SAL7733, Akte: R°288.1-V°291.1 (281 van 422)
Akte R°288.1-V°291.1
Act
Datum: 1439-12-22
Taal: Nederlands
Transcriptie
2014-06-19 door Chris PicardHier na volght een p(ro)cess van enen gedinge nu onlanx voer meye(r) ende/
scepen(en) van arschot bedingt tuschen janne de juede in deen zijde/
ende danele van zurpele als wittich man ende momboe(r) joffrouwe(n)/
katlinen vander meynartshoven sijns wijfs dochter wout(er)s wilen/
vand(er) meynarthoven in dande(re) Des de voirs(creven) scepen(en) van arschot/
bij hen selve(n) niet wijs en wae(re)n so dat sij uut dien met den/
selven p(ro)cesse quamen aen de scepen(en) van loeven als aen hoe(re) hoet/
om van hen daer af een vo(n)nisse te hebben en(de) geleert te werde(n)/
die den voirs(creven) scepen(en) van arscot gaven voe(r) een vo(n)nis gelijc acht(er)/
in dit selve p(ro)cess gescreven steet//
Cond zij u he(re)n dat op dach van rechte comen es inde banck voe(r) meye(r)/
ende scepen(en) van arscot daneel van zurpele van leeuwe als wettich/
man en(de) momboe(r) katlinen sijns wijfs die wittich dochter was wilen/
wouters vander meynartshoven diemen hiet goutacker en(de) seyde met/
sinen geleverden voirspreke dat hij ov(er)mits seke(re) beleide van loeven int/
recht gestaen heeft voe(r) meye(r) en(de) scepen(en) van loeven tegen janne den/
juede oft den ghenen die met geliken beleide tot sinen goeden geleidt/
was en(de) dat dae(re)n teynden die sake gesett wart inden hoff daer/
die goede hoefden Daer om eest dat daneel voirs(creven) als momboer/
sijns wijfs voirg(enoemd) aensprect ja(n)ne den juede voirs(creven) die sijn hande ge/
slaghen heeft aen twee boende(r) beemts gelegen tarscot inde stoffene/
bide hoveycke? tusschen die goede gheerts van dieste in deen zijde/
en(de) wout(ere)n die witte in dande(re) En(de) seet dat hij na staet der heylig(er)/
kerken vergadert es aen katlinen sijn wijf wettich dochter wout(er)s/
voirs(creven) wilen vander meynartshoven Welke wouter was wettich/
brueder jans wilen vander meynartshoven diemen hiet van huber/
tinghen vanden nabedde Welke woute(r) en(de) jan hadden enen vader/
geheten willem vander meynartshoven die wettich zoen was goessens/
wilen vander meynartshoven ende die goessen hadde ene(n) wettigen/
vader die geheten was arnt vander meynartshoven En(de) want de/
voirs(creven) twee boende(r) beemts van boven neder comen weren van dien/
vander meynartshoven en(de) jan vander meynartsh(oven) diemen hiet van/
hub(er)tingen die selve goede besat sinen leefdach lanc uuten welken hij/
starf als uut sinen wettigen erve en(de) daer in bleef sittende als een/
tochtersse joffrouwe magriete wilen was van coudenb(er)ge jans/
wittich wijf voirs(creven) En(de) na haer doet besat die selve goede met/
testamente een geheten jan die natuerlic zoen was jans vand(er)/
meynartshove(n) voirs(creven) en(de) daer na van live ter doot comen En(de) want/
die voirs(creven) katline daneels wijf van zurpele comen es van wittige(n)/
bedde van dien vander meynartshove(n) gelijc voe(r) gheruert es
//
ende dese goede van d(er)re sijden comen sijn So hoept daneel voirs(creven) als/ mombore sijns wijfs voirg(enoemd) dat hem volgen selen die voirs(creven) twee/ boende(r) beemts die welke met meer ande(re) goeden gevallen wae(re)n ter/ deylingen janne voirs(creven) vander meynartshoven diemen hiet van hu/ bertinghen wout(er)s brueder voirs(creven) diemen hiet goutacker welken/ woute(r) daer teghen gevallen wae(re)n tot sijnre deylingen die goede/ te thienen en(de) daer omtrent gelegen Seet voert dat na de doot/ joffr(ouwe) magrieten van coudenb(er)ge voirs(creven) die tochtersse was vanden/ voirs(creven) twee boende(re)n beemts een t(er)minacie en(de) uutsprake gesciedde/ bider goeder stat van bruessele als dat katline nu daneels wijf/ van zurpele voirs(creven) was die naeste levende van jans goede(n) wilen/ vander meynartshoven diemen hiet van hubertingen Voert/ seeght daneel voirs(creven) als waest also dat int gedinge te loeven/ enighe p(er)sonen tuyghden dat willems wijf wilen was vand(er)/ meynartshoven geheeten was magriete nochtan salme(n) claerlic/ vijnden dat sij genaemt was agnete van hub(er)tingen niet min/ dat gae daert sculdich es te ghaen een yegelijc dreeght sijn/ conde Ende alle poenten biedt daneel voirs(creven) te thoenen met/ alsulker conden als hij daer toe gecrighen can ende metten/ minsten daer hij int recht met liden mach en(de) daer die waerh(eit)/ keert daer wilt hij oic ke(re)n en(de) niet vorder en vermedt hij/ hem hopende na de wairheit die hij biedt dat hem als mo(m)boe(re)/ katlinen sijns