It(em) jacob uuten lyemi(n)ghen nu t(er) tijt burg(er)meest(er) van loeven(en) in jegenwordicheit d(er)/ scepen(en) van loeven(en) gestaen heeft geloeft voe(r) hem sijn erfgename(n) en(de) nacome/ linghen dat hij met alsulker guedinge(n) dair mede hij van jouf(frouwe) katline(n)/ weduwe willems wilen vanden berge voe(r) meye(r) en(de) scepen(en) van loeven(en) gegoidt/ is in alle de goede h(ere)njans van kuyc he(re) van hoeghstraten so waer die/ goede gelege(n) sijn teghen die duwarie die vrouwe johanne vander leck/ dochte(re) h(ere)nhenrix wilen vander leck nu(m)m(er)meer doen noch gaen en sal in/ engheenre manie(re)n geloevende de voirs(creven) jacob de selve duwarie vast/ en(de) gestentich te houden also verre alst in hem is cor(am) oppend(orp) pynnoc/ iunior januar(ii) xv
//