Compare(re)nde voe(r) den raide vander stad die heiligheestmeest(ere)n/ van libbeke ter eenre zijden en(de) wille(m)me van overwynhe ter/ ande(re) aldair de voirs(creven) heiligheestmeest(er)s opdeden hoe dat/ niet tegenstaende ende in p(re)judicien van eenen zeke(re)n hootvo(n)nisse/ bijde h(ere)n scepen(en) van loeven gegeven ende bijden scepen(en) van/ libbeke uutgewesen tuschen de voirs(creven) partien dair mede de/ voirs(creven) willem geco(n)dampneert was de vruchten vanden/ goeden dair questie om was te stellen in sequestre in/ gewarig(er) hand tot den ynde vanden beslichte der saken vand(er)/ h(eer)licheit de voirs(creven) willem de selve vruchten innegedaen/ hadde sonder op tvoirs(creven) vo(n)nisse te letten dwelck oft hen/ wordde ontkindt zij p(rese)nteerden te thoenen hopende dat de/ voirs(creven) willem sculdich wae(re) te bliven in hachten dair hij inne/ was tot dat bij hem de voirs(creven) ontvreemde vruchten geresti/ tueert souden zijn ende gestelt in sequestre in gewarig(er) hant/ acht(er)volgende den voirs(creven) vo(n)nisse dair op de voirs(creven) willem/ hem verantwerden(de) en ontkynde niet hij en hadde de voirscr(even)/ vruchten gehantplicht ende insdeels ewech gevuert mair/ hij en hadde dat bij hem selven niet gedaen anders dan met/ meye(r) ende scepen(en) tshee(re)n van bout(er)shem dat hij/ dat alsoe wel hadde moegen doen Dair tegen de voirscr(even)/ heyligheestmeesters replice(re)nde seyden dat hij dat mids den/ voirs(creven) vo(n)nisse niet en hadde moegen doen de sake vand(er) h(eer)lich(eit)/ en wae(re) tyerst beslicht die alnoch ombeslicht stont es/ getermineert bijden raide vander stad dat de voirs(creven) willem/ mids zijnen excesse in vermindernisse vanden hootvo(n)nisse van/ des(er) stad bij hem in desen begaen geloven soude in handen/ vanden burg(er)meester te voldoene alsulken correctie als/ hieraff over hem soude werden getermineert alsoe hij dede/ ende dat hij voirt bliven soude in hachten dair hij inne was/ tot dat hij de vors(creven) ontvreemde vruchten acht(er)volgende den vors(creven)/ hootvo(n)nisse soude hebben gerestitueert en(de) gestelt in sequestre/ in gewariger hand in pleno consilio augusti nona