It(em) de voirs(creven) jan van oppendorp heeft gekend dat hij by de(n)/ vorste(r) inden name vanden he(re) en(de) voe(r) de getuygen hier na/ bescr(even) vanden voirs(creven) jacoppen in vesticheiden vanden voirs(creven)/ scepen(en) brieve en(de) in voldoene desselfs ontfaen heeft/ de silve(re)n juweelen h(ier) na genoe(m)pt te weten ierst eene(n)/ cleynen ov(er)decten croes wegende v(½) onssen myn iii ingelsche/ It(em) eenen gedraeyden croes [ov(er)dect] wegen(de) x onssen myn v ingels(che)/ It(em) noch eene(n) gedraeyden croes [ov(er)dect] va(n) xviii(½) onss(en) It(em) eene(n)/ v(er)gulden(en) croes ov(er)dect wegende xi onss(en) It(em) noch eenen/ slechten [cleyne(n)] croes ov(er)dect va(n) viii(½) onss(en) It(em) noch eene(n) grote(n)/ slechten ov(er)decten croes va(n) xv(½) onss(en) It(em) vii schalen/ wegen(de) vii merct myn iii onss(en) d(aer)af de v zijn va(n) eene(n)/ fautchoene en(de) dand(er) ii oic van eene(n) maecsele dwelke/ al tsamen weeght xv merct en(de) ii onss(en) [troysche] luttel myn of/ meer om d(aer)aen zijn gebreck vanden voirs(creven) scepen(en) brieve/ zo wa(n)neer hij d(aer)af in gebreke zijn sal te moegen nemen/ en(de) v(er)reycken het zij van v(er)loepen(en) pachte of and(er)s en(de)/ de voirs(creven) lijfrente afgequeten of bewijst zijnde zo heeft/ geloeft de voirs(creven) jan de voirs(creven) pande en(de) juweelen wed(er)/ ov(er) te gheven den voirs(creven) h(ere)n bauduwijne zo v(er)re die/ voe(r) e(n)nich gebreck voirg(enoemd) niet v(er)tiert noch v(er)and(er)t en/ zijn sond(er) argelist cor(am) bailge for(estario) et dict(is) scab(inis) eod(em)/