Cond zij allen lieden dat henric van loven soen philips wilen vand(er) leck/ bastards in deen zijde ende jan vander mazen die na den rechte d(er) stad/ van loven voer meye(r) ende scepen(en) aldaer gegoedt ende gheerft is in alle/ de onberuerlike goede joffr(ouwen) anen weduwe des voirs(creven) wilen philips/ ende moeder des voirs(creven) henrix in jegewordich(eit) d(er) scepen(en) van loven(e) gestaen/ sijn eens worden ende overcomen bij raede van vrienden vanden vor/ werden h(ier) nae bescreven en(de) vercleert Te weten is vanden geschille/ ende der dissensien die gheweest is tuschen de selve p(ar)tien vanden/ goeden beyde have ende erve die bleven sijn na de doet des voirs(creven)/ wilen philips ende daer de voirs(creven) joffr(ouwe) ane in ghericht soude wesen/ so waer oft onder ewat bancken oft plaetsen die goede gelegen sijn/ Yerst dat elc vanden p(ar)tien nemen sullen twee goede manne/ daer toe de voirs(creven) henric genomen ende ghenoemt heeft willem/ bot ende henric van cornel beyde bynnen den lande van/ breda gheseten ende de voirs(creven) jan heeft daer toe genoemt/ ende genomen he(re)n clase vander dussen brueder des/ huys van braken vander ordenen van sente jans ende/ willem van beso(n)yen Op also dat dese vier zamentlic/ trecken sullen van bancken tot bancken d(aer) onder de goede/ gelegen sijn ende v(er)nemen ende doen hen daer wael ende/ truwelic bevroeden ende hoeren soe wes inden goeden die/

ond(er) die banck daer sij na vraghen? sullen ende bleven sijn/

na de doet des voirs(creven) wilen philips [soe wes] der voirs(creven) joffr(ouwe) anen na/ den lantrecht behoe(re)n ende sculdich sal sijn te vollghen [inde goede die ond(er) die banck gelegen sijn] Ende dit/ selen de voirs(creven) vier goede manne v(er)volghen ende (con)tinue(re)n tot den/ eynde toe uut ende tot allen bancken daer onder e(n)nich vanden goeden/ die acht(er) den voirs(creven) wilen philips bleven sijn gelegen sullen wesen/ / Ende ter stont als sij des aldus bevroet selen sijn so es vorw(er)de/ dat de voirs(creven) henric van loven den voirs(creven) janne vander mazen tot/ behoeff ende in orboe(r) der voirs(creven) joffr(ouwen) anen ende arnts vand(er) dussen/ nu haers mans sijnde sal laten volgen alle tghene dat der/ voirs(creven) joffr(ouwe) anen behoert in alle de voirs(creven) goede beyde have en(de)/ erve ende d(aer) aff sal hij doen alsulken vestich(eit) als behoe(re)n sal Oec/ is vorwerde dat de voirs(creven) jan vander mazen voer oegen bringhen/ sal alle de brieve die tot den voirs(creven) goeden hoe(re)n om die gevisiteert/ te werden biden voirs(creven) vier goeden mannen te dyen eynde dat/ sij hen te bat ver bevroeden moeghen wes eene(n) yegeliken van/ rechts weghen behoe(re)n sal Ende alsmen dat behouden sal/ hebben so sal eenyegelic vanden p(ar)tien te hemw(er)t hebben/ de brieve die hem tot sinen goeden behoe(re)n ende hem na/ den lantrechte gelijc voirs(creven) is aengedeelt sele(n) werden/ Ende oft dan e(n)nige brieve wae(re)n die men niet/ scheyden en mochte so es dan cleerlic gevorwert/ datmen die brieve onder eenen goeden man leggen/ sal daer des beyde p(ar)tien voirscr(even) te vreden sijn selen/ in alsulk(er) manie(re)n so wye van hen diere brieve/ te doen hebben sal dat hij [die] sal moegen halen/ op goede cauchie [caucie] daer voer te setten om die/ ald(aer) weder te bringhen als hij die gheorbert sal/ hebben Ende sullen alle de vruchten ende de goede/ gemeynlic stille bliven staende bij beyde renten pachte/ en(de) and(er)s sond(er) die vander eenre p(ar)tyen oft vander/ / ande(re) op te bueren oft gehaven te werden tot aender/ tijt dat de p(ar)tyen voirscr(even) aldus biden vier goeden/ mannen gesleten sullen sijn met alsulk(er) vorwerden/so oft e(n)nichs vanden p(ar)tien e(n)nich vanden goeden mannen/ gebrake oft niet gecrigen en conden dat hij daer toe enen/ ande(re)n geliken man sal moegen nemen Ende als vanden/ lovenschen brieven die de voirs(creven) jan vand(er) mazen heeft/ is gevorwert so wa(n)neer dese deylinge aldus geschiet/ sal sijn dat dan de voirs(creven) jan vand(er) mazen die leggen/ sal ond(er) e(n)nich vanden clercken van lov(en) en(de) voer/ scepen(en) van loven(e) in alzulker maten datmen daer/ niet vorder mee wercken en sal ten wae(re) datmen/ den voirs(creven) janne vand(er) mazen der voirs(creven) joffr(ouwe) anen/ en(de) arnde vand(er) dussen hoe(re)n man aen tghedeelte der/ voirs(creven) joffr(ouwe) anen [dat hoe(r)] na den lantrechte inden voirs(creven) goeden/ gebue(re)n sal e(n)nich hynd(er) oft letsel dade dat dan/ de voirs(creven) jan vand(er) mazen dat metten voirs(creven) brieven/ en(de) metten rechte weeren sal moegen Ende desgelijx/ t(er) goeder meyningen oftmen zegheren van uutwijck/ en(de) sinen wive die docht(er) is des voirs(creven) wilen philips aen/ hoe(re)n lantrecht e(n)nich letsel doen woude datmen dat/ tot by des vors(creven) zeg(er)s behoeft oft [ende] sijns wijfs metten voirs(creven)/ brieven sal moegen weeren Gelovende de voirs(creven) jan/ / vand(er) mazen welke yffenynge en(de) deylinge de voirs(creven) goede/ manne elker p(ar)tien sijn gedeelte bewijsen en(de) uutspreken sele(n)/ tuschen dit en(de) kersmisse neestcomen(de) Ende oft des de/ voirs(creven) goede manne des bynnen den voirs(creven) t(er)mine niet uut/ en spraken ende sij des niet eens gewerden en consten so/ is gevorwert dat eenyegelic p(ar)tie wed(er) op sijn rechte/ staen sal gelijc hij nu steet Ende de voirs(creven) jan vand(er)/ mazen sal hem metten voirs(creven) sinen lovenschen brieven moghen/ behelpen gelijc hij opten dach van huyden hadde moegen/ doen Ende desgelijx sal hij de ande(re) brieve vanden/ goeden wed(er) te hemwert hebben also hij die voer/ de goede manne bringhen sal sond(er) argenlist Ende/ hebben geloeft de voirs(creven) henric in deen side ende/ jan vand(er) mazen in dande(re) zijde de voirs(creven) vorw(er)den/ en(de) condicien te voldoen en(de) die vast en(de) gestedich/ te houden gelijc die voirscr(even) staen hen en(de)/ hoe(r) goede daer voe(r) verbijnden(de) H(ier) over/ wae(re)n gielijs de rike ende jacop uuten lye(ming)[en]/ scepen(en) van loven(e) gegeven xv daege in/ octobri int jaer xiiii[c] xxix