It(em) want stoet en(de) twidracht opverstaen wae(re)n tusschen he(re)nhenrike van/ dyest he(re) t(er) rivie(re)n in deen side en(de) he(re)nhenrike van ranst he(re) te kessele/ die nade heerlicheit ons gned(ichs) h(ere)n van brabant en(de) na sijnre stat/ recht van loeven(en) come(n) en(de) geleyt is totte(n) goeden h(ere)nhenrix wilen vand(er)/ leck he(re) van heeswijc in dande(re) van alsulke(n) hafelike(n) goede(n) en(de) vliegen/ derve als de voirs(creven) wilen h(er)henric aenveerde en(de) behielt vander/ doet vrouwe aleyte(n) wilen vrouwen vand(er) rivie(re)n moye des voirs(creven)/ h(ere)nhenrix van dyest So sijn dair om de voirs(creven) p(ar)thien come(n) voe(r)/ scepen(en) van loeven(en) en(de) hebben hen van dien stoot en(de) voirtaen van alle(n)
//
ande(re)n saken en(de) geschillen die sij deen den ande(re)n eysschende moghen sijn/ tot opte(n) dach van heden verbonden en(de) gesubmitteert in zegge(re)n/ en(de) vriendelike yffene(re)n te weten de voirs(creven) h(er)henric van dyest in/ jacob uyte(n) lyemi(n)ghen burg(er)meest(er) van loeven(en) en(de) lodewijc rolands/ scepen(e) van loeven(en) en(de) de voirs(creven) henric van ranst in joncker/ janne he(re) te bout(er)shem en(de) lodewijc de rike rentmeest(er) van loeven(en)/ op alsoe so wes de voirs(creven) h(er)henric van dyest den voirs(creven) h(ere)n/ henrike van ranst eysschen wille dat hij daer af sine(n) eyssche/ make(n) sal en(de) dien den zegge(re)n des voirs(creven) henrix van ranst [in gescrifte] over/ gheve(n) tusschen dit en(de) beloken(en) sinxen(en) naist comende daer op/ de selve henric van ranst sine verantwerden make(n) en(de) dat/ in gescrifte ov(er)geve(n) sal den zegge(re)n des voirs(creven) he(re)nhenrix van/ dyest bynne(n) xiiii nachte(n) dair naist volgende dair af dan/ de voirs(creven) vier zegge(re)n of de drie van han de eendrechtelic hue(re)/ zeggen en(de) uutene(n) sullen bynne(n) eenre maent dair alrenaist/ volgende op dat sij dies [eens] en(de) van accoorde gewerde(n) comen/ En(de) so waer de voirs(creven) vier zegge(re)n of de drie van hen des/ niet eens en worden so sullen elker vors(creven) p(ar)thien twee zegge(re)n/ eene(n) goeden man neme(n) en(de) kiesen moghen die beyde aensprake/ verantworden en(de) alle bescheit der voirs(creven) p(ar)thien aengehoirt hae(re)/ zeggen en(de) goetdunke(n) inder voirs(creven) saken zegge(n) en(de) p(ro)nu(n)cie(re)n sulle(n)/bynne(n) eenre maent die dair alrenaist volge(n) sal en(de) metter/voirs(creven) selver saken doen en(de) die sette(n) alsoet hen ghenueghen sal [bynne(n) eenre maent d(aer) alrenaist volgende]/ Gelovende de voirs(creven) p(ar)thien vast en(de) onv(er)brekelic te houden so/ wes de voirs(creven) iiii zegge(re)n of de drie van hen of oic de twee/ overma(n)ne inder voirs(creven) zaken voe(r) hue(re) goetdunke(n) segghen en(de)/ daer mede doen sullen sond(er) argelist
//