Van arnde vand(er) dussen It(em) want arnt vand(er) dussen sone he(re) arnts wile(n) vand(er) dusse(n)/ ridders opte(n) dach van heden comen is voe(r) den rade d(er) stat va(n) loeve(n)/ seggende en(de) opdoende dat hi na de(n) rechte d(er) stat va(n) loeve(n) and(er)/ wijle geleidt was tot alle(n) de(n) goede(n) joffr(ouwe) aven weduwe philips/ wile(n) vand(er) leck bastarts joffr(ouwe) lijsbette(n) haerre docht(er) en(de) segers/ va(n) uutwijc sone jans wilen van uutwijc so wae(r) die gelege(n) zijn/ En(de) die(n) acht(er)volghende hi in alle de onberuerlike goede voirscr(even)/ voe(r) meye(r) en(de) scepen(en) va(n) loeven gegoedt en(de) gheerft hadde/ janne vande(n) maze sone wile(n) peters En(de) dat nu op sente laureys/ dach lest leden sijn huys ter dussen met rechte(n) ongeval v(er)bernt/ is daer in de vor brieve vand(er) goedinge(n) voirscr(even) mede v(er)bernde(n)/ Biddende d(aer) om en(de) van gods wegen v(er)suekende datme(n) aensien/ woude dopenbaer ongeval en(de) dat hi bi des vors(creven) is een arm/ verderft man wesen soude hem helpen woude dat hi van(der)/ voirs(creven) goedinge(n) ande(re) brieve hebbe(n) mocht Daer om eest dat/ de raet vand(er) stat van loeven aensiende de bede des vors(creven) arnts/ dat die richv(er)dich en(de) godlic was get(er)mineert heeft voer reden(en)/ en(de) bescheit So wae(r) de vors(creven) arnt vand(er) dussen sine(n) eet/ te(n) heylige(n) dade dat de vors(creven) brieve ongecancelleert en(de) gans en(de) geve/ in sijn huys wae(re)n eer dat v(er)bernde en(de) dat si daer in ver/ bernden datme(n) hem dan ande(re) brieve wed(er) make(n) soude dwelc/ de vors(creven) arnt openbaerlic bi sine(n) eede dede de(n) welke(n) navolge(n)d/ hem ande(re) brieve vand(er) goedinge(n) vors(creven) gemaect zijn Cor(am) py(n)noc/ wante burg(i)mag(ist)ris in pleno consilio anno m[mo]/ cccc[mo] xxxvi[to] augusti xvii