wijfs voirs(creven) die voirg(enoemde) twee boende(r) beemts/ volgen selen Ende wilt jan de juede des p(ar)tie sijn so genueges/ hem een vo(n)nisse Hier op antwordt jan de jode met sinen/ gelev(er)den voerspreke ende seet dat hem ze(re) verwond(er)t dat daneel/ van zurpele dese aensprake te hemwart gedaen heeft en(de) leydt/ in hoeden der scepen(en) dat daneel aen en sprect maer twee boende(r)/ beemts want jan wilen van hub(er)tingen aldaer houden(de) was vier/ boender beemts en(de) also mochte daneel wel verdoelt sijn dat/ hij dese twee boende(r) meer aensprect dan dander twee want/ die goede die woute(r) de witte aldaer houden(de) es wae(re)n van/ des selfs jans goeden Seet voert want die voirs(creven) goede comen/ sijn van jans van hub(er)tingen moeder en(de) dat joffr(ouwe) lijsbeth jans/ wijf wilen was van kyemen die naeste levende daer af es en(de)/ vander zijden daer af die voirs(creven) goede comen sijn En(de) jan de jode/ voirs(creven) tot allen rechte en(de) versterffenissen dat jan van kymen/ en(de) sijn wijf wilen was aen de voirs(creven) goede hadden met hoefs/ rechte comen es en(de) daer in gegoedt So hoept hij dat hij blive(n)/ sal inde voirs(creven) goede en(de) in sijn possessie ende hedt also geweest
//
dat dese goede comen weren van die vand(er) meynartshoven Soe en hadts/ gheen noet geweest dat jan vand(er) meynartshove(n) diemen hiet van/ hub(er)tingen woute(re)n sinen brueder enige goede hadde dorven maken/ met testamente gelijc hij gedaen heeft Seeght voert om meerder/ claernissen wille dat robeert stypelaert joffr(ouwe) lijsbetten jans wijf/ van kyemen voirs(creven) wittich brueder doe hij leefde jaerlix heffende/ was een deel corens te couthem dwelc oic vander zijden van jans/ van hub(er)tingen moeder zijden comen was gelijc hij hoept dat die/ voirs(creven) goede comen sijn Ende alle poenten biedt jan de joede/ voirs(creven) te thoenen metten minsten daer hij int recht met liden/ mach en(de) daer die waerheit keert daer wilt hij oec ke(re)n en(de) niet/ vorde(re) en vermedt hij hem hopende na de waerheit die hij biedt/ dat hij bliven sal inde voirs(creven) goede en(de) in sijn possessie en(de) en wilt/ daneel van zurpele niet aflaten so genueghes hem wel een/ vo(n)nisse Op dit maende die meye(r) scepen(en) welc scepen(en)/ wijsden beyde p(ar)tien tot hoe(re)n thoenisse// Thoenisse daneels van zurpele// Inden yersten dede daneel lezen een cedule van papyere inde/ welke die twee boende(r) beemts die hij aengesproken heeft bescreve(n)/ stonden met hoe(re)n reengenoten/ It(em) h(er) aert van leeuwe prieste(re) tuyght op sijn borst vrient colne(re)/ godevaert die grote en(de) gheert van goethuysen tuyghden op hoe(re)n/ eedt eendrechtichtlic dat daneel van zurpele vergadert es/ na staet der heylig(er) kerken aen katlinen wouters docht(er) wilen/ was vand(er) meynartshoven diemen int ghemeyn hiet goutacker/ welke wouter was wittich brueder jans wilen vand(er) meynartsh(oven)/ diemen hiet van hub(er)tingen Tuyghende voert dat katline(n) moed(er)/ voirs(creven) noch lijfde en(de) leefde en(de) dat katline voirs(creven) es wout(er)s wettich/ dochter/ It(em) vrient colne(re) en(de) godevaert de grote voirs(creven) tuyghden voert op/ hoe(re)n eedt dat sij als scepen(en) van leeuwe bezegelt hadden enen/ scepen(en) brief van leeuwe daer sij bij bleven dat also geschiet/ sijnde gelijc dien brief begrepen hadde den welken daneel/ beg(er)de gelesen te hebben/ It(em) daneel voirs(creven) begheerde gemaent te hebben henricke(n) vande(n)/ zavelpoel wille(m)me van luye jacoppe scoezitte(re) en(de) godevarde/ vander coevoert hoe willems wijf vander meynartshove(n) wilen/ geheten was daer op sij tuyghden dat hen beste conde were dat/ sij geheeten was magriete
//
It(em) daer na thoende daneel voirscr(even) seke(re) scepen(en) brieve van arschot die/ hij oic begheerde gelesen te hebbene en(de) die gelesen sijnde Soe/ beg(er)de daneel dat die meyer die scepen(en) van arscot die nu sijn/ manen soude oft sij die brieve niet van werden en hielden Welc/ scepen(en) gemaent berieden hen en(de) daer na seyden sij voe(r) een/ vo(n)nisse dat sij bleven bij de scepen(en) brieve die hoir vorders/ bezegelt hebben ja yemant en conde die wed(er)prueve(n) met scepen(en)/ brieven of met scepen(en) monde/ It(em) h(er) aert van leeuwe voirs(creven) tuyght op sijn borst dat hem wael/ kenlic were dat int jaer van xxix so hem best voersteet die he(re)n/ die te derre tijt int regiment vander stat van bruessel wae(re)n/ en(de) ter tijt als joffr(ouwe) m(ar)griete wilen was van coudenb(er)ghe