It(em) wout(er) hollants van buetsele Es comen in tegewoirdich(eit) d(er) scepen(en) van loeven/ En(de) heeft gegeven en(de) bekend dat hij gegeven heeft wille(m)me de hane van/ kerckem alle zijn wynnende lande die hij inde p(ro)chien van buetsele en(de)/ van kerckem houdende es Te houden te hebben en(de) te wynnen van half/ merte naestcomen(de) eenen t(er)mijn van neghenthien jae(re)n langh deen/ na dand(er) sond(er) middel volgende Elcx jaers dae(re)n bynnen voir en(de) om vijf/en(de) ne mudde en(de) negen moelevate hairts corens goets en(de) payabels/ d(er) maten van thienen en(de) pacht van bout(er)shem [te weten een mudde d(aer)af te bamesse en(de) dand(er)] ts(en)te andriesmisse ap(oste)ls/ te betalen en(de) te buetsele te leve(re)n alle jare den voirs(creven) t(er)mijn due(re)nde/ en(de) telken t(er)mijne alse vervolghde schout Met vorwerden dat de voirs(creven)/ willem jairlix betalen sal sond(er) afslach vanden voirs(creven) pachte alle den/ chijs en(de) pacht uuten voirs(creven) goeden [jairlix] gaende en(de) desgelijx oic den/ chijs en(de) co(m)mer vanden huise en(de) hove svoirs(creven) wout(er)s gelegen te/ buetsele aenden aeswech en(de) die betalinge en(de) lev(er)inge alsoe in/ tijts doen dat den voirs(creven) woute(re)n noch zijn voirs(creven) goede d(aer) by niet/ beschedicht en selen werden It(em) sal de voirs(creven) willem jairlix/ hie(re)nbynnen de voirs(creven) lande wynnen en(de) werven gelijc reengenote(n)/ boven en(de) beneden en(de) tallen sess jae(re)n wel en(de) loflic ov(er)mesten/ en(de) ten afscheiden van zijnen t(er)mijne gewonnen en(de) geworven laten/ gelijc hier na volght Te weten den roggen(en) aert met wynt(er)corene/ besaeyt en(de) de brake en(de) storte geheel En(de) es vorwerde dat de voirs(creven)/ willem trecken sal de vruchten die hij ten afscheiden van zijnen/ t(er)mijne opten voirs(creven) roggen(en) art besaeyt sal hebben zond(er) den/ voirs(creven) woute(re)n d(aer)af e(n)nigen pacht te geven It(em) sal de voirs(creven) willem/ jairlix op zijnen last gehouden zijn te doen vagen de vloetgrecht/ aenden stertborne It(em) es hier inne ond(er)sproken oft gebuerde dat [de] voirs(creven)/ wouter hie(re)n bynnen aflivich wordde bynnen den voirs(creven) t(er)mijne dat/ dan de voirs(creven) willem zijn huysvrouwe oft zijn kynde(re) gestaen selen/niet te geven tgebreck vanden voirs(creven) pachte of [alsdan] e(n)nich uutstonde alsdan/ betalen na groetsen of goetdu(n)cken hoe(re)r bescheidenh(eit) zond(er) e(n)nige/ bewijsnisse and(er)s te dorven doen in e(n)nig(er) manie(re)n cor(am) roelants/ meersberge f(eria) iii p(ost) quasi modo/

S(ententiatu)m p(er) ka(thari)[na(m)] rel(i)c(t)am walte(ri) q(uo)nd(am) holla(n)ts sept(embris) xi a(nn)[o] lx