It(em) vander questien die eene langhe wile tijts gheweest heeft/is tusschen janne m(ar)celis in deen zijde pete(re)n marcelis/ brued(er) des voirs(creven) jans voir hem selven bernarde momboir/ jacoppe de kybbere [knybbere] en(de) janne van achter geheten boschvercken/ inden name van hen selven en(de) van wegen m(ar)griete(n) van / achter al(ia)s boschvercken werdynne des vors(creven) jacops katlijnen s/ m(ar)celis moed(er) d(er) vors(creven) m(ar)grieten henricx en(de) ghijsbrechts van/ achter al(ia)s boschverckens gebrueders d(er) vors(creven) m(ar)grieten en(de)/ insgelix inden name en(de) van wegen vanden wettigen kynde(re)n/ jans wilen terwart die hij achter gelaten heeft van/ wilen katlijnen van achter al(ia)s boschverckens suster d(er) vors(creven)/ gebrued(eren) van achter en(de) oic inden name van aliten/ m(ar)celis moed(er) des vors(creven) bernarts bertelmeeuse katlijnen/ gertruden en(de) ydens [geheten] peters wettige kynde(re) d(er) voirs(creven) aliten/ vanden nabedde die zij behouden heeft van wilen pauwele/ pet(er)s jans fraix en(de) m(ar)grieten peters sijns wijfs alle/ absent sijnde die de vors(creven) bernart jacop en(de) jan van acht(er)/ in des na bescreve(n) is gelooft hebben te vervangen in dande(re)/ hermanne momboir inden name van hem selven en(de)/ van wegen m(ar)grieten vand(er) bauwetten zijns wijfs bertelmeeusse/ vand(er) bauwetten zijns zweer reyners en(de) lijsbetten vander/ bauwetten brueders en(de) susters d(er) vors(creven) m(ar)grieten vander/ bauwetten die de vors(creven) herman in desen gelooft/ heeft te vervangen inde derde ghijsbrechte m(eer)lenberch/ jacops sone ind(en) name van hem selven en(de) van wegen/ des selfs jacops zijns vad(er)s die hij in desen gelooft te v(er)vange(n)/ janne meerlenberch willem(m)e de cafmeye(re) en(de) yden meirlen/ berch inden name van hem selven [en(de) van wegen] ghijsbrechts m(eer)lenberch/ brued(er)s des vors(creven) jacops jacops de moldere en(de) lijsbetten m(eer)len/ berchts zijns wijfs henrix molenplas aleiten m(eer)lenberchs sijns/ wijfs henrix maes sone wilen g(er)truden m(eer)lenberchs sijns wijfs/ johannens en(de) ydens meerlenberchts gesusters alle absent sijnde/ die de vors(creven) jan meerlenberch willem de cafmeye(re) en(de) yde m(eer)len/ berch in desen gelooft hebben te vervangen willem(m)e de kafmeye(re)/ m(ar)grietens ka(tlij)[nens] en(de) magdalenens zijnen kynde(re)n absent/ en(de) ond(er) hue(r) daghe zijnde die de vors(creven) willem de cafmeye(re)/ in desen gelooft heeft te vervangen inde vierde
//
Henricke faige inden name van hem selven en(de) van wegen/ kat(lij)[nens] wed(uwe) jans wilen faige en(de) henrix van bout(er)shem/ huers namans jans symoens lijsbettens m(ar)rgrietens/ en(de) ka(tlij)[nens] faige kyndere d(er) vors(creven) ka(tlij)[ne(n)] die zij behoud(en)/ heeft vand(en) voirs(creven) wilen janne faige hue(re)n yersten/ man peters nollens en(de) ka(tlij)[nens] faige zijns wijfs docht(er)/ wilen symoens mariens deckers wed(uwe) des voirs(creven) wilen/ symoens faige moed(er) d(er) voirs(creven) ka(tlij)[ne(n)] en(de) johanne(n)s faige/ docht(er) der vors(creven) marien en(de) wilen symoens alle absent/ sijnde die de voirs(creven) henric faige in desen oic gelooft/ heeft te vervangen inde vijfste zijde Alse vanden/ goeden en(de) renten het zij leene eyghen oft chijsgoede/ den voirs(creven) p(er)sonen gebleven nade doot wilen sege[r]s van / deurne en(de) roelants wilen van deurne zijnen soens/ van wat natue(re)n die zijn oft wair die gelegen/ moegen wesen het zij inden landen van brabant en(de) va(n)/ luydic Es bij lodewijcke roelofs nutertijt scepen(en)/ van loven(e) en(de) arnoldo kyp pensionarijs d(er) selver stat/ ten bijsijne en(de) met consente d(er) vors(creven) p(er)sonen nu tegen/ wordich zijnde uutgesproken en(de) gheappointeert des/ hier na volght Inden yersten dat den / vors(creven) janne m(ar)celis volghen en(de) blive(n) zullen/ ombelet van alle den ande(re)n p(ar)tien de leengoede gelege(n)/ inden lande van luydic It(em) dat den selven janne oic / volghen zall zijn gedeelte gelijc elken vanden ande(re)n p(ar)tien inde/ tsijsgoede oic aldair inden lande van ludick gelegen en(de) desgelijcx/ zijn gedeelte vanden leengoed(en) in brabant gelegen Item alse/ vanden