It(em) want de voirs(creven) rinte spruyten(de) compt va(n) zeke(re)n/ gevallen(en) rinten van thien rinsguld(en) sjaers erffelijck/ die de voirs(creven) her jan jairlijcx heffende es op he(re)n henricke/ van wittham hee(r) tot bout(er)shem ende den voirs(creven) joose/ van xv jae(re)n verloepen vallende jairlijcx penultima/ maii ende dit totten jae(r) xiiii incluys ende oic van/ xii rinsgulden(en) die voir hem in ge(re)den pe(n)ni(n)g(en) van/ vroentcosten betaelt zijn soe es vorweerde en(de)/ heeft joh(ann)es de gouda als procur(eur) desselfs he(re)n jans/ geconsenteert en(de) toegeseet eve(n) verre de voirs(creven)/ joos namaels met rechte bewijsen can datmen/ vand(en) voirs(creven) rinten van thien rinsgulden(en) soe vele/ verschenen(en) pachten als van xv jae(re)n niet sculdich en/ wae(r) mair dat d(aer)op yet betaelt wae(r) oft oic dat/ bijd(er) stadt anders d(aer)op namaels versien wordde dat/ dan in dien gevalle tselve met rechte bevonde(n) zijnde/ hem aende principale pe(n)ni(n)gen der voirg(eruerde) rinten van/ vx rinsgulden(en) tselve myn gecort en(de) afgeslagen/ zal wordden Item de selve joh(ann)es de gouda als/ procur(eur) des voirs(creven) he(re)n jans van bloys heeft voirt/ gekint den selven joose quijt gescouden te hebben(e)/ den pacht nu in mey lestleden gevallen voe(r) de/ quade jae(re)n cor(am) eisd(em)