Cond sij allen liede(n) want stoet en(de) gheschille opgestaen sijn tussche(n)/ h(ere)n henricke van diest he(re) vand(er) ryviere(n) in deen zijde en(de) henricke(n)/ van ranst he(re) van kessele die na de(n) recht d(er) stat va(n) loeve(n) come(n) en(de)/ geleydt is tot de(n) goede(n) have en(de) erve h(ere)n henrics wilen vand(er) leck/ he(re) van heeswijc in dande(re) van alsulke(n) vliegende(n) erve als bleve(n) en(de)/ v(er)storve(n) was na en(de) vand(er) doet wile(n) vrou aleyte(n) vrouwe vand(er) ryviere(n)/ moeye des voirs(creven) h(ere)n henrics van diest en(de) wittighe ghesellinne des voirs(creven)/ wilen h(ere)n henrics vand(er) leck Daer om eest dat de voirs(creven) p(ar)tien come(n) sijn/ voe(r) scepen(en) van loeve(n) en(de) hebbe(n) hen [vanden voirs(creven) stote en(de) van des daer aen cleve(n) mach] verbonde(n) en(de) gesubmitteert in vriendelike/ yffenere(n) en(de) segghe(re)n te wete(n) de voirs(creven) her henric van diest in jacob/ uute(n) lyemi(n)ghe(n) nu t(er)tijt burg(er)meest(er) van loeve(n) en(de) lodewijcke roelants scepen(en)/ van loeven En(de) de voirs(creven) henric van ranst in gielise den rike en(de)/ lodewijcke de rike rentm(eeste)r van loeven [en(de) janne vande(n) borchove(n) de(n) jonghen] op also dat de voirs(creven) h(er) henric/ van diest sijne(n) ae eysch en(de) aensprake make(n) en(de) sette(n) sal in gescrifte/ en(de) dien ov(er)gheve(n) sine(n) den segge(re)n des voirs(creven) henrics van ranst tussche(n)/

dit bynne(n) drie weke(n) naest comende daer op de voirs(creven) henric/ va(n) ranst sijn verantw(er)de(n) make(n) en(de) sette(n) sal in gescrifte bynnen/ drie weken dan dair naist volgende En(de) dan beyde aensprake/ en(de) verantw(er)den ov(er)gheven de bynne(n) den selve(n) tide de(n) [vier] segge(re)n/ voirg(enoemt) die na alle bescheit conde en(de) waerheyde(n) van beyde de(n)/ p(ar)tien voirs(creven) hae(re) seggen uutsegge(n) en(de) p(ro)nu(n)ciere(n) selen op dat si des/ eens en(de) van accorde w(er)de(n) [bynne(n) eenre maent dan daer naest volgende] En(de) so wae(r) si des bynne(n) de(n) selve(n) tide/ niet van accorde gesijn en conne(n) so is gevorwerdt dat elker/ p(ar)tien segge(re)n ene(n) gelike(n) van elken ov(er)man van elker siden bynne(n)/ d(er) selv(er) [maent] kiese(n) en(de) neme(n) sele(n) daer voe(r) si alle(n) aensprake antw(er)de/ en(de) alle tgheen des vande(n) voirs(creven) stote voe(r) hen come(n) sal zijn bu(r)ge(n)/ selen welke twee ov(er)ma(n)ne dan bi rade vande(n) voirs(creven) segge(re)n/ vande(n) voirs(creven) stote hae(re) segge(n) uutene(n) en(de) segge(n) selen bynnen/ eenre maent d(aer) naest volgende met alsulk(er) vorw(er)de(n) waert/ dat en(n)nigher p(ar)tien e(n)nige(n) segghe(n) oft ov(er)man gebrake datmen/ dan ene(n) ande(re)n na vorme(n) vande(n) voirs(creven) comp(ro)misse in sijn/ stat sal moghe(n) neme(n) ghelovende beyde de voirs(creven) p(ar)tien vast/ en(de) gestentich te houde(n) so wes de voirs(creven) segge(re)n oft ov(er)man/ vande(n) voirs(creven) stote segghen en(de) uutene(n) [p(ro)nu(n)cie(re)n] sele(n) sond(er) argelist vynck/ hug(ar)den maii penulti(m)a
//