It(em) arnd hallema(n) soen wilen jans hallemans van lynden die op en/ goensd(aigh) lestleden in handen vand(en) meye(r) van loeven gelev(er)t waert/ biden meye(r) van bout(er)shem als v(er)wijst van zijnen live biden scepene(n)/ van cortelke d(aer) hij gevangen sat heeft geloeft [op] en(de) zijn lijf he(re)n claese/ van s(in)[te] guericx ridde(re) meye(r) te loeven inden name onss gened(ichs)/ he(re)n [te doen] een bedev(ar)t te romen en(de) eene te s(in)[t] jacobs in galissien en(de) drie/ jair ov(er) berch te woene(n) en(de) te trecken bynne(n) derden dage naistc(omende)/ mett(er) sonne(n) uuten palen van brabant en(de) d(aer) uut te bliven tot hij al/ des voirs(creven) steet voldaen sal hebben en(de) goede waerheyt d(aer)af bringht/ na d(er) stad recht van loeven Ende heeft voirt geloeft de voirs(creven) arnd/ op zijn lijf als voe(r) dat hij den meye(r) van bout(er)shem noch ghene(n)/ vand(en) scepene(n) of ond(er)seten van cortelke of van zijne(n) ond(er) diene(re)n/ noch nyeman(ne) and(er)s uut saken van zijnre hachtingen recht vorderi(n)ge(n)/ of leveringe(n) voerger(uert) of dien aengaende nu(m)m(er)meer hynde(re)n noch/ crencken en sal aen lijf of aen goet in e(n)nig(er) manie(re)n vynck nausnyde(re)/ julii xxiii/