ecu)[t(um)] Hier inne/ versien dat de selve willem die quiti(n)ge sal/ moege(n) doen met pe(n)ninge(n) van alsulke(n) prijse/ en(de) valuatien als die stonde(n) ten tijde als die/ come(n)scap vand(en) erfuutgevi(n)gen voirs(creven) tussche(n)/ hen gesciede des soe zij cleerde(n) omtrint drie/ jae(re)n gelede(n) es ende dat de selve willem/ van alle(n) desen t(er) meerd(er) vesticheyt des voirs(creven)/ henr(icken) als de selve henr(ick) des begheert gelufte/ doen sal voir scepen(en) van loven(e) Actu(m) cor(am) buets(ele)/ burg(imagistr)[o] borchove(n) et c(e)t(eris) aliis de cons(ili)o m(ar)tii xxvi