jans/ wijf wilen was vander meynartshoven diemen hiet van hub(er)tinge(n)/ aflivich worden was tallen plaetsen in brabant daer die voirs(creven) jan/ erfgoede liggende hadde en(de) zund(er)linge te leeuwe taerscot ende/ daer omtrent deden condighen dat alle de gheene die hen e(n)nichs/ rechts vermeten(de) we(re)n tot des selfs jans goeden comen souden voer/ hen te bruessele om een yegelijcx besceit aen te horene Tuygende/ voert dat hij te d(er)re tijt sach te bruessele voe(r) die he(re)n vele goed(er)/ ma(n)ne van arscot te wetene wille(m)me vand(er) meynartshoven/ janne vander meynartshove(n) henricke van bruessele en(de) ja(n)ne sty/ pelaert Ende van leeuwe katlinen wout(er)s dochter wilen was/ vand(er) meynartshove(n) diemen hiedt goutacker nu t(er)tijt wettich wijf/ daneels van zurpele voirscr(even) en(de) na eens yegelijcs redene(n) en(de) besceit/ aengehoert so blevens die voirs(creven) p(ar)tien inde voirs(creven) stat van/ bruessele die seyde voe(r) een uutsprake en(de) t(er)minacie dat katline/ nu daneels wijf van zurpele voirs(creven) wae(re) die naeste levende/ vanden erfgoeden jans wilen van hub(er)tingen voirs(creven) Tuyghende/ voert dat boven desen die voirs(creven) stat van bruessele dese t(er)minacie/ en(de) uutsprake te hoe(r) wert hielt noch sesse weken lanc op aven/ tuere ocht voe(r) hen yeman hedde gecomen die beter besceit bibracht/ hedde en(de) want bynne(n) den voirs(creven) tide nyeman and(er)s en quam/ So dede de voirs(creven) stat van bruessele der voirg(enoemde) katlinen ov(er)geve(n)/ een scrijnken met vele erfbrieve(n) dwelc onder de voirs(creven) stat/ gesett was Dit gedaen so seyde jan stypelart hedde hij gewete(n)/ dat wout(er) vand(er) meynartshoven noch een wettige dochter acht(er)/ gelaten hedde die te live bleve(n) weren hij en were te bruessel niet/ comen maer nu wiste hij wel dat hij engheen recht aen de voirs(creven)/ goede en hedde
//
It(em) godevaert de grote voirs(creven) tuyghde op sinen eedt accoerde(re)nde met h(e)r(e)n/ arnde voirs(creven) Tuyghende voert dat hij sesse oft seven reysen hier/ om tot bruessel gereden was/ It(em) h(er) aert en(de) godevaert voirs(creven) tuyghden voert na de t(er)minacie ende/ uutsprake der voirs(creven) stat van bruessele dat sijt hielden daer voer/ dat katline nu daneels wijf van zurpele voirs(creven) wae(re) de naeste/ levende van jans goeden vander meynartshove(n) diemen hiet van/ hub(er)tingen en(de) vand(er) zijden daer die goede af comen we(re)n/ It(em) wouter de witte en(de) henrick pykoes tuyghden op hoe(re)n eedt/ dat sij te bruessel we(re)n voer die stat te derre tijt dat die voirs(creven)/ stat van bruessele haer t(er)minacie uutgaf gelijc h(er) aert voirs(creven) die/ verclaert heeft/ It(em) jan vanden stade en(de) henrick van nurode tuyghden eendrechtelic/ op hoe(re)n eedt dat hun beste conde were dat die goede daer om/ tgedinge es comen sijn van die vand(er) meynartshove(n)/ It(em) jan vanden stade voirs(creven) tuyght voort dat dese goede gedeylt/ wae(re)n teghen die goede vanden stade en(de) dat daer noch een zust(er)/ was die magriete genaemt was die haer and(er)s regeerde dan/ hoe(re)n vrienden lief was want sij vele kijnde(re) bij enen prieste(re) hadde/ en(de) daer om so was sij afgepoent en(de) daer was hij bij en(de) over/ It(em) jan vanden stade voirs(creven) henrick van nurode en(de) gheert van goet/ huysen tuyghen op hoe(re)n eedt dat hoe(re) beste conde were dat katline/ daneels wijf van zurpele de naeste levende es van desen goeden/ en(de) vander zijden daer af die voirs(creven) goede comen sijn/ It(em) arnt weyns tuyght op sinen eedt dat hem wel kenlic wae(re)/ dat jan wilen was vander meynartshoven diemen hiet van/ hub(er)tingen maecte dese twee boend(er) beemts zijne(n) bastart soen/ op also storff hij sonder wettich gebuerte dat die goede wed(er)/ comen souden ter sijden van daer sij comen wae(re)n/ It(em) jan de jode kende dat dese goede op she(re)n van arschot chijnsboec/ gestaen hedden over lx over lxx jair op die vand(er) meynartshove(n)/ Als dit was seyde daneel van zurpele als momboe(re) katlinen/ sijns wijfs dat hij sijns vermets wel volcomen wae(re) beide met/ scepen(en) brieve(n) en(de) levende waerheit En(de) hoepte en(de) meynde na/ thoenisse dat hij geleidt heeft dat hem volgen selen de/ voirs(creven) goede en(de) wilt jan die jode daer teghen seggen so es/ hij des wel getroest tot voe(r) thoet
//
