Cond sij allen liede(n) dat ansem begghe dieme(n) heet van gheete in deen side/ ende jan roesart soen henrix wilen roesart in dande(re) in jegewordich(eit) d(er) scepen(en) van/ loven(e) gestaen hebben gemaect ende sijn bij raede van hae(r) beyd(er) vriende mynlike/ en(de) eendrachtelic ingegaen de vorwerden en(de) condicien h(ier) nae bescreven vanden/ goeden die bleven en(de) verstorven sijn nae en(de) vander doet des voirs(creven) wilen/ henric roesarts ende wilen joffr(ouwen) katlinen sinen wive dochter wout(er)s wilen/ uuter porten Inden yersten es gevorwert dat de voirs(creven) ansem hebben houden/ en(de) besitten sal tot sijnre tocht en(de) sijn leefdaege langc als voer sijn duwarie/ de goede h(ier) nae bescreven Inden yersten huys en(de) hoff met sinen toebehoirten/ gelegen inde leecheitstrate tuschen de goede des voirs(creven) wilen wout(er)s uuter/ porten en(de) de goede jacop scavarts ty(m)mermans Item een vierdeel wijngarts/ gelegen op roesselberch tuschen de goede jans vanden tymple en(de) de goede/ jans keysers wijngarders Item vi mudde core rogs d(er) maten van loven(e)/ erfs pachts te behoirliken en(de) gewoenliken tide te betalen aen en(de) op zeke(re) goede/ en(de) pande wout(er)s wilen van gobbelsrode diemen heet vanden hove te bout(er)she(m)/ gelegen Met alzulker vorwerden so wanneer de voirs(creven) lansloet van live ter/ doet comen sal sijn dat dan de voirs(creven) goede ter stont wed(er)om comen sullen/ tot den voirs(creven) janne roesart oft tot sinen wettigen en(de) warigen erfgenamen/ daer die alsdan na den lantrecht sculdich zullen sijn te comen Ende h(ier)/ mede sal de voirs(creven) lansloet ansem verscheiden sijn van alle den ande(re)n/ goeden sonder hem e(n)nich recht daer vorder in te hebben oft te heyschen/ in dande(re) goede die bleven sijn na den voirs(creven) wilen henricke roesart/ ende joffr(ouwen) katlinen sinen wive oft die bliven zullen na de doet des/voirs(creven) wilen wou joffr(ouwen) lijsbetten weduwe des voirs(creven) wilen wout(er)s uut(er)/ porten so waer die goede gelegen sijn oft met wat name die/ genoemt sijn die al toebeho(r)en en(de) bliven sullen den voirs(creven) janne roesart/ en(de) sinen erfgenamen Ende hebben geloeft de voirs(creven) ansem en(de) jan deen/ den ande(re)n h(ier) aff altijt genoech te doen so also dat elken van hen vast/ ende zeker sij lye(ming)[en] wante mai xv