It(em) egidius de ghinderbove(n) d(i)c(t)us vander beke die geleyt es totte(n) goeden have en(de)/ erve jonfrouwe katline(n) weduwe colijns wilen van meerbeke zust(er) des voirs(creven)/ gielijs en(de) nu wettich wijf jans van woelmont in jegenwordich(eyt) der scepen(en) van/ loeve(n) gestaen heeft geloeft openbairlic dat hij mette(n) voirs(creven) beleyde den voirs(creven)/ janne van wolmont noch der voirs(creven) jouf(frouwe) katline(n) sinen wive in neghene(n) tide(n)/ toecomende mette(n) voirs(creven) beleyde hijnder noch letsel doen en sal in negheenre/ manie(re)n behoudelic dien gevielt also dat pet(er) van ghinderbove(n) dieme(n) heet/ vander beke [jouf(frouwe) marie sijn docht(er) en(de) jan de roede en(de) jouf(frouwe) lijsbet sijn wijf oic docht(er) der vors(creven) pet(er)s] vande(n) voirs(creven) janne van woelmont niet gelost noch gequijt en/ worde(n) van lxxv noblen daer voe(r) de selve peter steet en(de) borge es des selfs/ jans aen thomaes torf coepman uyt yngelant en(de) d(aer) af henric wilen vande(n)/ assche tot behoef des voirs(creven) coepmans de geloefte ontfaen heeft dat dan de/ voirs(creven) gielijs also vele sal moghen doen d(aer) mette(n) voirs(creven) beleyde aende goede/ des voirs(creven) jans en(de) jouf(frouwe) katline(n) sijns wijfs dat de voirs(creven) peter [jouf(frouwe) marie en(de) jan de rode en(de) jouf(frouwe) lijsbet sijn wijf] gelost en(de)/ gequijt sele(n) moghen werden sonder argelist lynde(n) ouder(ogge) in vigilia/ nat(ivita)[t(is)] d(omi)ni
//