Na dit seyde jan de jode met sinen gelev(er)den voersprake al waert also dat/ hij gekint hedde dat dese goede gestaen hedden op die vand(er) meynartshove(n)/ op he(re)n chijnsboeck van arscot over lx en(de) lxx jair dat hem dat gheen/ onstade doen en sal want leefde jan van hub(er)tingen noch hij wae(re) out/ opten dach van heden lxx oft lxxx jair Seet voert dat daneel/ van zurpele sijns vermets niegherens volcomen en es want hij die/ maescap niet gethoent en heeft van grade te grade met levender/ waerheit so hij sculdich were te doen en(de) and(er)s niet dan met scepen(en)/ brieven Ende meyndt en(de) hoept want h(er) aert van leeuwe met/ sinen medegesellen inden yersten gedragen heeft dat katline(n) moed(er)/ noch lijfde ende leefde so leefde dan noch die tochtersse vande(n)/ goeden en(de) so en es daensprake van rechte niet geschiet wa(n)t/ die tochtersse en(de) derfwijf te samen aengesproken soude(n) hebbe(n)/ dwelc also niet geschiet en es en(de) beg(er)de datmen sijn waerheit/ horen woude// Thoenisse jans die jode// Henrick vanden zavelpoele willem van luye jacop scoezitte(re) en(de)/ goert vander coevoert tuyghden eendrechtelic op hoe(re) eedt dat/ jans van hub(er)tingen gerechten name was vand(er) meynartshoven/ Tuyghende voert dat hen wel kenlic wae(re) dat die goede daer/ om tgedinge es comen sijn van des selfs jans moed(er) wegen en(de)/ dat sijn moeder die goede besat en(de) daer uut gestorven es als/ uut hoe(re)n erve en(de) dat willem jans vad(er) daer in bleef sittende/ als een tochte(re) Ende dat joffr(ouwe) lijsbeth stypelarts jans wijf van/ kyemen was die naeste levende jans wilen van hub(er)tinghen van/ wettighen bedde ende vander zijde van daer die voirg(enoemde) goede/ comen sijn Tuyghende meer dat jan vand(er) meynartshoven hiedt/ jan van hub(er)tingen om des wille dat sijn moeder hiet van/ hub(er)tingen en(de) dat die goede van der moeder ziden comen sijn/ Tuyghen noch waert also dat jan van hub(er)tingen noch lijfde/ en(de) leefde dat hij wel out wae(re) lxxx oft xc jae(re) Tuyghende/ voert dat die selve jan alle sinen duerdach inde voirs(creven) goede/ geseten heeft en(de) na de doet van hem jan sijn bastart zoen/ met testamente en(de) na sijn doet sijn wettich dochter en(de) dat/ jan de jode daer na van desen goeden in possessien geweest/ heeft en(de) noch es en(de) dat die plaetse daer dese goede gelegen/ sijn geheeten es die stoffene en(de) dat daer inne gelegen sijn/ vele boende(r) beemde xxx oft xl boende(r) of meer en(de) dat die hoveycke?/ op dese goede niet en stonde
//
It(em) goert vander coevoert tuyghde voert dat dese goede reenghenoten aende/ goede vander coevoert die welke nu houden(de) es her jan van hellegate/ prieste(re)/ It(em) meest(er) peter voet prieste(re) tuyght op sijn borst dat jan van hub(er)tingen/ doe hij leefde houdende was inde stoffene vier boender beemts vande(n)/ welken drie boender wae(re)n chijnsgoede ende tvierde boender was/ leengoet Ende dat hij als rentmeest(er) she(re)n van arscot menich jaer/ chijns daer af gehaven hedde vander joffr(ouwe) wegen van coudenb(er)ge/ jans wive voirs(creven) van hub(er)tingen Tuyghende voert na dbescheit/ dat hij gesien hadde dat sijn beste conde wae(re) dat jan van huber/ tingen voirs(creven) van desen goede gemaect hadde een boender beemts/ woute(re)n wilen was sinen brueder en(de) dat hij dat vercopen noch/ versetten en soude en(de) dander twee boend(er) beemts ja(n)ne sinen natuer/ liken sone ende dat vierde boender h(er)ja(n)ne van coudenberghe/ met brieven van bruessele Tuyghende voort dat sijn beste conde wae(re)/ dat jan van hub(er)tingen die voirs(creven) goede besat alle sinen duerdach/ en(de) dat hij daer uut sterff als uut sinen erve en(de) dat die joffr(ouwe)/ van coudenb(er)ge voirs(creven) sijn wijf daer in bleef sittende als een/ tochtersse/ Henrick vanden zavelpoele willem van luye jacop scoezitte(re) en(de) goert/ vander coevoert tuyghen op hoe(re)n eedt dat hun beste conde wae(re)/ dat also es gelijc meester [peter] voirs(creven) gedragen heeft Tuyghende voert/ dat sij gesien hedden datjan van hub(er)tingen men op perde koren/
bracht heeft van couthem tot robeerts stypelaerts huys jans/
stypelaerts en(de) joffr(ouwe) lijsbetten brueder en(de) dat dat robeerts/
deylinge was/
H(er)jan vanden schriecke prieste(re) tuyght op sijn borst dat sijn beste/
conde wae(re) na dbescheit dat hij heden op desen dach gesien hadde/
dat jan van hub(er)tingen de voirs(creven) vier boende(r) beemds gemaect/
hadde gelijc meester peter voet voirs(creven) gedragen heeft/
It(em) jan de jode dede lesen enen scepen(en) brief van arschot ende/
beg(er)de die scepen(en) gemaent te hebben oft hij tot desen goede(n)/
