Item h(er) henrick van witham ridde(r) hee(r) tot bout(er)shem/ huldenberghe cortelke (et)c(etera) heeft geloeft dat hij/ co(m)merloes costeloes ende schadeloes ontheffen ende/ releve(re)n sal hee(re)n lodewijcke py(n)nock ridde(r) hee(r) te/ velpe(n) vander horst hoefmeest(er) ons gened(ichs) hee(re)n/ ertsh(er)tog(en) meye(r) van loeven(en) (et)c(etera) jonch(er) willem(me)/ van arkenteele hee(r) tot essenoir en(de) hee(re)n ja(n)ne/ van alfteren [ridde(r)] hee(r) tot hamele (et)c(etera) en(de) alle(n) ande(re)n/ zijne(n) borgen soe verre sij oft e(n)nich van hen gesproke(n)/ hebbe(n) oft spreke(n) sulle(n) hen veroblig(er)t hebbe(n) oft/ veroblige(re)n sulle(n) e(n)nichssins voe(r) den selve(n) hee(r) van/ bout(er)shem ratifice(re)nde inhereren(de) ende van machte/ houden(de) alle ende yegewelke alsulke obligatien/ geluften ende toeseggen(e) als deselve hee(r) van/ bout(er)shem dair op voirtijts gedaen heeft alsoe/ hij seet het sij voe(r) scepen(en) van loeven(en) voe(r) notar(is)/ ende getuygen oft anderssins welke gelufte(n) gedaen/ hij met des(er) laudeert Geloven(de) voirts als voe(r)/ dat hij de voirs(creven) zijne borgen en(de) yegelijke(n) van/ hen int generael en(de) spetiael voirtaen co(m)merloes/ costeloes schadeloes met alle(n) ande(re)n int(er)este die sij/ lijden mochten onthouwen ende reyn ontheffen/ sal vander penen van vier duysent rynsgulden/ dewelke vanden selve(n) borgen oft e(n)nige(n) ande(re)n/ borghen voe(r) den voirs(creven) hee(r) van bout(er)shem sal/ veroblig(er)t wordden aen den edelen vermoegen(de)/ hee(r) m(ijn) hee(r) inghelbrechte grave tot nassou/ van breda (et)c(etera) Op welke pene van iiii[m] r(yns)/ g(ulden) deselve hee(r) van bout(er)shem hem verborge(n)/ sal t(er) maniss(en) m(ijns) voirs(creven) hee(re)n van nassou altijt/ wed(er)inne te comen(e) teenre plaets(en) dairt m(ijn)/ hee(r) van nassou believe(n) sal en(de) m(ijn) hee(r) va(n) bout(er)shem/ dat beteeken(en) ende noeme(n) sal inde(n) lande va(n) brabant/ sonder dair uut te scheyden(e) voe(r) d(er)re tijt toe dat/ hij den voirs(creven) m(ijn) hee(r) van nassou sal schadeloes/ en(de) costeloes onthave(n) hebbe(n) van sulker actie(n) en(de) eyssche
//
als hee(r) henrick van hompeys ridde(r) en(de) maerscalck/ tsh(er)togen van gulke opte(n) voirs(creven) hee(r) va(n) bout(er)shem/ totter so(m)men van iii[m] v[c] inkelder gulden(en) p(re)tendeert/ en(de) meynt te hebben(e) mits den welke(n) de voirs(creven)/ hee(r) van boutershem geva(n)gen es [was] Ende om meerder/ vestich(eit) den voirs(creven) sijne(n) borge(n) dairop te geschien(e)/ vanden ontheffen(e) als voe(r) Soe heeft de voirs(creven)/ hee(r) van bouthersem geloeft als bove(n) en(de) opde/ pene voirs(creven) dat hij soe vollicke(n) hij vande(n) voirs(creven)/

sijne(n) geva(n)ckenisse ontslage(n) sijn sal totte(n) versueke/ van sijne(n) voirs(creven) borghen oft e(n)nige(n) van hen Sal/ in p(er)soene compare(re)n voe(r) den stedehoude(r) en(de) ma(n)ne(n)/ van leene ons alre gened(ichs) hee(re)n sh(er)tog(en) va(n) braba(n)t/ dair en(de) soe dat behoire(n) sal ende ald(air) opdrag(en)/ sijne h(er)lijch(eit) landen ende goeden van bout(er)shem/ huldenberghe cortelke (et)c(etera) tot behoef en(de) orboe(r)/ van sijne(n) voirs(creven) borghen ende oick sijne chijsgoeden/ voir meye(r) en(de) scepen(en) van loeven(en) Stellen(de) ende/ settende de voirs(creven) sijne h(er)lijch(eit) en(de) goeden inde/ handen vande(n) voirs(creven) leenhee(r) tot sijnder voirs(creven)/ borghen behoef om hen aut dair aen te verhale(n)/ en(de) te vermaene oft soe gebuerde Dwelck god/ verbiede dat sij mits der voirs(creven) borchtocht e(n)nichssins/ belast wordden in toecomen(de) tijden en(de) de voirs(creven)/ hee(r) van bout(er)shem hen dair aff niet en onthieve/ oft en voldade als bove(n) met sulker p(ro)testatie(n)/ nochtan de voirs(creven) van bout(er)shem ondersproke(n) heeft/ Oft geboerde dat den selve(n) noot wae(re) e(n)nige/ van sijne(n) voirs(creven) goeden lande(n) h(er)lijch(eit) oft rinte(n)/ te vercoopen(e) te versette(n) oft anderssins te belasten(e)/ Alleen om de voirs(creven) sijn borge(n) mits der sake(n) voirs(creven)/ te lossen(e) ende te releveren(e) dat hij d(air)toe mette(n)/ voirs(creven) sijne(n) goeden int geheele oft in deele sal/ moege(n) altijt behulpe(n) die moege(n) vercoope(n) ende/ versette(n) oft belaste(n) totte(n) p(ro)ffijte voirs(creven) alsoe hem/ dat believe(n) sal sonder fraude en(de) argelist Cor(am)/ hoeve(n) buetsele dece(m)br(is) xvii