Het sijn comen int recht voe(r) meye(r) en(de) scepen(en) van loeve(n) inde banc ald(aer) /pet(er) van vilvorde(n) van mechelen in deen side en(de) willem sullen oec/va(n) mechele(n) in dande(re) dae(r) de voirs(creven) peter een aensprake dede tot de(n)/voirs(creven) wille(m)me seggende hoe hi in tide(n) voerlede(n) knecht en(de) factoer/hadde geweest van adaem wilen de gorte(re) dies bastart zuster dat hi/hadde en(de) dat een jan va(n) diedegheem dieme(n) heet ts(er)ghijsbrecht/de(n) voirs(creven) adaem sculdech was ii[c] nobele de welke hi pete(re)n/voirs(creven) ov(er)gaf en(de) maecte hem des scepen(en) brieve va(n) loeve(n) en(de) /dat hi hem die ii[c] nobele ov(er)gaf dat boet pet(er) te thoene(n)/voert seyde de vors(creven) peter dat hi met scepen(en) brieve va(n) /loeve(n) geleydt wae(re) tot des voirs(creven) jans va(n) diedegheem goede/voe(r) de voirs(creven) ii[c] nobele welke brieve va(n) dien beleyde gemaect/de voirs(creven) wille(m) sulle(n) onder hadde en(de) peter boet oec te thoene(n)/dat de voirs(creven) willem die beleydebrieve gehadt hadde yesch/dair om de selve peter vande(n) voirs(creven) wille(m)me de(n) voirs(creven) beleydt/brief en(de) seyde dat hi hen dien sculdech wae(re) te geve(n) oft/neen dat hi hem des aende scepen(en) keerde en(de) dads hem een/wittich vonnisse op dwelc de voirs(creven) pet(er) [willem] hem v(er)antw(er)de/en(de) seyde dat hem die aensprake gheen onstade doen en soude/en(de) dat wae(re) bi des(er) reden(en) want si voermaels vand(er) selv(er) sake(n) /in rechte come(n) wae(re) voe(r) meye(r) en(de) scepen(en) van loeve(n) daer de/voirs(creven) willem vand(er) selv(er) aensprake(n) quijt gewijst wae(re) en(de) soude/umm(er) vreemt sijn datme(n) die sake(n) wed(er) soude moge(n) v(er)steke(n)/want also en soude nyema(n)t ten eynde va(n) rechte geraken konnen/Oec seyde de voirs(creven) willem waert hem noet dat hi wael/thoene(n) soude dat de vors(creven) adaem in sine(n) doetbedde seyde dat/de voirs(creven) peter hem met allen sine(n) goede(n) niet betalen en soude/en(de) dat de voirs(creven) willem in des(er) voegen vand(er) voirs(creven) aensprake(n) quijt/gewijst wae(re) dat boet hi te thoenen met register vand(er) /stat boeke mids den welke(n) de selve wille(m) seyde dat hi/van des(er) aensprake(n) ongehoude(n) sijn soude op dwelc de scepen(en) /gemaent wijsde(n) voe(r) een vonnisse dat si bleven bi alsulke(n)/vonnisse als de scepen(en) van loeven hae(r) voerseten dair af/gewijst hadde(n) cora(m) joh(ann)e de huffle joh(ann)e de borch(oven) ludovico/roelants walte(r)o py(n)noc walt(ero) capellema(n) goessuino ouderogghe/et joh(ann)e ridde(re) scab(inis) lov(aniensibus) act(um) iii die sabbati xi die m(en)s(is) julii