niet comen en wee(re) met allen hoefs rechte Die scepen(en) tuyghde(n)/
dat sij bleve(n) bij dien scepen(en) brief en(de) dat daer toe gesciet/
wae(re) alle tgheen dat van rechts wegen daer toe behoerde/
na inhebben sbriefs/
Als dit was hoopte jan die jode dat hij sijns vermeets wel volcome(n)/
were ende hoepte na thoenisse dat hij geleidt heeft van allen/
poenten dat hij blive(n) sal inde voirs(creven) goede en(de) in sijn possessie/
en(de) en wilt daneel va(n) zurpele niet aflate(n) so genueghdes he(m) wel een vo(n)nis
//
Dit gedaen seyde daneel voirs(creven) met sinen geleverden voerspreke dat/ jan die jode sijns vermeets nergherens volcomen en es Ende/ hoept dat hem engheen ontstade doen en sal dat jan de jode/ voe(r) op sijn thoenisse gealligeert heeft dat katlinen sijns wijfs/ moeder noch lijfde en(de) leefde want dat een vreemde tochtersse/ were daer op die voirs(creven) goede niet comen noch versterven en/ mochten Ende hoept na de wairheit die hij geleidt heeft dat/ hem als momboe(re) sijns wijfs voirs(creven) die voirg(enoemde) twee boende(r) beemts/ volgen selen en(de) des wae(re) hij wael getroest tot voe(r) thoet/ Die meye(r) maende die scepen(en) na aensprake na antworde/ na thoenisse en(de) na al dats voe(r) hun comen wae(re) wats met/ den rechte sijn soude Die scepen(en) wijsden dat sijs wijs/ noch vroet en wae(re)n en(de) beg(er)dens geleit te sijn voe(r) hoe(r) hoet// It(em) op dit p(ro)cess voirscr(even) gaven de scepen(en) van loeve(n) den scepen(en)/ van arscot voe(r) een vo(n)nis dat alsulke twee boende(r) beemts/ als de voirs(creven) daneel van zurpele aengesproken heeft den selve(n)/ danele volgen selen also verre alst noch voer scepen(en) va(n) loeve(n)/ comen es Hier wae(re)n over als scepen(en) van loeve(n) daer dit/ hoetvo(n)nisse den scepen(en) van arscot gegeve(n) was wille(m) lomb(ar)t/ joes absoloen jacob uuten lyemi(n)gen lodewijck roelants/ wout(er) capelleman arnt vanden velde en(de) henrick van lynte(re)/ de jonge Dit gesciede a(n)no xxxix xxii dage in dece(m)bri
//
//
ende dese goede van d(er)re sijden comen sijn So hoept daneel voirs(creven) als/ mombore sijns wijfs voirg(enoemd) dat hem volgen selen die voirs(creven) twee/ boende(r) beemts die welke met meer ande(re) goeden gevallen wae(re)n ter/ deylingen janne voirs(creven) vander meynartshoven diemen hiet van hu/ bertinghen wout(er)s brueder voirs(creven) diemen hiet goutacker welken/ woute(r) daer teghen gevallen wae(re)n tot sijnre deylingen die goede/ te thienen en(de) daer omtrent gelegen Seet voert dat na de doot/ joffr(ouwe) magrieten van coudenb(er)ge voirs(creven) die tochtersse was vanden/ voirs(creven) twee boende(re)n beemts een t(er)minacie en(de) uutsprake gesciedde/ bider goeder stat van bruessele als dat katline nu daneels wijf/ van zurpele voirs(creven) was die naeste levende van jans goede(n) wilen/ vander meynartshoven diemen hiet van hubertingen Voert/ seeght daneel voirs(creven) als waest also dat int gedinge te loeven/ enighe p(er)sonen tuyghden dat willems wijf wilen was vand(er)/ meynartshoven geheeten was magriete nochtan salme(n) claerlic/ vijnden dat sij genaemt was agnete van hub(er)tingen niet min/ dat gae daert sculdich es te ghaen een yegelijc dreeght sijn/ conde Ende alle poenten biedt daneel voirs(creven) te thoenen met/ alsulker conden als hij daer toe gecrighen can ende metten/ minsten daer hij int recht met liden mach en(de) daer die waerh(eit)/ keert daer wilt hij oic ke(re)n en(de) niet vorder en vermedt hij/ hem hopende na de wairheit die hij biedt dat hem als mo(m)boe(re)/ katlinen sijns wijfs voirs(creven) die voirg(enoemde) twee boende(r) beemts/ volgen selen Ende wilt jan de juede des p(ar)tie sijn so genueges/ hem een vo(n)nisse Hier op antwordt jan de jode met sinen/ gelev(er)den voerspreke ende seet dat hem ze(re) verwond(er)t dat daneel/ van zurpele dese aensprake te hemwart gedaen heeft en(de) leydt/ in hoeden der scepen(en) dat daneel aen en sprect maer twee boende(r)/ beemts want jan wilen van hub(er)tingen aldaer houden(de) was vier/ boender beemts en(de) also mochte daneel wel verdoelt sijn dat/ hij dese twee boende(r) meer aensprect dan dander twee want/ die goede die woute(r) de witte aldaer houden(de) es wae(re)n van/ des selfs jans goeden Seet voert want die voirs(creven) goede comen/ sijn van jans van hub(er)tingen moeder en(de) dat joffr(ouwe) lijsbeth jans/ wijf wilen was van kyemen die naeste levende daer af es en(de)/ vander zijden daer af die voirs(creven) goede comen sijn En(de) jan de jode/ voirs(creven) tot allen rechte en(de) versterffenissen dat jan van kymen/ en(de) sijn wijf wilen was aen de voirs(creven) goede hadden met hoefs/ rechte comen es en(de) daer in gegoedt So hoept hij dat hij blive(n)/ sal inde voirs(creven) goede en(de) in sijn possessie ende hedt also geweest
