Item liebrecht vanden hove zone wijlen symoens vanden/ hove woenen(de) tot bout(er)shem in p(rese)ncia heeft genome(n)/ tegen liebrechte jacops als man en(de) mo(m)boir [jouffr(ouwe)] joha(n)ne/ lobbe zijnd(er) huysvr(ouwe) allen alsulcken landen als de/ selve liebrecht jacops van wegen der voirs(creven) zijnd(er) huysvr(ouwe)/ liggen(de) heeft te bout(er)shem ende d(air)omtri(n)t soe v(er)re die/ de voirs(creven) symoen zijn vader als hij leefde te houde(n)/ plach Te houden ende te hebben eene(n) t(er)mijn/ van negen jae(re)n naistcomen(de) deen nae dande(r) sonder/ middel vervolgen(de) Elcx jairs d(air)embynne(n) om en(de) voe(r)/ vijf mudden corens pag(abilis) cu(m) vanno pacht ende/ mate van loeven(en) oft [en(de)] te thienen te leve(re)n den voirs(creven)/ liebrechte jacops daer hem dat best believen sal/ Ende noch h(ier)embove(n) een sister groend(er) oft witter erwitten/ oick te leve(re)n als voe(r) alle jaire ts(in)t andriesmisse/ apostels te betalen(e) ende den voirs(creven) t(er)mjn sal inne/ gaen te half m(er)te naistcomen(de) ende den yersten pacht/ vallen(de) ts(in)t andriesmisse d(air)nae te weten(e) a(n)no vie(r) en(de)/ negentich naistcomen(de) Item is vorweerde dat de/ voirs(creven) wynne jairlijcx betalen sal de chijs uuyt den/ voirs(creven) goeden oft land(en) gaen(de) sijne(n) t(er)mijn due(re)nde sijne(n)/ t(er)mijn due(re)nde sonder afslach van zijne(n) pacht voirs(creven)/ ende sal de selve wynne oick sculdich zijn de wege/ en(de) wat(er)loope die aen de voirs(creven) lande(n) liggen te houden(e)/ alsoe dat liebrecht jacops d(air)af egheen scade en hebbe/ ende oft gebuerde dat dair e(n)nige scade gedaen ware/ bij gebreck van des voirs(creven) is die sal de voirs(creven) wynne/ alleene dragen sonder oick afslach oft cortsel d(air)o(m)me/ te hebben(e) Item is noch vorweerde dat de voirg(enoemde) wynne/ den voirs(creven) t(er)mijn due(re)nde de lande(n) voirs(creven) wel ende
//
lofelijck wynnen ende mesten sal ende alzoe gewo(n)nen/ ende gemest laten te zijne(n) afscheiden(e) gelijc r(e)genoete(n)/ sonder argelist Item is noch vorweerde oft gebuerde/ dat god verhuede dat de wyn voirs(creven) ov(er)mits der orlogen/ oft anders e(n)nige scade hadde vand(er) voirs(creven) goed(en) oft/ ongebruyck dair af salmen hem doen gelijc regenoeten/ boven en(de) beneden Item is noch vorweerde want de/ voirs(creven) wyn de land(en) bloet vint dat hij die alzoe/ sal moegen laten tot zijnd(er) afscheiden(e) Item en sal de/ voirs(creven) wynne bynne(n) de drie leste jae(re)n de voirg(eruerde)/ lande niet moegen hoervruchten cor(am) buetsele boechout/ junii x[a]