It(em) joncker jan van witham he(re) tot bout(er)shem es come(n) in jeg(enwordicheit)/ der scepen(en) van loeve(n) en(de) heeft openbairlic bekent en(de) verlijdt dat/ peter pot van antw(er)pen hem volcomelic wittelic en(de) wale/ vernueght en(de) gecontenteert heeft van allen den goeden erf/ pachte en(de) renten die de voirs(creven) peter tot sijns selfs behoef oft/ oic tot behoef der capellen van sente salvatours biden voirs(creven)/ pete(re)n gefundeert inde stad van antwerpen en(de) der armer/ die alle weeken aldair ter deylingen comen selen tot eeu/ wegen dagen oft yemants and(er)s behoef gecocht en(de) gecregen/ heeft tegen den voirs(creven) jonck(er) janne zo wair die belegen of/ hoe zij genoempt zijn en(de) heeft den voirs(creven) pete(re)n tot sijne(n)/ behoef en(de) tot der voirs(creven) capellen en(de) armer behoef dair/ af volcomelic en(de) al quijtgescoude(n) Gelovende de voirs(creven) j/ jonck(er) jan voir hem sijn erfgename(n) en(de) nacomelinge(n) den/ voirs(creven) pete(re)n pot zijne(n) erfgename(n) en(de) nacomelinge(n) en(de)/ oic inde(n) name en(de) tot behoef d(er) voirs(creven) capellen en(de) armer/ van allen saken voirs(creven) wairscap en(de) altoes genoech te doen/ op dat hem dair af yet te luttel of te nauwe geschiet/ wae(re) also dat den voirs(creven) pete(re)n inde(n) name en(de) tot behoef/ d(er) voirs(creven) capellen en(de) armer vast en(de) seker sijn moege tot/ eeuwegen dagen h(ier) wae(re)n over abs(oloens) lyntre ja(nuarii) xx/