//
dat dese goede comen weren van die vand(er) meynartshoven Soe en hadts/ gheen noet geweest dat jan vand(er) meynartshove(n) diemen hiet van/ hub(er)tingen woute(re)n sinen brueder enige goede hadde dorven maken/ met testamente gelijc hij gedaen heeft Seeght voert om meerder/ claernissen wille dat robeert stypelaert joffr(ouwe) lijsbetten jans wijf/ van kyemen voirs(creven) wittich brueder doe hij leefde jaerlix heffende/ was een deel corens te couthem dwelc oic vander zijden van jans/ van hub(er)tingen moeder zijden comen was gelijc hij hoept dat die/ voirs(creven) goede comen sijn Ende alle poenten biedt jan de joede/ voirs(creven) te thoenen metten minsten daer hij int recht met liden/ mach en(de) daer die waerheit keert daer wilt hij oec ke(re)n en(de) niet/ vorde(re) en vermedt hij hem hopende na de waerheit die hij biedt/ dat hij bliven sal inde voirs(creven) goede en(de) in sijn possessie en(de) en wilt/ daneel van zurpele niet aflaten so genueghes hem wel een/ vo(n)nisse Op dit maende die meye(r) scepen(en) welc scepen(en)/ wijsden beyde p(ar)tien tot hoe(re)n thoenisse// Thoenisse daneels van zurpele// Inden yersten dede daneel lezen een cedule van papyere inde/ welke die twee boende(r) beemts die hij aengesproken heeft bescreve(n)/ stonden met hoe(re)n reengenoten/ It(em) h(er) aert van leeuwe prieste(re) tuyght op sijn borst vrient colne(re)/ godevaert die grote en(de) gheert van goethuysen tuyghden op hoe(re)n/ eedt eendrechtichtlic dat daneel van zurpele vergadert es/ na staet der heylig(er) kerken aen katlinen wouters docht(er) wilen/ was vand(er) meynartshoven diemen int ghemeyn hiet goutacker/ welke wouter was wittich brueder jans wilen vand(er) meynartsh(oven)/ diemen hiet van hub(er)tingen Tuyghende voert dat katline(n) moed(er)/ voirs(creven) noch lijfde en(de) leefde en(de) dat katline voirs(creven) es wout(er)s wettich/ dochter/ It(em) vrient colne(re) en(de) godevaert de grote voirs(creven) tuyghden voert op/ hoe(re)n eedt dat sij als scepen(en) van leeuwe bezegelt hadden enen/ scepen(en) brief van leeuwe daer sij bij bleven dat also geschiet/ sijnde gelijc dien brief begrepen hadde den welken daneel/ beg(er)de gelesen te hebben/ It(em) daneel voirs(creven) begheerde gemaent te hebben henricke(n) vande(n)/ zavelpoel wille(m)me van luye jacoppe scoezitte(re) en(de) godevarde/ vander coevoert hoe willems wijf vander meynartshove(n) wilen/ geheten was daer op sij tuyghden dat hen beste conde were dat/ sij geheeten was magriete
//
It(em) daer na thoende daneel voirscr(even) seke(re) scepen(en) brieve van arschot die/ hij oic begheerde gelesen te hebbene en(de) die gelesen sijnde Soe/ beg(er)de daneel dat die meyer die scepen(en) van arscot die nu sijn/ manen soude oft sij die brieve niet van werden en hielden Welc/ scepen(en) gemaent berieden hen en(de) daer na seyden sij voe(r) een/ vo(n)nisse dat sij bleven bij de scepen(en) brieve die hoir vorders/ bezegelt hebben ja yemant en conde die wed(er)prueve(n) met scepen(en)/ brieven of met scepen(en) monde/ It(em) h(er) aert van leeuwe voirs(creven) tuyght op sijn borst dat hem wael/ kenlic were dat int jaer van xxix so hem best voersteet die he(re)n/ die te derre tijt int regiment vander stat van bruessel wae(re)n/ en(de) ter tijt als joffr(ouwe) m(ar)griete wilen was van coudenb(er)ghe jans/ wijf wilen was vander meynartshoven diemen hiet van hub(er)tinge(n)/ aflivich worden was tallen plaetsen in brabant daer die voirs(creven) jan/ erfgoede liggende hadde en(de) zund(er)linge te leeuwe taerscot ende/ daer omtrent deden condighen dat alle de gheene die hen e(n)nichs/ rechts vermeten(de) we(re)n tot des selfs jans goeden comen souden voer/ hen te bruessele om een yegelijcx besceit aen te horene Tuygende/ voert dat hij te d(er)re tijt sach te bruessele voe(r) die he(re)n vele goed(er)/ ma(n)ne van arscot te wetene wille(m)me vand(er) meynartshoven/ janne vander meynartshove(n) henricke van bruessele en(de) ja(n)ne sty/ pelaert Ende van leeuwe katlinen wout(er)s dochter wilen was/ vand(er) meynartshove(n) diemen hiedt goutacker nu t(er)tijt wettich wijf/ daneels van zurpele voirscr(even) en(de) na eens yegelijcs redene(n) en(de) besceit/ aengehoert so blevens die voirs(creven) p(ar)tien inde voirs(creven) stat van/ bruessele die seyde voe(r) een