tsijsgoeden in brabant gelegen die voermails tusschen den/ voirs(creven) p(ar)tien gedeilt zijn geweest zal elken van hen zijn gedeelte vander/ deylinghen volghen en(de) die moeten ond(er)houden ten zij d(air)af met malca(n)de(re)n/ mynlic ov(er)comen consten hier inne versien want e(n)nighe der vors(creven) tsijsgoede/ inden landen van ludick en(de) va(n) braba(n)t erflic bijden voirs(creven) janne zijn uutgegeve(n)/ alsoe hij seeght dat hij der wed(er)p(ar)tien van heuren aengedeelte in/ dien in pe(n)ninghen na landcoop oft in renten zal cuelen en(de) co(m)penseren/ t(er) ordinancien en(de) taxacien vander wet dairt behoiren zall En(de) dat/ den voirs(creven) pet(ere)n en(de) den ande(re)n wed(er)p(ar)tien voirs(creven) des voirg(enoemde) jans m(ar)celijs
//
volghen zullen elken in also verre alst hem aencleeft heur aengedeelte gelijc/ janne vanden voirs(creven) tsijsgoeden inden lande van ludick gelegen ende vanden/ leengoeden in brabant gelegen ende desgelijcx vanden tsijsgoeden nae/ begrijp der deylinghen voirs(creven) opte manie(re) voirscr(even) Behoudelic oft/ des voirs(creven) jans wed(er)p(ar)tien de voirs(creven) goede d(air)inne de voirs(creven) jan m(ar)celijs/ medegericht es vercochten oft terve uutghaven in all oft in deele/ dat jan van zijnen aengedeelte van geliken zall moeten doen ende/ ten prijse also die souden moegen ghelden oft de selve jan soude/ die selve moeghen aenveerden ten selven prijse en(de) d(air)af zijnder/ wederp(ar)tien voldoen Ende desgelijcx oft de selve jan m(ar)celijs zijn/ gedeelte vercochte dat de voirs(creven) wederp(ar)tie(n) die oic om den selven prijs/ zullen moeghen aenveerden It(em) dat elck vanden voirs(creven) p(ar)tien voer hem/ selven versocht zijnde vanden ande(re)n hem zall moeten clee(re)n tsijnre/ eed van allen brieven ende bescheiden den voirs(creven) goeden aenclevende/ en(de) tot dien oft zij e(n)nighe goede oft rinten wisten van zege(re)n en(de)/ roelande voirs(creven) gebleven Dair inne zij mids desen gericht soude(n) moege(n)/ zijn inden brieven niet verclaert om die te volghen na begrijp van/ desen concorde It(em) alse vanden co(m)me(r) gemaict om tvervolgh ende/ besorgh van desen goeden te gecrigen daer voe(r) de voirs(creven) p(ar)tien oft/ e(n)nich van hen te laste staen te weten vier ryders aen der weduwen meys/ en(de) eenen ryde(r) aen h(ere)n wille(m)me edelhe(re) [priestere] Dairaf zullen elc vanden voirs(creven)/ p(ar)tien draghen heur aengedeelte ende malcande(re)n dairaf ontheffen en(de)/ ontlasten also dat deen van hen voer des anders aengedeelte niet belast/ noch gepraemt en zall wesen het zij aende jairlijcsche betalinghe/ afquitinghe oft bewijssenisse Item als vanden vercochten goeden/ des voirs(creven) wilen roelants d(air)af de pe(n)ninghe gegaen zijn alsoe/ jan m(ar)celijs zeeght int vervolgh vander saken den selven goeden/ aencleven(de) Dairaf zall [de selve] jan bewijssenisse doen oft cleernisse/ bij zijnen eede wair die bekeerd zijn als hij vander wederp(ar)tien/ voirs(creven) oft e(n)nighen van hen dair toe versocht wordt Ende oft/ zij inde bewijssenisse discordeerden dat dat staen zall ter/ discrecien..in des voirs(creven) lodewijcx ende arnold(es) Desgelijcks/ zoe verre [de selve] jan meynd dat de pe(n)nighe vanden twee ryders/ jairliker rinten gefineert aen meester matheeuse de laheyns/ bekeert zijn int besorgh oft vervolgh vanden vors(creven) goeden
//
comende in gemeynen p(ro)fijte vanden voirs(creven) partien dat hij dat/ oic sall doen blijken alsoe dat der ande(re)r p(ar)tien mogelic genoech/ zij Ende oft zij in dien discordeerden dat dat staen zall / ter ordinancien des voirs(creven) lodewijcks en(de) arnold(es) kyp It(em)/ dat de voirs(creven) partien van des zij oft e(n)nich van hen vanden/ vruchten der voirs(creven) goeden gehaven moeghen hebben voe(r) den/ tijd des voirs(creven) submissien [appoentements] malcande(re)n niet en zelen moeghen/ eysschen noch aen spreken mair d(air)af van malcande(re)n staen te/ vreden Gelovende elck vanden voirs(creven) p(ar)tien desen tracate/ nae te volghen ende dat te voldoene op eenen banduyn/ van xxx leeuwen half onsen gened(ichen) hee(re) en(de) half den/ smalen hee(re) dairaf onder e(n)nich van hen zall wordden bevonden/ Cor(am) vynck tybe aug(usti) xiiii