Item uut dien dat joffr(ouwe) m(ar)griete raweleers beghijne vanden groten beghijnhove/ bynne(n) loeven(en) die na den rechte der stad van loeven comen en(de) geleidt/ es tot allen den haefliken goeden joffr(ouwe) m(ar)grieten [wilen] smans oic beghijn/ vanden selven beghijnhove op den dach van heden mette(n) stadbrieve(n)/ hadde doen inscriven janne bruelman meye(r) h(er) joncke(re)n van bout(er)she(m)/ tot cortelke die beslagen hadde zeke(re) coeren en(de) hoy onder hem geleg(en)/ inde schue(re) symoens ro(m)melarts en(de) dach van rechte hadde op hede(n)/ te mistijde voir seker recht dat hij dair aen meynde te hebben [en(de)] te/ v(er)reycken ende de voirs(creven) jan bruelman tot sijnen dage niet comen/ en es so hebben de he(re)n tscepen(en) van loeven(en) gewijst voir een/ vo(n)nisse datmen der voirs(creven) joffr(ouwe) m(ar)grieten vanden voirs(creven) goeden/ houden sal in hoiren beleide also verre alst noch voe(r) scepen(en) van/ loeven(en) comen es eisd(em)/