uutsprake en(de) t(er)minacie dat katline/ nu daneels wijf van zurpele voirs(creven) wae(re) die naeste levende/ vanden erfgoeden jans wilen van hub(er)tingen voirs(creven) Tuyghende/ voert dat boven desen die voirs(creven) stat van bruessele dese t(er)minacie/ en(de) uutsprake te hoe(r) wert hielt noch sesse weken lanc op aven/ tuere ocht voe(r) hen yeman hedde gecomen die beter besceit bibracht/ hedde en(de) want bynne(n) den voirs(creven) tide nyeman and(er)s en quam/ So dede de voirs(creven) stat van bruessele der voirg(enoemde) katlinen ov(er)geve(n)/ een scrijnken met vele erfbrieve(n) dwelc onder de voirs(creven) stat/ gesett was Dit gedaen so seyde jan stypelart hedde hij gewete(n)/ dat wout(er) vand(er) meynartshoven noch een wettige dochter acht(er)/ gelaten hedde die te live bleve(n) weren hij en were te bruessel niet/ comen maer nu wiste hij wel dat hij engheen recht aen de voirs(creven)/ goede en hedde
//
It(em) godevaert de grote voirs(creven) tuyghde op sinen eedt accoerde(re)nde met h(e)r(e)n/ arnde voirs(creven) Tuyghende voert dat hij sesse oft seven reysen hier/ om tot bruessel gereden was/ It(em) h(er) aert en(de) godevaert voirs(creven) tuyghden voert na de t(er)minacie ende/ uutsprake der voirs(creven) stat van bruessele dat sijt hielden daer voer/ dat katline nu daneels wijf van zurpele voirs(creven) wae(re) de naeste/ levende van jans goeden vander meynartshove(n) diemen hiet van/ hub(er)tingen en(de) vand(er) zijden daer die goede af comen we(re)n/ It(em) wouter de witte en(de) henrick pykoes tuyghden op hoe(re)n eedt/ dat sij te bruessel we(re)n voer die stat te derre tijt dat die voirs(creven)/ stat van bruessele haer t(er)minacie uutgaf gelijc h(er) aert voirs(creven) die/ verclaert heeft/ It(em) jan vanden stade en(de) henrick van nurode tuyghden eendrechtelic/ op hoe(re)n eedt dat hun beste conde were dat die goede daer om/ tgedinge es comen sijn van die vand(er) meynartshove(n)/ It(em) jan vanden stade voirs(creven) tuyght voort dat dese goede gedeylt/ wae(re)n teghen die goede vanden stade en(de) dat daer noch een zust(er)/ was die magriete genaemt was die haer and(er)s regeerde dan/ hoe(re)n vrienden lief was want sij vele kijnde(re) bij enen prieste(re) hadde/ en(de) daer om so was sij afgepoent en(de) daer was hij bij en(de) over/ It(em) jan vanden stade voirs(creven) henrick van nurode en(de) gheert van goet/ huysen tuyghen op hoe(re)n eedt dat hoe(re) beste conde were dat katline/ daneels wijf van zurpele de naeste levende es van desen goeden/ en(de) vander zijden daer af die voirs(creven) goede comen sijn/ It(em) arnt weyns tuyght op sinen eedt dat hem wel kenlic wae(re)/ dat jan wilen was vander meynartshoven diemen hiet van/ hub(er)tingen maecte dese twee boend(er) beemts zijne(n) bastart soen/ op also storff hij sonder wettich gebuerte dat die goede wed(er)/ comen souden ter sijden van daer sij comen wae(re)n/ It(em) jan de jode kende dat dese goede op she(re)n van arschot chijnsboec/ gestaen hedden over lx over lxx jair op die vand(er) meynartshove(n)/ Als dit was seyde daneel van zurpele als momboe(re) katlinen/ sijns wijfs dat hij sijns vermets wel volcomen wae(re) beide met/ scepen(en) brieve(n) en(de) levende waerheit En(de) hoepte en(de) meynde na/ thoenisse dat hij geleidt heeft dat hem volgen selen de/ voirs(creven) goede en(de) wilt jan die jode daer teghen seggen so es/ hij des wel getroest tot voe(r) thoet
//
Na dit seyde jan de jode met sinen gelev(er)den voersprake al waert also dat/ hij gekint hedde dat dese goede gestaen hedden op die vand(er) meynartshove(n)/ op he(re)n chijnsboeck van arscot over lx en(de) lxx jair dat hem dat gheen/ onstade doen en sal want leefde jan van hub(er)tingen noch hij wae(re) out/ opten dach van heden lxx oft lxxx jair Seet voert dat daneel/ van zurpele sijns vermets niegherens volcomen en es want hij die/ maescap niet gethoent en heeft van grade te grade met levender/ waerheit so hij sculdich were te doen en(de) and(er)s niet dan met scepen(en)/ brieven Ende meyndt en(de) hoept want h(er) aert van leeuwe met/ sinen medegesellen inden yersten gedragen heeft dat katline(n) moed(er)/ noch lijfde ende leefde so leefde dan noch die tochtersse vande(n)/ goeden en(de) so en es daensprake van rechte niet geschiet wa(n)t/ die tochtersse en(de) derfwijf te samen aengesproken soude(n) hebbe(n)/ dwelc also niet geschiet en es en(de) beg(er)de datmen sijn waerheit/ horen woude// Thoenisse jans die jode// Henrick vanden zavelpoele willem van luye jacop scoezitte(re) en(de)/ goert vander coevoert