It(em) vander zaken die gedingt is voe(r) meye(r) en(de) scepen(en) van loeven(en) tusschen/ jouf(frouwe) katline(n) weduwe lambrechs wilen van ghinderbove(n) diemen/ heet vanderbeke welke wilen lambrecht geleyt was nade(n) recht/ der stat van loeven(en) totte(n) goede(n) peters van ghinderbove(n) diemen/ heet vander beke sijns brueders in deen side en(de) janne van/ drogenbroeck in dander van eenen mudde rogs erfspachs/ dat de selve jan yesch en(de) meynde te vervolghen g op een/ buender bosch [des voirs(creven) peters] gelege(n) op vordonc inde prochie van erpse/ hebben de selven scepen(en) van loeven gewijst voe(r) een vonnisse/ dat de p(ar)tien trecken sullen inden hof dair dat(er) behoirt/ recht aldair te gheve(n) en(de) te neme(n) cor(am) borch(oven) rolant oppend(orp)/ pynnoc iunior vynck hug(ar)den novembr(is) vi[ta]
//