tuyghden eendrechtelic op hoe(re) eedt dat/ jans van hub(er)tingen gerechten name was vand(er) meynartshoven/ Tuyghende voert dat hen wel kenlic wae(re) dat die goede daer/ om tgedinge es comen sijn van des selfs jans moed(er) wegen en(de)/ dat sijn moeder die goede besat en(de) daer uut gestorven es als/ uut hoe(re)n erve en(de) dat willem jans vad(er) daer in bleef sittende/ als een tochte(re) Ende dat joffr(ouwe) lijsbeth stypelarts jans wijf van/ kyemen was die naeste levende jans wilen van hub(er)tinghen van/ wettighen bedde ende vander zijde van daer die voirg(enoemde) goede/ comen sijn Tuyghende meer dat jan vand(er) meynartshoven hiedt/ jan van hub(er)tingen om des wille dat sijn moeder hiet van/ hub(er)tingen en(de) dat die goede van der moeder ziden comen sijn/ Tuyghen noch waert also dat jan van hub(er)tingen noch lijfde/ en(de) leefde dat hij wel out wae(re) lxxx oft xc jae(re) Tuyghende/ voert dat die selve jan alle sinen duerdach inde voirs(creven) goede/ geseten heeft en(de) na de doet van hem jan sijn bastart zoen/ met testamente en(de) na sijn doet sijn wettich dochter en(de) dat/ jan de jode daer na van desen goeden in possessien geweest/ heeft en(de) noch es en(de) dat die plaetse daer dese goede gelegen/ sijn geheeten es die stoffene en(de) dat daer inne gelegen sijn/ vele boende(r) beemde xxx oft xl boende(r) of meer en(de) dat die hoveycke?/ op dese goede niet en stonde
//
It(em) goert vander coevoert tuyghde voert dat dese goede reenghenoten aende/ goede vander coevoert die welke nu houden(de) es her jan van hellegate/ prieste(re)/ It(em) meest(er) peter voet prieste(re) tuyght op sijn borst dat jan van hub(er)tingen/ doe hij leefde houdende was inde stoffene vier boender beemts vande(n)/ welken drie boender wae(re)n chijnsgoede ende tvierde boender was/ leengoet Ende dat hij als rentmeest(er) she(re)n van arscot menich jaer/ chijns daer af gehaven hedde vander joffr(ouwe) wegen van coudenb(er)ge/ jans wive voirs(creven) van hub(er)tingen Tuyghende voert na dbescheit/ dat hij gesien hadde dat sijn beste conde wae(re) dat jan van huber/ tingen voirs(creven) van desen goede gemaect hadde een boender beemts/ woute(re)n wilen was sinen brueder en(de) dat hij dat vercopen noch/ versetten en soude en(de) dander twee boend(er) beemts ja(n)ne sinen natuer/ liken sone ende dat vierde boender h(er)ja(n)ne van coudenberghe/ met brieven van bruessele Tuyghende voort dat sijn beste conde wae(re)/ dat jan van hub(er)tingen die voirs(creven) goede besat alle sinen duerdach/ en(de) dat hij daer uut sterff als uut sinen erve en(de) dat die joffr(ouwe)/ van coudenb(er)ge voirs(creven) sijn wijf daer in bleef sittende als een/ tochtersse/ Henrick vanden zavelpoele willem van luye jacop scoezitte(re) en(de) goert/ vander coevoert tuyghen op hoe(re)n eedt dat hun beste conde wae(re)/ dat also es gelijc meester [peter] voirs(creven) gedragen heeft Tuyghende voert/ dat sij gesien hedden dat
//
Dit gedaen seyde daneel voirs(creven) met sinen geleverden voerspreke dat/ jan die jode sijns vermeets nergherens volcomen en es Ende/ hoept dat hem engheen ontstade doen en sal dat jan de jode/ voe(r) op sijn thoenisse gealligeert heeft dat katlinen sijns wijfs/ moeder noch lijfde en(de) leefde want dat een vreemde tochtersse/ were daer op die voirs(creven) goede niet comen noch versterven en/ mochten Ende hoept na de wairheit die hij geleidt heeft dat/ hem als momboe(re) sijns wijfs voirs(creven) die voirg(enoemde) twee boende(r) beemts/ volgen selen en(de) des wae(re) hij wael getroest tot voe(r) thoet/ Die meye(r) maende die scepen(en) na aensprake na antworde/ na thoenisse en(de) na al dats voe(r) hun comen wae(re) wats met/ den rechte sijn soude Die scepen(en) wijsden dat sijs wijs/ noch vroet en wae(re)n en(de) beg(er)dens geleit te sijn voe(r) hoe(r) hoet// It(em) op dit p(ro)cess voirscr(even) gaven de scepen(en) van loeve(n) den scepen(en)/ van arscot voe(r) een vo(n)nis dat alsulke twee boende(r) beemts/ als de voirs(creven) daneel van zurpele aengesproken heeft den selve(n)/ danele volgen selen also verre alst noch voer scepen(en) va(n) loeve(n)/ comen es Hier wae(re)n over als scepen(en) van loeve(n) daer dit/ hoetvo(n)nisse den scepen(en) van arscot gegeve(n) was wille(m) lomb(ar)t/ joes absoloen jacob uuten lyemi(n)gen lodewijck roelants/ wout(er) capelleman arnt vanden velde en(de) henrick van lynte(re)/ de jonge Dit gesciede a(n)no xxxix xxii dage in dece(m)bri
//
Nagekeken door: Inge Moris
Moderator: Inge Moris
Laatste update:: 2013-07-24 door Lize De Wilder